2 PETER 1:16 - Laibaibal Thiang (BSI)

¹⁶ Zeitintiah zer ngai i `awnchawmmi tuanbia zulin, kan Bawipa Jesuh Krih rat`hannâk le a ṭhawnnâk kong hi kan chimmi a si lo, a sunparnâk mit hrimhrim i hmutu kan si.

Lai (Hakha) Common Language Bible 2006

¹⁶ Kan Bawipa Jesuh Khrih ṭhawnnak in a rat kha, kannih nih kan in chimh hna tikah, mi phuahchommi tuanbia ṭukṭak kha kan i rinhmi an si lo. A lianhngannak kha kan mit hrimhrim in kan hmuh.

2 PETER 1:16 Խաչաձեւ Հղումներ

1JOHAN 4:14

Pa nih Fapa cu vawlei khamhtu bangin a thlah tiah kan hmuh i kan hngalhter fawn.

JOHAN 1:14

Bia cu titsa ah â cang i kan sinah khua a sa, a sunparnâk kan hmuh. Pa Fa ngeihchun sunparnâk bantukin, zângfahnâk le biatak in a khat.

1TIMOTE 1:4

pupa hna min le tuanbia sawh sawh ruah le khah kha ngol hna seh, cu nih cun Pathian lei zumhnâkah ṭhathnemnâk zeihmanh a ngei lo, elhnialnâk men a chuahter.

1TIMOTE 4:7

Asinain Pathian-zeirellonâk le pitar hna tuanbia kha hlaw hna law Pathian-ṭihzahtu si dingin cawlcang.

1 KORIN 2:4

Cun ka biachim le phungchimnâk ah, minung fimnâk i biachimthiamnâk hmangin tei kan tim bal hna lo, Thlarau le ṭhawnnâk tu in langhter a si,

EFESA 4:14

fimzer ngai le thiam ngaiin mi a hlengtu cawnpiaknâk thlitu phunkip nih a thenh lengmang mi ngakchia si ti loin,

1 KORIN 1:17

Zeitintiah Krih nih baptisma pêk awkah a ka thlah lo, thawngṭha bia chim dingah a ka thlah, fimnâk bia hmang i chim lo in, culoahcun Krih vailamtahnâk bia hi zeihmanh lo ah an canter sual lai.

BIAPHUAN 1:7

Zohhmanh, khuadawm lakah ara lai, mit vialte nih an hmuh lai, Amah a chunhtu hrimhrim nih khan an hmuh lai. Cun lei i miphun vialte cu Amah ruangah an ṭap lai, cubantuk cu si ko seh. Amen.

TITAS 1:14

biatak mer takin Judah tuanbia le minung nawlpêkmi biapi ah a ruatmi hna bia kha zeiah rak rel hna hlah.

JUDAS 1:14

Cubangin Enok Adam in pasarihnâk nih khan, cubantuk mi hna sinah a rak chimchung cang,

2 THESALON 2:9

Phunglo-umpa ratning cu Satan rianṭuannâk zulhin a ra lai, ṭhawnnâk le, hmelchunhnâk le, lih in khuaruahharnâk phun kip he a ṭuan lai,

2 KORIN 4:2

Ningzah awktlak thuhmi thil hna kha kan hlawt hna, zernâk in kan nung lo, asiloah Pathian bia hi zatlâng hlennâk ah kan hmang fawn lo, Pathian hmai ah biatak cu phuangin mikip chiaṭha hngalhnâk le mit hmuh ah zoh a dawh maw ti hi kan conhmi a si.

2 KORIN 2:17

Zeitintiah mi tampi nih Pathian bia hi chawlehnâk i an hman bangin kannih nih cun kan hmang ve lo; biatak tein; Pathian thlahmi kan si bangin Pathian mithmuh ah Krih ah bia kan chim tawn.

