2 KORIN 13:5 - Laibaibal Thiang (BSI)

⁵ Zumhnâk ah nan um maw, nanmah kha fiang tein i chek u. Jesuh Krih cu nanmah i a um kha nan hngal lo maw? Hniksaknâk i nan tlinlo a si fawn ṭung lo ahcun.

Lai (Hakha) Common Language Bible 2006

⁵ Nanmah le nanmah kha ṭha tein i hneksak tuah u: zumhnak nunning khan a nungmi nan si maw? I hneksak tuah u. Hneksaknak nan innak ah khan nan tluk sual dah ti lo ahcun, Khrih Jesuh cu kan chungah a um ti kha nan hngalh ko a si lo mei?

2 KORIN 13:5 Խաչաձեւ Հղումներ

1 KORIN 11:28

Asinain ei awk ah mah le mah i hniksak seh law changreu cu eiin, hrai cu ding seh.

1 KORIN 9:27

Ka pum hi ka uk i ka nawl tangah ka chiah, culoahcun, midang sin i ka aupi hnu hmanh ah keimah hmanh hi laksawng hmuhawk tlâk loin ka um sual lai.

BIAPHUAN 2:5

Cucaah na tlûktâkmi kha hngal in i ngaihchih law na tuah hmasa bik kha tuah ṭhân, nâ ngaihchih lo ahcun hmakhat teah na sinah ka ra lai i na meiin vannâk kha a umnâk hmun in ka ṭhial lai;

GALATI 6:4

Asinain mikip nih mahle rian cio zohfiang hna sehlaw hawi he um loin, amah lawng a um zongah â lawm peng ko lai.

HEBRU 12:15

I ralring u, Pathian zângfahnâk ah tling loin nan um sual lai. Khâtnâk hram a corhmi nih an buaiter hna lai, mi tampi nih thûrhnomhnâk ah an hman cang;

1 KORIN 11:31

Zeitintiah kanmah le kanmah kan i chek ahcun biaceihnâk kan tong hnga lo.

TITAS 1:16

Pathian a hngal ngaimi in an i phuang nain tuahsernâk in an hlawt tawn, fih a nungmi, nawl a ngai lomi le thilṭha tuahnâk ah a tling lomi an si.

GALATI 2:20

Krih sinah khenhchih in ka um nain ka nung; keimahtu ka si ti lo, Krih cu keimah ah a nung cang, atu thisa i ka nun hi, Pathian Fapa, aka daw i ka ai ah â pemi zumhnâk ah ka nung.

JOHAN 14:23

Jesuh nih, “Minih aka dawt ahcun, ka bia â nunpi lai; ka Pa nih a dawt lai, a sinah kan ra lai i amah cu umnâk innah kan ser lai.

SALM 26:2

Maw BAWIPA ka zohfiang law, ka hniksak tuah; ka lungthin le ruahnâk hi ka hniksak.

ROM 8:10

Cun Krih cu nanmah i a um ahcun, pum cu sual ruangah a thi i Thlarau tu cu dinnâk thawngin a nung.

SALM 119:59

Ka lam hna hi ka ruah tawn, na hngalhternâk lei ah kake hi â mer.

HEBRU 4:1

Cucaah, ṭih u sih, a dinhnâk chung luhnâk biakam a hmunh lio ahhin nan lakah a tling lomi nan um sual lai.

1 KORIN 9:24

Tlik â zuammi cu an dihlak in an tli na in, an lakah pakhat te lawng nih laksawng a hmuh tawn ti kha nan hngal lo maw? Nan co khawh nâkhnga tli ve tuah u.

1 KORIN 3:16

Pathian ṭempal nan si le Pathian Thlarau nan chungah a um ti kha nan hngal lo maw?

JOHAN 15:4

Keimah ah umpeng u, kei zong nanmah ah ka um peng lai. Nge cu a kungah â pehpeng lo ahcun, amah te in thei tlai a chuah khawh lo bantukin nannih zong keimah ah nan umpeng lo ahcun thei tlai nan chuah kho lai lo.

SALM 17:3

Ka lungthin hi na hniksak cang; zan zongah naka lên cang; naka hniksak cang i zeihmanh na hmu lo; ka hmurkâ nih palhnâk a chim lai lo, tiah timhnâk ka ngei.

