2 KORIN 7:11 - Laibaibal Thiang (BSI)

¹¹ Pathian duhning i ngaihchiatnâk nih a chuahpi mi hna cu hun zoh hna u sih law; taihmâknâk, mah le mah kilvennâk, sual huatnâk, sual tuah ngamlonâk, ṭhatnâk lei duhnâk, ṭhahnem ngaihnâk, sual dântat duhnâk te hna an ngeihter hna. Hi thil vialte hna chungin chuah nan si zia hi nan hngalh.

Lai (Hakha) Common Language Bible 2006

¹¹ Nan ngaihchiatnak hi zeitindah Pathian nih a hman kha zohhmanh u: zeitluk in dah an biatakter hna, nan sual lonak kha zeitluk in dah a langhter. Nan thin an phawh hna, an lauter hna, nan ka ngaihnak kha a ṭhanter, dinnak tuah awkah an ṭanter hna i thil ṭhalo kha dantat zau an duhter hna. Hi thil hi a ning piin zoh tikah palhnak nan ngeih lo kha nan langhter.

2 KORIN 7:11 Խաչաձեւ Հղումներ

ROM 14:18

Cubantukin Krih riantuantu hna cu Pathian lomhmi le minung zong nih an cohlanmi an si.

2TIMOTE 2:15

Pathian cohlan awktlâk si dingin i pe ko, biatak bia hmân tein ṭhen a thiammi rianṭuantu cu ningzah a herh lo.

2 KORIN 7:7

a ratnâk lawng si loin nanmah ruang i a hnangamnâk nih aka lawmhter ngai ngai, nanka ngaih ning le, nanka tuarpi ning le kan ca i ṭhahnem nan ngaih ning hna a kan chimh i cu nih cun ka hna a ngamter chinchin.

1 KORIN 5:13

Lênglei mi hna cu Pathian nih a ceih te ko lai. Cucaah cubantuk mi ṭhalo hna cu nansin in chuah hrimhrim hna u.

SALM 2:11

ṭih buin BAWIPA kha rian u law, ther buin i lawm tuah u.

BIAPHUAN 3:19

Ka dawtmi cu ka sîk hna i ka chimhhrin tawn hna. Cucaah i zuam law i ngaihchih;

JUDAS 1:23

cheukhat `ihbu in khamhhna ulaw, mei chungin chuah hna u, taksa nih a thûrtermi thilthuam tiang khan hua u.

1 PETER 2:2

ngakchia chuakkâ bantukin, zeihmanh cawh lomi hnûk (Pathian) bia hi duh u, cu thawng cun nan ṭhang lai,

1 PETER 1:17

Cun thleidannâk um loin mikip tuahning cio i ceihpiaktu kha Pa ah nan i ngeih ahcun, hika i nan câm chung pauh cu Amah ṭihzahnâk he nung u.

HEBRU 4:1

Cucaah, ṭih u sih, a dinhnâk chung luhnâk biakam a hmunh lio ahhin nan lakah a tling lomi nan um sual lai.

TITAS 3:8

Hihi zumhawk a tlâkmi bia, nangmah zongnih na fehter lengmang awkah ka duh, Pathian a zum cangmi hna nih thilṭha tuah peng dingin ṭha tein ruat hna seh. Hi thil hna hi minung caah a ṭha i san a tlai.

FILIPI 2:12

Cucaah ka dawt le hna, nawl nan ngaih tawn bangkhan, ka um lio lawngah si loin, atu ka um lo zongah ngai chin chinin ṭih le ther buin khamh nansinâk kha chuak lakin ṭuan ve u,

EFESA 5:11

Cun khuamui rianṭuan theitlai a ngei lomi sinah i tel hlah u, a dik lo ning tu langhter u.

EFESA 4:26

“Thinhung ko, sualnâk tu tuah hlah,” na thinhunnâk nitlâk pi hlah,

2 KORIN 13:7

Cubangin sualnâk zeihmanh nan tuah lonâk dingah Pathian sinah thla ka cam tawn, cohlanawktlâk khun i i langhter kan timhruangah a si lo, a tling lomi bangin ka langh hmanh ah, nannih nih cun dawh tein thil nan tuah kha ka duh.

2 KORIN 9:2

zeitintiah nan nunsianning kan hngalh ko, Masidonia mi hna sinah, “Akai rammi hna nih kumkhat a liam cangmi ah an timh dih cang,” ti in ka ti hna i kan in hmaihngalpi ngaingai hna. Nan lungthawhnâk nih anmah chung i mi tampi lung zong a thawhter hna.

