2 KORIN 8:3 - Laibaibal Thiang (BSI)

³ Zeitintiah khakha an ti khawh tawk a si, asi, an tikhawh mi pinlei hmanh ah anmah lungtho te i tuahmi an si kha ka hngalhpi hna;

Lai (Hakha) Common Language Bible 2006

³ An pek khawh chungin an pek ti kha hngalhter kan duh hna, an pekmi hi an pek khawh leng hmanh a si.

2 KORIN 8:3 Խաչաձեւ Հղումներ

FILEMON 1:14

Asinain na hnatlâknâk loin zeihmanh tuah ka duh lo, cucu thilṭha na tuahmi zong hnekchawm si loin mah lungtho tein tuahmi a si nâkhnga.

1 KORIN 16:2

Ka rat tikah khawlh a herh nakhnga lo, mikip nih nan hmuhmi thluachuahnâk he â tlâk cio in zarhkhat chung ni hmasa bik pauh ah rak pum hna u.

LAMKALTU 11:29

Cuticun zultu hna nih an tikhawhtawk cio in Judia ram i unau hna sinah bomhnâk kuat an timh.

1 KORIN 9:17

Zeitintiah mah duhnâk i tuahmi ka si ahcun ṭuanman ka ngei hnga. mahduhnâk i tuah ka si lo ahcun, thawngṭha zohkhenhnâk rian hi a thiah i thiahmi ka si, tinâk a si.

1 PETER 5:2

Nan lak i Pathian tuurun kha kilveng hna u law, zohkhenhtu si ko u, tuahlo khawh lo bangin ruat loin, duhnâk taktak he, duhfah hakkauh ruangah si loin, lungtho te in ṭuan si seh,

1 PETER 4:11

Jesuh Krih thawngin Pathian cu zeizong vialte ah thangṭhat i a um khawh nâkhnga, mi zei pauh nih phung a chim ahcun Pathian chimning tein chim seh, mizei pauh nih rian a ṭuan ahcun Pathian nih ti khawhnâk a pêk ning tein ṭuan seh, sunparnâk le biaceihnâk cu zungzal in zungzal tiang Amah ta a si. Amen.

1THESALON 2:8

Cuticun hitlukin kan in ngaih hna ruangah hin, Pathian thawngṭha cawnpiak lawng hmanh hi kan i lung si lo, kan ca-ah ngaih um tukmi nan si caah, kan nunnâk tiang pêk kan in duh hna.

KOLOSE 4:13

Zeitintiah nanmah ca le Loadisia mi hna ca le, Heiropalis i a ummi hna caah ṭhahnem a ngaihning ka hngalhpi.

FILIPI 2:13

zeitintiah Amah lawmhnâk le duhnâk bangin nanmah ah a ṭuntu cu Pathian a si.

ROM 10:2

Zeitintiah Pathian caah an i zuam ngai ngai ti cu ka hngalhpi hna, asinain hngalhnâk in a si lo.

SALM 110:3

Na mi kha na ṭhawnnâk ni ah, anmah lungtho tein an i pe ko lai; â dawhmi thiannâk in zinglei khua a dei tikah na no lio cân dapti cu na ngeih lai.

GALATI 4:15

Vanṭha nan i tinâk vialte kha zeitindah a um kun? Sikhosehlaw nan mitmu hmanh coih i pêk nanka duh ti kha ka philh lo.

MARKA 14:8

A tuah khawhtawk a tuah i ka taksa hi vui dingin sathau a rak thuh ciami a si, tiah a ti.