TITAS 2:2

putar kha lungfim te le hmaizah awktlâk, â uk khomi, a dikmi zumhnâk le dawtnâk, toidornâk he um dingin cawnpiak hna;

EFESA 3:17

cun zumhnâk thawngin Krih cu nan lungthin ah khua a sak khawhnâk hnga le dawtnâk ah hram nan bunh i hngatchan miah nan i ngeih khawh nâkhnga,

JOHAN 17:26

An sinah na min ka hngalhter cang, ka hngalhter ṭhân ko lai. Naka dawtnâk bantuk dawtnâk kha anmah i a um khawh nâkhnga, kei zong anmah i ka um khawh nâkhnga,” tiah a ti.

JOHAN 17:23

Kei an sinah, Nang keimah ah, annih pumkhat an si i an tlamtlin khawh nâkhnga, Nangmah nih naka thlah ti le, naka dawt bangin annih zong na dawt hna ti hi vawlei nih an hngalh khawh nâkhnga.

JEIM 4:4

Nannih ṭangdang a kaimi nu le ṭangdang a kaimi pa le hna! Vawlei he i hawikomhnâk hi Pathian he ralchanhnâk a si kha nan hngal lo maw? Cucaah vawlei hawikawm si a duhmi pauh cu Pathian ral ah â cang tawn.

KOLOSE 2:7

Amah ah hrambunh in sakmi si u law, zumhnâk ah a fekmi si uh, cawnpiak nan rak si cang bangin lawmhnâk bia tampi in chim uh.

KOLOSE 1:27

Gentel mi hna lakah hi a sung lawimi le a rummi biathli hi Pathian nih an sinah langhter a duhmi cu a si, cucu nan chungah a ummi Krih, nan i ruahchanmi sunparnâk kha a si;

KOLOSE 1:23

vanrang tang sermi vialte sinah chimmi thawngṭha nan theihmi ah hninh khawh loin hram nan bunh i ruahchannâk le zumhnâk i nan um taktak ahcun, keimah Paul zong cu rianṭuantu ah ser ka si.

GALATI 4:19

Ka unau hna, nan lakah Krih muisam langhhter a si hlan pauh cu nau nganfah bangin nan caah ka ngan a fâk.

2 KORIN 6:16

Pathian ṭempal le milem nih zeidah remnâk an ngeih? Nannih cu Pathian nung ṭempal nan si. Pathian nih hitihin a chim, “An sinah ka um lai i an lakah khua ka sa lai. An Pathian ka si lai i annih cu kami le an si lai.”

1 KORIN 6:19

Asilo ah nan pum hi nan chung i a ummi, Pathian sin in nan hmuhmi, Thiang Thlarau ṭempal a si le, nanmah ta nan si ti lo, ti kha nan hngal lo maw?

1 KORIN 6:2

Mithiang hna nih vawlei bia an ceih te lai ti hi nan hngal lo maw? Vawlei bia hmanh nan ceih ahcun thil hmete hna cu nan ceih awk a si hnga lo maw?

JOHAN 6:56

Ka taksa a ei i ka thisen a dingmi pauh cu keimah ah a hmun i kei zong amah ah ka hmun.

JOHAN 6:6

Cubia cu amah hniksaknâk caah a chimmi a si, zeitintiah a tuah hngami cu Amah nih a hngalh ko.

1 PETER 5:9

Vawlei cung i nan unau hna zong nih hibantuk hi an tuar ve ti kha hngal in, zumhfehnâk he amah cu doh u.

HEBRU 6:8

Asinain hling le burbuk a chuah ahcun an mâk i chiatserh a nai cang, a donghnâk ah khangh in a um lai.

1 KORIN 6:15

Nan taksa kha Krih nge a si ti kha nan hngal lo maw? Krih nge kha lakpiak zau in hlawhhlang sinah kan pe lai maw? Pe naisai hlah!

ROM 1:28

Pathian kong hngalh kha an duh lo i a niammi ruahnâk ngeih awk le tuah awkah â tlak lomi tiang tuah dingin Pathian nih hnulei a chit hna.

TITAS 1:13

Hi hngalhtermi hi a dikmi a si, Cucaah zumhnâk dik ah an um khawh nâkhnga fak piin si hna,

2TIMOTE 3:8

Janes le Jambres nih Moses an ralchanh bantuk khan, cubantuk mi hna nih biatak kha an doh, ruahnâk ṭhalo, zumhnâk kong i cohlan khawh lomi an si,

1TIMOTE 2:15

Asinain zumhnâk le dawtnâk, thianhlimnâk le sumkhawhnâk he a um peng ahcun fa hrin ruangah khamh in a um lai.

KOLOSE 2:19

cu hna nih cun taksa pumpuluk a pehtonhtu le cawmtu Pathian sinin a ṭhan tertu taksa pum Lu a simi kha an i tlaih lo.