2 KORIN 4:10 - Laibaibal Thiang (BSI)

¹⁰ Jesuh nunnâk hi kan taksaah a langh khawh nâkhnga Jesuh thihnâk zong kan taksa ah kan i put.

Lai (Hakha) Common Language Bible 2006

¹⁰ Thih a thiammi kan tak cungah hin Jesuh thihnak kha kan i ken zungzal, zeicahtiah hi kan tak ṭhiamṭhiam ah hin Jesuh nunnak zong cu a langh ve nakhnga.

2 KORIN 4:10 Խաչաձեւ Հղումներ

ROM 6:5

Zeitintiah a thihnâk he i lo in amah he kan i pehtlaih ahcun, a thawhṭhannâk he i lo zongin kan i pehtlai hrimhrim ve lai.

2TIMOTE 2:11

Hihi zumhawktlâk bia a si: Zeitintiah Amah he kan thih ahcun Amah he kan nung lai.

1 PETER 4:13

Krih teminnâk nan i hrawmhnâk a si tiah ruat in i lawm deuh u, cuticun a sunparnâk kha langhter a si tik ah lunglomh nâkin nan khat te lai.

ROM 6:8

Cubangin Krih sinah kan thih ahcun, a sinah kan nung ve lai ti kha kan zumh.

2 KORIN 13:4

Zeitintiah Amah cu derthawmnâk he khenhchih a sinain Pathian ṭhawnnâk in a nung. Zeitintiah kannih zong Amah ah kan derthawm nain nanmah lei i Pathian ṭhawnnâk thawngin a sinah kan nung ve lai.

2 KORIN 1:5

Zeitintiah Krih temtuarnâk bangin tampi kan tuar tikah Krih thawngin kan hnangamnâk zong a tam chinchin.

ROM 8:36

“Zeitintiah Nangmah ruangah nitlâk tein thah kan tong, thah ding a simi tuu bang i ruah kan si” tiah ṭialmi bang khan.

KOLOSE 1:24

Nanmah ca ah ka teminnâk ah atu zongah kâ lawm, Krih nih a pum, a kawhhran ca i a teminnâk ah a baumi hna cu ka taksa i ka teminnâk ah tlinter a si chin leng mang ko;

2 KORIN 1:9

Asi, thih lawng a si ko cang tiah kan ruah, kanmah ah i hngatchan loin, mi thi tiang a thawhtertu Pathian lawnglawng kan i hngatchan nâkhnga caah a si,

GALATI 6:17

Atu thawkin ahohmanh nih hna ka hnawh ti hna hlah seh, zeitintiah Bawipa Jesuh chinchiahnâk cu ka pum cungah hin kâ put cang.

JOHAN 14:19

“A rauh hlan ah vawlei nih anka hmu ti lai lo, asinain nannih nih cun nan ka hmuh lai, ka nun ruangah nan nih zong nan nung ve lai.

BIAPHUAN 1:17

Ka hmuh tikah mithi bangin ake hramah ka tlu. Asinain a orhlei kut kha ka cungah a chiah i “ṭih hlah, keimah cu Hmasa bik le Hmahnung bik ka si,” tiah a ti.

2 KORIN 4:11

Jesuh nunnâk cu kan taksa ah hin a langh khawh nâkhnga, kan nih a nungmi hna hi Jesuh thawngin thi ding i tlaih in kan um tawn.

1 PETER 4:14

Krih min ruang i sik nan sin ahcun nan van a ṭha, zeitintiah sunparnâk Thlarau, Pathian Thlarau kha nan cungah a um. Anmah leiah Amah cu thangchiat a sinain nanmah leiah Amah cu thangṭhat a si.