2 KORIN 5:9 - Laibaibal Thiang (BSI)

⁹ Cucaah a sinah kan um ah siseh, um lo ah siseh, kan i timh bikmi cu Amah lawmhter kha a si.

Lai (Hakha) Common Language Bible 2006

⁹ Cucaah hika kan inn i kan um a si zongah, khika kan inn i kan um a si zongah, zeidang nakin kan duh bikmi cu amah duhnak tuah kha a si.

2 KORIN 5:9 Խաչաձեւ Հղումներ

KOLOSE 1:10

Bawipa lawmhter awktlâk in tling tein nan nun i thilṭha phunkip tuahnâk ah theitlai chuah in Pathian hngalhnâk i nan ṭhân khawh nâkhnga,

ROM 14:18

Cubantukin Krih riantuantu hna cu Pathian lomhmi le minung zong nih an cohlanmi an si.

2 PETER 3:14

Cucaah dawtmi hna, cubantuk ruahchannâk cu nan ngeih caah, thûrhnawm lo le sawiawk um loin hngangam te i nan um lio an hmuh khawh hna nâkhnga, teihmâk chuah u.

1TIMOTE 4:10

Zeitintiah Pathian nung cu kan zumh caah thaba ngai i kan ṭuan le chimchiatnâk kan inkhawhnâk zong hi a si, Amah cu mi vialte khamhtu a si, a hlei in a zumtu hna khamhtu a si.

1THESALON 4:11

cun nawl kan in pêk hna bangin, dai tein mah le ṭuanvo cio kha ruat in nanmah kut cio in rian ṭuan u,

1THESALON 4:1

Cuticun ule nau hna a donghnâk ah, Pathian lawmh terin nan nun khawh nâkhnga le kan sinin nan hmuhmi bantuk kha tam chinchin in nan ngeih nâkhnga Bawipa Jesuh ah tha pêk pah in kan nin nawl hna,

1 KORIN 15:58

Cucaah, ka dawtmi ule nau hna, fek tein, hninh khawh loin um ulaw, Bawipa rian biatak tein ṭuan zungzal ko u, Bawipa ah nan ṭuanman cu pakpalawng a si lailo ti kha hngal ko u.

ROM 15:20

Midang hram bunhmi cung i a sami ka si nâkhnga lo, thawngṭha bia cu Krih min kawh cianâk hmun a si lomi ah chim hi ka timhmi a si,

ROM 14:8

Kan nun le Bawipa caah kan nung i kan thih le Bawipa caah kan thi. Cucaah kan nun ah siseh kan thih ah siseh Bawipa ta kan si.

LAMKALTU 10:35

Asinain miphun vialte lakah mi zei pauh nih Amah an ṭih i felte i an tuah ahcun a cohlan ko hna.

HEBRU 12:28

Cucaah hninhkhawh lomi ram a cotu kan si caah, zângfahnâk ngei u sih, cuthil ruangah Pathian ṭihzah buin Amah cohlan awktlâk in a rian kan ṭuan khawh lai.

HEBRU 4:11

Cucaah cu dinhnâk ah lut dingin i zuam u sih, culoahcun nawl a ngai lomi hna bangin kan tlu ve sual lai.

KOLOSE 1:29

Cu rian ṭuan dingah, a liannganmi a ṭhawnnâk nih keimah i a ṭuan ningin biatak tein ka ṭuan tawn.

2 KORIN 5:8

Taksa in chuah i Bawipa sin i um awkah kan duh hringhran i phânnâk kan ngei hrimhrim lo.

2 KORIN 5:6

Taksa i kan um lio ah hin Bawipa sinah kan um rih lo ti kha hngal in lungdai tein kan um.

JOHAN 6:27

A rawkral khomi rawl ruah ah i phar len hlah u, Mi Fapa nih pêk an timhmi hna rawl ruah tu ah i pharlen u; zeicatiah Pa Pathian nih Amah cu a chinchiah cang.

EFESA 1:6

a sunglawimi a zângfahnâk thangṭhat dingin cu zângfahnâk ah cun dawtmi ah Amah nih a kan cohlân.