2 KORIN 6:4 - Laibaibal Thiang (BSI)

⁴ Pathian rianṭuantu sinâk he â tlakin zeithil pauh ah mi mit hmai kan zoh tawn. Thinfual te i teminnâk, harnâk, chamhbaunâk, vansannâk ah siseh,

Lai (Hakha) Common Language Bible 2006

⁴ Kan i zuammi tu cu zei kan tuahnak hmanh ah Pathian sal kan si ti langhter kha a si i hnahnawhnak le harnak le retheihnak kha lungsau thinfual in kan in hna.

2 KORIN 6:4 Խաչաձեւ Հղումներ

2 KORIN 12:10

Cucaah Krih ruangah derthawmnâk le, thangchiatnâk, chamhbaunâk le, serhsatnâk le, vansannâk hnaah kâ lawm tawn. Zeitintiah ka derthawm tikah ka ṭhawng tawn.

2 KORIN 4:8

Kapkip in dihchih kan si nain, kan kuai lo, a ruah awk kan hngal lo nain kan lung a dong lo.

2 KORIN 11:27

zânghlei cawi i thabat tuk le buhrinâk ah voitampi, mitkuh vuailonâk ah, rawlṭam tihalnâk ah, voitampi rawlulhnâk ah, taklawng i khuasik temtuarnâk ah,

2 KORIN 12:12

A ngai ngai ti ah lamkaltu si hmelchunhnâk hna cu, khuaruahhar thil le thiltikhawhnâk a phunphun in thinsaunâk he ka langhter ko hna.

2 KORIN 3:6

Amah lila ah biakam thar rianṭuantu ah a kan tlinter, câ chung bia men i rianṭuantu si loin, Thlarau riantuantu ah a si deuh. Câ chung bia men nih cun mi a thah i Thlarau nih cun a nunter.

1 KORIN 3:5

Paul cu ahodah a si, Apolo zong cu ahodah a si, rianṭuantu nan zumhmi kong an chimtu hna, cu hmanh cu Bawipa nih a pêkning cioin an si lo maw?

BIAPHUAN 3:10

Zeicatiah lungsau in ka nawlpêk nâ tlaih caah, lei minung hna hneksak dingin vawlei dihlak i a phân hngami teminnâk chungin kei zong nih kan luatter ve lai.

BIAPHUAN 1:9

Kei Johan nan unaupa le Jesuh Krih ah harsatnâk le pennâk le inkhawhnâk an hrawmhpitu hna hi Pathian bia le Jesuh Krih bia hngalhternâk ruangah Patmos tikulh an timi ah ka um;

1 KORIN 4:1

Kan nih hi Krih sinum le Pathian biathli kengtu ah mi nih kan ruat hna seh.

HEBRU 12:1

Cuticun kannih zong, hi tlukin a liannganmi hngalhpitu bu nih minmei bangin ankan kulh caah kan thilrit hna le fawi tein a kan foih kho tu sualnâk kha hlonh hna u sih law, kan hmai i tlikzuamnâk a ummi ah inkhawhnâk he tli u sih,

2TIMOTE 4:5

Nang tu cu zeithil pauh ah i ral ringin harnâk tuar law, evangelist rian hi ṭuanin na rian hi lîm i zuam.

2TIMOTE 2:24

Bawipa sal caah buaibai awk a um lo, mi vialte cungah nunnem ngaiin cawnpiak khawh le inkhawh kha i zuam,

2TIMOTE 1:8

Cucaah kan Bawipa kong hngalhpinâk hi zahpi hlah, asiloah Amah ruangah thongah a tlami keimah zong hi ka zahpi hlah, thawngṭha ruang i temtuarnâk hi Pathian ṭhawnnâk bangin ka hrawmpi ve,

1TIMOTE 6:11

Nang Pathian-mi cu thil hna cu zâmtâk, cuticun dinnâk le Pathian duhnâk, zumhnâk le dawtnâk, inkhawhnâk le nunmennâk kha dawi hna.

1TIMOTE 4:6

Cu thil hna cu unau hna kha na cawnpiak ahcun, Jesuh Krih rianṭuantu ṭha, zumhnâk biatak le cawnpiaknâk dik atu tiang i na zulhmi bia i cawmkenmi na si lai.

1TIMOTE 2:15

Asinain zumhnâk le dawtnâk, thianhlimnâk le sumkhawhnâk he a um peng ahcun fa hrin ruangah khamh in a um lai.

1THESALON 5:14

Cubangin ule nau hna ningcang loin khua a sami hna cu chimhring hna u, zakzummi kha an hna ngamter u law, thazâng dermi tungmer hna u, mi vialte lakah lungsau in um zungzal dingin kan forh hna.