MATTHAI 28:18

Cun Jesuh cu an sinah rain bia a chimh hna, “Lei le van i nawlngeihnâk vialte ka sinah pêk a si cang.

1THESALON 2:19

Zeitintiah kan i ruahchannâk, kan i lawmhnâk le kan bawiluchin ding cu zeidah a si hnga? kan Bawipa Jesuh Krih a rat ṭhan tikah nanmah hi nan si hnga lo maw?

FILIPI 3:21

Zeizong vialte Amah nawl i a umter khotu rianṭuannâk bangin a niam ngaimi kan pum hi a sunglawimi Amah pum bantukah a thlen te lai.

1 KORIN 5:4

Kan Bawipa Jesuh Krih minin nan i pumhnâk ah kei zong ka thlarau in kan Bawipa Jesuh Krih ṭhawnnâk in kâ tel ve,

1 KORIN 2:1

Ule nau hna, Pathian hngalhternâk bia phuang dingin nan sin i ka rat ah khan biachimthiamnâk le a thûkmi fimthiamnâk he ka ra lo.

1 KORIN 1:23

kannih cu Krih khenhchihnâk kong kha kan chim, cucu Judah mi caah tluknâk, Grik mi caah hruh bia,

1 KORIN 1:7

cuticun kan Bawipa Jesuh Krih â langhnâk kha hngak in, thilpêk lei ah chambau in nan um lo,

ROM 1:4

thianhlimnâk Thlarau phungah thihnâk i a thawhṭhannâk nih Pathian Fapa a si zia thiltikhawhnâk in a phuan.

JOHAN 17:2

Mi vialte cung i nawlngeihnâk na pêk bangin, Anih zong nih na pêkmi vialte zungzal nunnâk a pek khawh hna nâkhnga.

MATTHAI 24:27

Zeitintiah Nimtlau â lek i vanhram deng tiangin a ceuh bantukin Mi Fapa a rat niah cun a si te lai.

MATTHAI 24:3

Cuticun Oliv Tlang cung i a ṭhut lioah anmah lawngin lamkaltu kha a sinah an ra i, “Cucu zeitikahdah a si te lai? Na rat `hannâk le cân donghnâk ding hmelchunhnâk kha kan chim tuah,” tiah an ti.

MATTHAI 16:28

Biataktein kan chimh hna, hika i a dirmi hna lakah hin, Mi Fapa a pennâk i a rat an hmuh hlan lo thihnâk a tep lo ding an um,” tiah a ti hna.

MATTHAI 16:27

Zeitintiah Mi Fapa hi a vanmi hna le a Pa sunparnâk he i thuamin a ra ṭhân lai, cu cân ah cun an tuahmi he â tlakin ṭuanman pêk an si te lai.

MATTHAI 17:1

Niruk hnu ah Jesuh nih Peter, Jeim le a nau Johan kha a kalpi hna i tlâng sângpi ah a kaipi hna;

MARKA 13:26

Cu hnu ah Mi Fapa hi thiltikhawhnâk lianhngannâk le sunparnâk he khuadawm lak i a rat kha an hmuh lai.

MARKA 14:62

Jesuh nih, “Aw, ka si, Mi Fapa hi a ṭhawngmi orhlei ah ṭhu in, khuadawm lak i a rat kha na hmuh te lai,” tiah a ti.

LUKA 1:2

A hramthawk in mit i a hmutu hna le bia in rian a ṭuntu hna nih an kan chanhmi kha,

LUKA 9:43

Mi vialte nih Pathian lenhngannâk kha mak an ti ngai ngai. Cubangin mikip nih a tuahmi hna mak an ti lio ah Jesuh nih a lamkalttu hna sinah,

2 PETER 2:3

Hakkauh ruangah hlennâk bia hmangin hlawknâk caah an in hman hna lai, zeitintiah hlan liopi in an cungah biaceihnâk cu a hmun i an rawhralnâk ding zong â hngilh lo.