2 KORIN 7:1 - Laibaibal Thiang (BSI)

¹ Cucaah ka dawtmi hna, cubantuk biakam cu kan ngeih caah taksa le thlarau thûrtertu vialte chungin i thianter usih law, Pathian ṭih bu tein thianhlimnâk hi tlinter u sih.

Lai (Hakha) Common Language Bible 2006

¹ Ka dawtmi ka hawile hna, hi biakamnak vialte hi kanmah pei pek kan si cu. Cucaah pum siseh, thlarau siseh, a thurhnawmhtertu paohpaoh kha i thianh u sih law Pathian ṭih bu tein um u sih.

2 KORIN 7:1 Խաչաձեւ Հղումներ

1THESALON 4:7

Zeitintiah Pathian nih thûrhnawm dingin a kan ko lo, thianghlim te i um dingin a kan kawh.

1 PETER 2:11

Dawtmi hna khual le khualtlawng men nan si caah, thlarau ralchanhtu thisa duhnâk kha ngol dingin kan nawl hna.

PHUNGTHLÛKBIA 8:13

BAWIPA ṭihzah cu sual huat hi a si; porhlawtnâk le, ruamkainâk, sualnâk lam le biadik lo chimnâk hmur hi ka huat hna.

JEIM 4:8

Pathian naih u law, Amah zong nih an naih hna lai. Nannih misual hna, nan kut ṭawl ulaw, ruahnâk set ngei lomi hna, nan lungthin thianter u.

SALM 51:10

Maw Pathian, ka chungah lungthin thiang ser ṭhân law, keimah ah hin a fekmi thlarau kha tharchuah hrâm ko.

1JOHAN 3:3

Amah cungah cubantuk ruahchannâk a ngeimi pauh nih, Amah a thian bangin â thianter tawn.

1THESALON 5:23

Atu ah daihnâk Pathian nih a dih um nâkin in thianter hna seh, nan thlarau le nan nunnâk le nan pum cu kan Bawipa Jesuh Krih a rat tikah sawiawk um loin himter si ko seh.

1 PETER 1:22

Unau dawtnâk taktak kha ngei in, Thlarau thawngin biatak zum in, nan thlarau nan thianter cang caah, lungthin thiang te le biatak tein pakhat le pakhat i daw u,

1 KORIN 6:20

A man in cawkmi nan si cang; cucaah Pathian ta a simi nan pum le nan thlarau in Pathian thangṭhat u.

1JOHAN 1:7

Asinain Amah cu ceunâk ah a um bantukin, ceunâk ah kan um ahcun, pakhat le pakhat hawikawmhnâk kan ngei i a Fapa Jesuh Krih thisen in kan sualnâk vialte a kan thenh piak tawn.

HEBRU 4:1

Cucaah, ṭih u sih, a dinhnâk chung luhnâk biakam a hmunh lio ahhin nan lakah a tling lomi nan um sual lai.

PHUNGTHLÛKBIA 16:6

Vêl le Biatak in palhsualnâk caah tlanhnâk ser a si i BAWIPA a ṭihzahnâk in minih sualnâk a kaltak tawn.

MATTHAI 5:48

Cucaah van i nan Pa a tlin bantukin nannih zong nan tlin ve awk a si.

MATTHAI 5:8

Lungthin a thiangmi cu mithluachuak an si, zeitintiah Pathian an hmuh te lai.

SALM 119:9

Mino nih zeitindah a nunning a thianter khawh lai? Na bia ṭha te i zulhnâk lawngin a thiang kho lai.

1JOHAN 1:9

Kan sualnâk kha kan phuan ahcun, kan sualnâk ngaithiam ding le kan dinlonâk vialte thianter dingin Amah cu zumhawk a tlâk i a dingmi a si.

EFESA 2:3

kannih zong hlanah cun kan thisa duhnâk zulin anmah bantukin kan rak um ve, thisa ruahnâk le duhnâk zulh in kan rak nung i midang bantukin kan kokek in thinhunnâk fa kan rak si.

ROM 5:20

Cu hlei ah, nawlbia a um tikah sualnâk a tam chin. Asinain sualnâk a tam pauh le zângfahnâk a tam chinchin ve,

PHUNGTHLÛKBIA 30:12

Anmah hmuhnâk i thiang ngai i â ruatmi chan an um, asinain an thurhnawmhnâk thenhpiak an si rih lo.

1 PETER 5:10

Zângfahnâk vialte Pathian, zungzal a sunparnâk co dingin an kotu hna Krih Jesuh nih, cân tawite nan tuar hnu ah, tlam tlinter le fehter in, ṭhawnter le fek tein in dirter ko hna seh.

HEBRU 12:28

Cucaah hninhkhawh lomi ram a cotu kan si caah, zângfahnâk ngei u sih, cuthil ruangah Pathian ṭihzah buin Amah cohlan awktlâk in a rian kan ṭuan khawh lai.

HEBRU 12:23

fater van i min bunhmi kawhhran hna, mi vialte cung i biaceihtu Pathian, midik thlarau tlamtlintermi,

1THESALON 3:13

cuticun kan Bawipa Jesuh Krih cu a mithiang vialte hna he a rat tikah, kan Pathian le kan Pa hmaiah nan lungthin kha sawi awk umlo le thianghlim tein an fehter khawh hna lai.

2 KORIN 1:20

Zeitintiah Amah ah Pathian biakammi vialte cu Asi ti an si; cun kanmah thawngin Pathian a sunparnâk dingah Amah ah Amen, a um.

LAMKALTU 9:31

Cuticun kawhhran hna cu Judia ram vialte le, Galili le Samaria ah an fek chin lengmang i hnangam tein an um. Bawipa ṭihzah le Thiang thlarau hnangam terin an um i ankarh chin lengmang.

MATTHAI 12:33

Thingṭha cu a thei a ṭha, nan ti lo le, thingchia cu a thei zong a chia ti lawlaw u, thing cu a theiin hngalh a si.

PHUNGTHLÛKBIA 20:9

Ka lungthin ka thenh i ka sualnâk in ka thianghlim tiah, ahonihdah a ti khawh?

SALM 19:9

BAWIPA ṭihnâk cu a thiang i zungzal in a hmun; BAWIPA biaceihnâk cu a dik i a dihlak in a ding.

HEBRU 6:9

Asinain ka dawt le hna, cubantukin bia chim hmanh ning law, nannih cu cunâkin a ṭha deuhmi khamhnâk he â peh tlaimi thil kha nan tuah lai tiah kan zumh.

1 PETER 1:15

an kotu hna a thian bantukin nannih zong nan cawlcanghnâk vialte ah thiang tein um u.

1 PETER 1:17

Cun thleidannâk um loin mikip tuahning cio i ceihpiaktu kha Pa ah nan i ngeih ahcun, hika i nan câm chung pauh cu Amah ṭihzahnâk he nung u.