1THESALON 3:7

cucaah ule nau hna nan zumhnâk kong nih a kan hnemh ngaingai i kan harnâk le ngaihchiatnâk vialte ah kan hna a ngamter.

KOLOSE 1:24

Nanmah ca ah ka teminnâk ah atu zongah kâ lawm, Krih nih a pum, a kawhhran ca i a teminnâk ah a baumi hna cu ka taksa i ka teminnâk ah tlinter a si chin leng mang ko;

KOLOSE 1:11

lungsaunâk le inkhawhnâk le lomhnâk in nan um khawh nâkhnga a liannganmi a ṭhawnnâk nih thazâng pein an ṭhawnter hna lai,

2 KORIN 11:23

Krih rianṭuantu an si maw? Hruhbia in chim ning law, ka si deuh, anmahnâk in ka ṭuan deuh, a hleiin tuk ka ton, atu le atu thong ka tla, thihnâk hmunah voi tampi.

2 KORIN 11:9

Cun nan sin i ka um lio i chambau i ka um ah khan ahohmanh thilrit ka khinh hna lo; Masidonia ram i a rami unau hna nih ka herhmi anka rin dih. Cun nan caah thilrit ka si lonâk dingah thilvialte ah keimah te kâ zohkhenh tawn. Cubantukin kâ zohkhenh lengmang ko lai.

2 KORIN 7:11

Pathian duhning i ngaihchiatnâk nih a chuahpi mi hna cu hun zoh hna u sih law; taihmâknâk, mah le mah kilvennâk, sual huatnâk, sual tuah ngamlonâk, ṭhatnâk lei duhnâk, ṭhahnem ngaihnâk, sual dântat duhnâk te hna an ngeihter hna. Hi thil vialte hna chungin chuah nan si zia hi nan hngalh.

2 KORIN 4:17

Atu mitṭhep chung i harnâk hmete kan teminmi hi, tahchunh khawh lomi zungzal sunparnâk i a kan luhtertu an si.

2 KORIN 4:2

Ningzah awktlak thuhmi thil hna kha kan hlawt hna, zernâk in kan nung lo, asiloah Pathian bia hi zatlâng hlennâk ah kan hmang fawn lo, Pathian hmai ah biatak cu phuangin mikip chiaṭha hngalhnâk le mit hmuh ah zoh a dawh maw ti hi kan conhmi a si.

1 KORIN 9:11

Kannih nih thlarau lei thil nan sinah kan tuh i nan sinin vawlei thil kan zûn ah hin thil ngan ngai a si hnga maw?

ROM 16:10

Krih i cohlan awktlâk, Apelles kha a kut ka tlaih. Aristubulas chungkhar hna kha an kut ka tlaih hna.

ROM 14:18

Cubantukin Krih riantuantu hna cu Pathian lomhmi le minung zong nih an cohlanmi an si.

ROM 5:8

Asinain Pathian nih a dawtnâk cu kan sinah hitihin a langhter. Misual kan si ko rih lioah Krih cu kan caah a thi.

LAMKALTU 20:34

Asi, hi ka kut te nih hin keimah le ka hawi le herhmi cu a chuahpi tawn tiah nan hngalh dih.

LAMKALTU 9:16

Zeitintiah ka min ruangah zeibantuk harnâk dah a temtuar te lai, amah ka hngalhter te lai,” tiah a ti.

LAMKALTU 2:22

“Nannih Israel mi hna, hi bia hi ngai u; Nazaret Jesuh kha, nan lakah a liannganmi thil le, khuaruahhar le hmelchunhnâk hna hmangin Pathian nih a dirkamh i a langhtermi a si kha nanmah hrimhrim nih nan hngalh.

LUKA 21:19

Nan in khawhnâk nih nan nunnâk a khamh lai.

2 KORIN 2:17

Zeitintiah mi tampi nih Pathian bia hi chawlehnâk i an hman bangin kannih nih cun kan hmang ve lo; biatak tein; Pathian thlahmi kan si bangin Pathian mithmuh ah Krih ah bia kan chim tawn.

JOHAN 16:33

Keimah ah hnangam tein nan i dinh khawh nâkhnga hi bia hi nan sinah ka chimmi a si. Vawlei ah hin harnâk nan ton tawn, asinain hnangam tein um u, vawlei cu ka tei cang.”

ROM 3:5

Kan dinlonâk nih Pathian dinnâk cu a langhter ahcun zeidah kan chim kun lai? Pathian nih thinhunnâk a langhter ah hin a dik lo tinâk a si hnga maw? (Minung phung ningin ka chimmi a si)