2 KORIN 7:7 - Laibaibal Thiang (BSI)

⁷ a ratnâk lawng si loin nanmah ruang i a hnangamnâk nih aka lawmhter ngai ngai, nanka ngaih ning le, nanka tuarpi ning le kan ca i ṭhahnem nan ngaih ning hna a kan chimh i cu nih cun ka hna a ngamter chinchin.

Lai (Hakha) Common Language Bible 2006

⁷ Titas nih cun, zeitluk in dah hmuh nan kan duh le, zeitluk in dah nan ngaih a chiat le zeitluk in dah nan kan ṭanpi kha a kan chimh i atu cu hlan nak hmanh khan kaa lawm deuh.

2 KORIN 7:7 Խաչաձեւ Հղումներ

JUDAS 1:3

Dawtmi hna, kan co ṭimi khamhnâk kong nan sinah biatak tein ṭial ka timh nain mithiang hna sinah pêkchanh cangmi, hi zumhnâk kong hi felfai tein nan kilven khawhnâk lai, thazâng pêknâk biatu nan sinah ṭial a herh deuh tiah ka ruah.

2 KORIN 5:2

Van i kan umnâk ding i thomhmi si awkah hngahhlang ngai in hi deu chung in kan hrum ai.

2 JOHAN 1:4

Pa sin in nawlpêk kan hmuh bang khan na fale lakah cheu khat biatak ah an um ti kha ka hmuh tikah kan i lawm ngai ngai.

JEIM 5:17

Elijah cu kanmah bantuk minung a si ve. Ruah sur lo dingin biatak tein thla a cam, cuticun kha ka hrawng ramah khan kum thum le a cheu chung ruah a sur lo.

HEBRU 2:1

Cucaah kan theihmi thil hna kha biapi ngaiah kan ruah awk a si, culoahcun tlau lakin kan tawlh sual lai.

1THESALON 3:8

Zeitintiah atu Bawipa ah fek tein nan dir ahcun kan nung cang.

1THESALON 3:6

Asinain atu ah Timote nan sin in kan sinah a rak kir cang i hmuh kan in duh hna bantukin hmuh nan kan duh tuknâk kong le a ṭha leiin nan kan hngalh pengnâk le nan zumhnâk le dawtnâk kong thawngṭha kha a kan phorh -

KOLOSE 2:5

Zeicahtiah pum in nan sinah ka umlo nain thlarau in nan sinah ka um. Krih zumhnâk i nanfeh ning le nan nuncan ṭhatnâk hmuh ka duhnâk nih a ka lawmhter tawn.

FILIPI 1:20

Hi ka taksa ah hin thihnâk in siseh nunnâk in siseh Krih cu thangṭhat in a um hrimhrim ko lai, zei thil pauh ah mualpho in ka um lai lo ti kha ralṭha in kâ ruahchanmi a si.

2 KORIN 8:16

Cuticun nan zawn ka ruahnâk bantuk, Titas thinlung zongah a chiatu Pathian sinah lawmhnâk bia um seh.

2 KORIN 2:9

Cucu hi ca ka ṭial chan zong a si, thil vialte ah nawl nan ngaih le ngaih lo kan hniksaknâk hna can zongah a si.

2 KORIN 1:14

( kannih zong tlawmpal cu nankan theihthiam pi bantukin), Bawipa Jesuh Ni ah nannih hi kan hmalhngalhnâk nan si bangin kannih zong nan hmaihngalnâk kan si ve lai.

ROM 1:12

Cucu nan zumhnâk le ka zumhnâk ṭangṭi in pakhat le pakhat thazâng kan i pêk khawh nâkhnga caah a si.

LAMKALTU 11:23

A phâk tikah Pathian zângfahnâk a hmuh tikah â lawm ngaingai, lungthin tak tein Bawipa i tlaih dingin thazâng a pêk hna.

LUKA 22:44

A lung a fak tuk i fak chinchin in thla a cam. Cuticun a thlan cu thi dor nganpi bantukin leiah a tla.

MATTHAI 26:75

Peter nih, “Ar khuan hlanah, voithum naka hlawt lai,” tiah Jesuh nih a rak chimmi kha a hun hngalh tikah, lêngah a chuak i a ṭap thluah mah.

MATTHAI 5:4

Ngaihchiami cu mithluachuak an si, zeitintiah hnangam tein an um te lai.

SALM 141:5

Miding nih ka tu seh, zângfahnâk a si lai. Ka sî ko seh, lu i sathau thuh bantuk a si lai. Ka lu nih rak al hlahseh, zeitintiah suahsualnâk an tuah tiangin ka thlacamnâk nih a ralchanh hna lai.

SALM 51:1

Maw Pathian, na duhdawtnâk bangin ka zângfah law, a tammi le â dawhmi na velngeihnâk thawngin ka nawlbuarnâk kha ka hnawhpiak ko hna.

SALM 38:18

Zeitintiah ka sualnâk nih ka lung a fahter caah, ka phuan dih law law lai.

SALM 30:5

A thinhunnâk cu mitṭhep kar lawng a si i a duhpiaknâk cu nunnâk caah; ṭahnâk nih zan a nguh kho ko, asinain zingah lunglomhnâk a phân.

1 KORIN 5:2

Cubantuk thil a tuahtu cu ngaihchiatpi in nan sinin ṭhawl ding hmanh a si lio ah nan i porhawt pi khawh rih.

2 KORIN 1:4

Pathian nih kan hna a ngamter bantukin harnâk a tuarmi vialte an hna kan ngamter khawh nâkhnga harnâk kan tuarmi vialte ah kan hna a ngamter tawn.

2 KORIN 7:6

Asinain ngaichia mi hna hnemtu Pathian nih Titas a ratnâk nih ka hna a ngamter,

2 KORIN 7:8

Ka cakuatmi nih nan lung a fahter tiah hngalh hmanhning law, kâ ngaihchih lo. A hramthawkah cun kâ ngaihchih. Zeitintiah kha cakuat nih khan cân toi te lawng nan ngaih an chiatter hna, tiah ka hngalh.