2 KORIN 5:1 - Laibaibal Thiang (BSI)

¹ Zeitintiah hi lei i kan deu hi rawk hmanhsehlaw, Pathian sinin inn, kut i sak lomi, zungzal inn van i a ummi cu kan ngei ti kha kan hngalh.

Lai (Hakha) Common Language Bible 2006

¹ Kannih kan umnak thlam, vawlei cung kan pum hi, ṭheh a si tikah, vancung ah khin kan umnak ding caah Pathian nih inn a kan pek lai ti kha kan hngalh — cu inn cu amah Pathian nih a sakmi inn, zungzal hmun dingmi inn cu a si.

2 KORIN 5:1 Խաչաձեւ Հղումներ

1JOHAN 3:2

Ka dawt le hna atu ah Pathian fa le kan si i zeidah kan si telai ti tu cu langhter a si rih lo, asinain Amah a langh tikah, Amah bang kan si lai ti kha kan hngalh, zeitintiah Amah cu a sining tein kan hmuh lai.

HEBRU 9:24

Zeitintiah Krih cu kut i sakmi hmunthiang, a taktak muithlâm men i a lutmi a si lo, atu ah van hrimhrim ah, Pathian hmai ah, kan aiawh i dir dingah a lut;

2 KORIN 4:7

Asinain ṭhawnnâk cungnung cu kanmah in a chuakmi si loin Pathian i a chuakmi a si zia langhter dingin, cu ro cu hi tlak ûm chungah hin kan chiah.

HEBRU 9:11

Asinain Krih cu a um lai ding mi thilṭha caah Tlângbawi Nganbik bangin a ra, kut i sak a si lomi, hi sermi thil in sakmi zong a si lomi biakthlâm, a ngan deuhmi le tlam a tling deuhmi ah,

1 PETER 1:4

hrawhkhawh a si lomi le thûrter lomi, a ziamkho lomi ro cu nan caah vanah chiahpiak nan si,

2 KORIN 5:4

Zeitintiah kannih hi deu i a ummi hna hi thilrit phur in kan hrum ai, thomh lo i um kan duh ruangah si loin, hi thi kho mi taksa hi nunnâk nih a dawlh i a thar i thomh kan duh ruangah a si.

MARKA 14:58

Hipa nih hin, “Hi ṭempal kut in sakmi hi ka ṭheh lai i nithum chungah a dang, kut in sak lomi ka dirh ṭhân lai, a timi kan theih,” tiah an ti.

2 PETER 3:11

Cucaah thil vialte a loh dih lai caah, zeibantuk i thiang le Pathian ṭihzah i a um ding dah nan si?

KOLOSE 2:11

Krih cuarpartannâk ah, pumsa sual duhnâk kha i phoih in, kut i cuarpartan si loin Amah ah cuarpartan nan si.

1JOHAN 3:19

Hitihin biatak ta kan si kha kan hngalh, a hmaiah lungdai te i kan um khawhnâk ah hin.

1JOHAN 3:14

Kan unau kan dawt hna ruangah, thihnâk in kan chuak i nunnâk ah kan lut cang ti kha kan hngalh. A unau a daw lotu cu thihnâk ah a hmun ko rih.

HEBRU 11:10

zeitintiah Pathian hrimhrim nih a dirh i a sakmi le hrambunhmi khualipi kha a hngah.

1 KORIN 3:9

Zeitintiah kannih cu Pathian rian ṭuanpitu kan si i nannih cu Pathian lo nan si. Pathian sakmi in zong nan si.

SALM 56:9

Nangmah kan auh tikah, ka ral an zâm dih lai; Pathian cu kata a si caah, cucu ka hngalh.

2TIMOTE 1:12

Hiruangah dahkaw hi thil hna hi katuar cu, asinain ka ning a zak lo, zeitintiah ka zumhmi kha ka hngalh, A sin i ka chhiahmi kha cu Ni tiangin him tein a umter khawh ti kha ka hngalh.

LAMKALTU 7:48

“Sihmanhsehlaw Cungnungbik cu kut i sakmi ṭempal ah khua a sa bal lo: Profet nih: