2 KORIN 4:4 - Laibaibal Thiang (BSI)

⁴ Krih, Pathian muisam, a liannganmi thawngṭha ceunâk nih a ceuh khawh hna nâkhnga lo hi vawlei pathian nih zumlotu ruahnâk kha a cawtter.

Lai (Hakha) Common Language Bible 2006

⁴ Annih nih zeicahdah an zumh lo ti ahcun, hi vawlei khuazing ṭhalo nih hin an lungthin cu mui lakah a chiah peng hna caah a si. An cung i a ceumi ceunak cu hmu loin a umter hna, cu ceunak cu Khrih sunparnak kong Thawngṭha in a rami a si i Khrih cu Pathian bantuk taktak a si.

2 KORIN 4:4 Խաչաձեւ Հղումներ

JOHAN 12:40

“Anmit a cawtter i an lungthin a hahter, culoahcun an mit in a hmuh lai i an lungthin in an theihthiam lai i ka rak damter awkah an rak i mer sual lai,” tiin.

2 KORIN 3:14

Asinain an ruahnâk cu cawtter a si. Zeitintiah nihin ni tiangin Biakam hlun an rel tikah hmaikhuhnâk cu ong loin a um peng, cu hmaikhuhnâk cu Krih ah lak a si cang.

LAMKALTU 26:18

muinâk chungin ceunâk lei ah an i mer i Satan nawlngeihnâk mertâk in Pathian lei an hoihkhawh nâkhnga, keimah anka zumhnâk thawngin zumhnâk i thianter cangmi hna lakah ro an co khawh ve nâkhnga,” tiah a ti.

1JOHAN 5:19

Pathian ta kan si ti le, vawlei pumpi hi misuaksual pa kut ah a um ti kha kan hngalh.

2 KORIN 4:6

Zeitintiah Jesuh Krih muihmaiah khan Pathian sunpar ning hngalhnâk ceu cu a kan pêk nâkhnga muihnâk chungin ceunâk pe ding i nawlpetu Pathian nih kan lungthin hi a ceuter.

EFESA 2:2

hlanah hi vawlei phung ningin khua nan rak sa, vanrâng i ṭhawnnâk bawi, atu i nawlngai lomi hna chungah rian a ṭuntu thlarau duh ningin,

EFESA 6:12

Zeitintiah thisa le thisen he kan i pai lo, asinain kan dohmi hna cu bawinâk le, nawlngeihnâk le, hi vawlei khuamui i biaceihtu hna le van hmun i thlarau sual hna khi an si.

JOHAN 12:31

Atu ah hi vawlei kong hi ceih lio a si, atu ah hi vawlei bawi hi hlawnh a si lai.

JOHAN 8:12

Jesuh nih an sinah bia a chim ṭhân i, “Vawlei ceunâk ka si, aka zultu pauh cu mui ah a um lai lo, nunnâk ceu a ngei lai,” tiah a ti.

JOHAN 12:35

Jesuh nih, “Ceunâk hi cân tawite nan sinah a um. Ceunâk nan ngeih lio ah leng u. Culoahcun muihnâk nih an phâk sual hna lai. Khuamui ah mi a kal ahcun a panhmi hmun zong a hngal lo.

JOHAN 14:30

Nansinah bia tampi ka chim manh ti lai lo, vawlei bawi a ra lai, cupa nih keimah ah zeihmanh covo a ngei lo.

2 KORIN 3:18

Asi kan nih cu hmaikhuh loin Bawipa sunparnâk cu thlalang i kan hmuh bangin kan zoh, Amah muisam keng dingin, Bawipa Thlarau nih sunparnâk in sunpar chinchin nâkah thlen in kan um cuahmah lio a si.

KOLOSE 1:27

Gentel mi hna lakah hi a sung lawimi le a rummi biathli hi Pathian nih an sinah langhter a duhmi cu a si, cucu nan chungah a ummi Krih, nan i ruahchanmi sunparnâk kha a si;

KOLOSE 1:15

Amah cu hmuh khawh lomi Pathian muisam sermi thil vialte ah hrin-hmasa bik a si;

1JOHAN 2:8

Nan sinah nawlpêk thar ka ṭial ṭhânmi a si, cucu Amah le nanmah ah a dik, zeicatiah muihnâk cu a lo cuahmah i ceunâk taktak cu a ceu cang caah a si.

FILIPI 2:6

Amah cu Pathian sinâk ngeitu asinain, Pathian tluk i um kha hranhrâm in cuh awkah a ruat lo,

JOHAN 1:14

Bia cu titsa ah â cang i kan sinah khua a sa, a sunparnâk kan hmuh. Pa Fa ngeihchun sunparnâk bantukin, zângfahnâk le biatak in a khat.

HEBRU 1:3

Amah hi a sunparnâk ceu cu a si i Mi a sinâk kokek taktak langhtertu a si, a bia ṭhawnnâk nih zeizong vialte hi a tlaih i kan sualnâk kha Amah hrimhrim nih a thianter hnu ah Cungnung bik orhlei kamah a ṭhu.

TITAS 2:13

Ruahchannâk duhnung, a lianngan mi kan Pathian le kan Khamhtu Jesuh Krih sunparnâk he â langhnâk kha kan cuan.

JOHAN 16:11

biaceihnâk cu hi vawlei bawi hi thiamlo a co cang caah a si.

2 PETER 1:19

Cun chimchung bia a hmânning fehter cangmi cu kan ngei. Ceunâk nih muihnâk hmun a ceuh i khua a dei in nan lungthin i deirel arfi a rak chuah hlanpauh cu, chimchung bia cu biatak i nan ruah ahcun nan ca a ṭha lai.

2 KORIN 3:11

A lo cuahmah mi hmanh a sunlawi ahcun, a hmun ding cu tampi in a sunglawi chinchin lai.

1 KORIN 10:20

Ka chim duhmi cu, Gentel mi hna raithawinâk cu Pathian sinah si loin khuachia sinah a si, timi hi. Cucaah nannih cu khuachia he nan i komh hi kan duh piak hna lo.

JOHAN 12:45

Aka hmumi pauh cu aka thlahtu hmu a si.

JOHAN 15:24

Ahohmanh nih an tuah bal lomi an lak ah tuah hlah ning law sual an ngei hnga lo, atu cu annih nih kei le ka Pa ankan hmuh cang i huat zong ankan huat.

JOHAN 1:18

Zeitikhmanh ah Pathian cu ahohmanh nih an hmu ballo. Fapa ngeihchun, Pa `angchungah a ummi nih Amah cu a phuan cang.

SALM 50:2

Dawhnâk tling, Zion in Pathian cu a ceu lai.

1TIMOTE 1:11

thangṭhattlâk Pathian thawngṭha sunparnâk kan sin i chiahmi ralchanhtu hna caah ser a si.

MATTHAI 13:22

Hling lak i a tlami cu, bia cu a theih ko. Asinain hi vawlei thil le rum duhnâk nih bia cu a khuh caah theitlai a chuah kho lo.

LAMKALTU 26:23

Cucu Krih nih harnâk a intuarnâk ding le, a thimi hna thawhṭhannâk lam hruaitu a si lainâk le, Judah mi le Gentel mi hna sinah cu ceunâk kong phuanchuahnâk ding bia kha a si,” tiah a ti.

2 KORIN 2:11

culoahcun, Satan nih cânrem laknâk ah a kan hmansual lai; a hlenthawinâk cu kan hngalh ko.

2 KORIN 2:12

Cuhleiah Krih thawngṭha chimding in Troas khua ka phâk ah khan Bawipa nih lam a ka on piak,

GALATI 1:4

Atu chan chan ṭhalo chungin a kan khamh khawh nâkhnga, kan Pathian le kan Pa duh ningin, Amah cu kan sualnak ruangah â pe,

HEBRU 6:4

Zeitintiah voikhat ceunâk a hmu cang i van thilpêk a tep cang i Thiang Thlarau co terin,

1JOHAN 2:11

Mah unau a huatu cu muihnâk ah a um i mui lakah khua a sa, mui nih a mit a phenh caah a kalnâk ding zong a hngal lo.