2 KORIN 6:3 - Laibaibal Thiang (BSI)

³ Kan ṭuanmi rian hi sawi a tonnâk hngalo mi ruahnâk thurter ding thil zeihmanh kan tuah lo.

Lai (Hakha) Common Language Bible 2006

³ Kan rianṭuannak ah ahohmanh nih an kan soi nakhnga lo, ahohmanh an lam ah dawntu chiah kan duh lo.

2 KORIN 6:3 Խաչաձեւ Հղումներ

ROM 14:13

Cucaah i sawi ti hlah u sih, aho pauh nih mah unau caah dawntu le tluktertu si lo kha i tim cio u sih.

1 KORIN 9:12

Midang zong nih nan sinah nawlngeihnâk an co ahcun kannih zong co chin chin awk kan si ko. Asinain kannih nih, cu nawlngeihnâk cu kan hmang ve lo. Krih thawngṭha kan phenh sual nâkhnga lo zeithil pauh hi kan in ko.

MATTHAI 17:27

Asinain lungsilo i kan umter suak nâkhnga lo tiva ah va kal law, sio va thla. A hmaisa bik a chuakmi nga kha tlai, a kâ na kau lai i fanghnih na hmuh lai, cucu la law, nang le kei caah va pe hna,” tiah a ti.

1 KORIN 9:22

zângdermi ka lak khawh nâkhnga zângdermi sinah, zângdermi bangin ka um. Lam pakhat khat in micheu khat ka khamhkhawh nâkhnga mi vialte sinah zeizong vialte ah kâ cang tawn.

2 KORIN 8:20

hi thilpêk tamnawn kan lâknâk ah hin mi sawiselnâk kan ton nâkhnga lo hrial kan timh pengmi a si.

2 KORIN 1:12

Kan hmaihngalnâk cu hihi a si. Vawlei ah hin tluangtlam te le zumhtlâk in, minung fimnâk telhchih loin, Pathian zângfahnâk thawngin khua kan sa, nan sinah ṭha chinchin in kan um, ti hi kan chiaṭha hngalhnâk zong nih a pompi.

MATTHAI 18:6

A ka zumtu lak i a hmebik zong a sualtertu pauh cu facang rialnâk lung a hngawng ah thlaih i rili a thuhnâk bik i pilter kha a caah a ṭha deuh.

LAMKALTU 19:27

Hi kan pawcawmnâk hi a rawk lai ti lawng hmanh si loin Asia ram vialte le vawlei cung khua zakip nih an biakmi khuazing nu lianngan Diana ṭempal dawhnâk hi an zomhtaih lai i a min a chia sual lai,” tiah a ti.