2 KORIN 7:1

Cucaah ka dawtmi hna, cubantuk biakam cu kan ngeih caah taksa le thlarau thûrtertu vialte chungin i thianter usih law, Pathian ṭih bu tein thianhlimnâk hi tlinter u sih.

2 KORIN 6:4

Pathian rianṭuantu sinâk he â tlakin zeithil pauh ah mi mit hmai kan zoh tawn. Thinfual te i teminnâk, harnâk, chamhbaunâk, vansannâk ah siseh,

2 KORIN 2:6

Hi dântatnâk mi tampi nih nan tuahmi hi cubantuk mi caah cun â za ko,

1 KORIN 12:25

pum hi i ṭhen loin nge dangdang hna he pakhat le pakhat an i zohkhenh awk a si.

1 KORIN 5:2

Cubantuk thil a tuahtu cu ngaihchiatpi in nan sinin ṭhawl ding hmanh a si lio ah nan i porhawt pi khawh rih.

ROM 11:20

A si ko. An zumh lo ruangah tanmi an si, nang tu cu na zumh ruang i pehmi na si. I porhlaw hlah, a ṭih tu ṭih deuh.

LAMKALTU 17:16

Cubangin Paul nih Âthên khua in a hngah hna lioah, khua cu milem lawng tein a khah kha a hmuh tikah a thlarau in a si a vâng.

JOHAN 2:17

A lamkaltu hna nih, “Na inn ca i kâ zuamnâk nih a ka ei dih,” tiah ṭialmi kha an hun hngalh.

MARKA 3:5

Thinhung ngaiin a zoh hna, an lung a khawntuk ruang i lung fak ngaingai in, cu pa sinah cun, “Na kut thlir,” tiah a ti. A hun thlir tikah a kut cu khatte lei bantuk in a dam.

PHUNGTHLÛKBIA 28:14

BAWIPA ṭhzahtu cu mithluachuak a si i a lung a khawnter pengtu nih vanchiatnâk a ton lai.

PHUNGTHLÛKBIA 14:16

Mifim nih a ṭih i sual a kaltak tawn, asinain mihrut cu amah le a mah i zum in a ral â ṭhatter tawn.

SALM 145:19

Amah ṭihtu hna duhning cu a hlawhtlin ter lai, an aunâk aw theiin, anmah cu a khamh hna lai.

SALM 130:6

Ralvengtu hna nih khuadei an hngah bantukin, asi, ralvengtu hna nih khuadei lai an hngah nâk i fak deuh in, ka nunnâk nih BAWIPA a hngah.

SALM 119:139

Ka ral hna nih na bia an philh cang caah, kâ zuamnâk nih aka hloh.

SALM 69:9

Na inn caah kâ zuamnâk nih aka eidih i an in sawinâk cu keimah cungah a tla ai.

SALM 42:1

Sakhi nih sihti a ngaih bantukin, maw Pathian, ka nunnâk nih nangmah an ngai.

SALM 38:9

BAWIPA ka duhnâk vialte na hmai ah an um dih, ka hrûmainâk zong na hmaiah thuh a si lo.

SALM 35:13

Asinain keinih cun an zawt lioah buri puan kâ aih, rawl ulh le toidor in ka um, cun ka thlacamnâk cu ka lungthin lila ah a rak kir ṭhân.

2 KORIN 7:9

Atu ahcun kâ lawm cang: ngaihchiatter nan si ruangah si loin, nan ngaihchiatnâk nih ngaihchihnâk i an hruai hna caah a si. Pathian duh ningin ngaihchiatter nan si ah khan kanmah lei ah sunghmi zeihmanh nan ngei lo.

ROM 3:5

Kan dinlonâk nih Pathian dinnâk cu a langhter ahcun zeidah kan chim kun lai? Pathian nih thinhunnâk a langhter ah hin a dik lo tinâk a si hnga maw? (Minung phung ningin ka chimmi a si)

1THESALON 4:6

hi kongah ahohmanh nih a unau cungah hibantuk sualnâk hi tuah hlah seh, Bawipa cu cubantuk sualnâk a tuahtu hna cungah lehrultu a si caah, kannih zong nih a hlan kanin ralrinnâk pein kan in hngalhter hna.

1TIMOTE 5:20

Sualnâk tuah a hmangmi cu midang hmuh ah chimhring hna, midang zong nih an ṭih ve nâkhnga.

JEIM 3:17

Asinain cung leiin a chuakmi fimnâk cu hmaisa bik ah a thiang, cuhnu ah daihnâk a duh, a nun a nem, nawl a ngai, zângfahnâk le theipar ṭha in a khat, thleidan a ngei lo i ziar a ngei lo.