2 KORIN 12:9 - Laibaibal Thiang (BSI)

⁹ Anih nih, “Ka zângfahnâk na caah â za ko; Ka ṭhawnnâk hi derthawmnâk ah dah kaw tlinter a si cu,” tiah a ti. Cucaah Krih ṭhawnnâk cu ka cung i a um peng nâkhnga, lunglawm tein ka derthawmnâk hna hi ka hmaihngal pi cang lai.

Lai (Hakha) Common Language Bible 2006

⁹ A ka lehnak cu, “Ka vel hi na caah a za ko, zeicahtiah ka ṭhawnnak cu derthawmnak ah hin a lang,” ti a si. Cucaah cun Khrih ṭhawnnak nih a ka huhphenh ti kha ka hngalh nakhnga, ka derthawmnak ah hin lunglawm tein kaa porhlaw cang.

2 KORIN 12:9 Խաչաձեւ Հղումներ

FILIPI 4:13

A ka ṭhawntertu Krih ah zeizong vialte ka tuah khawh.

2 KORIN 12:10

Cucaah Krih ruangah derthawmnâk le, thangchiatnâk, chamhbaunâk le, serhsatnâk le, vansannâk hnaah kâ lawm tawn. Zeitintiah ka derthawm tikah ka ṭhawng tawn.

EFESA 3:16

A rummi a sunparnâk bangin nan chunglei minung kha Amah Thlarau nih ṭhawnnâk an pêk hna lai,

1 KORIN 10:13

Minih anton tawnmi tukforhnâk dah tilo cu tukforhnâk nan cungah a tlung lai lo. Pathian cu zumhtlâk a si. Nan tuar khawh lengin tukforhnâk nan cungah tlunter a siang lai lo. Nan tuar khawh nâkhnga tukforhnâk chungin himnâk lam an ser piak hna lai.

HEBRU 4:16

Cucaah bomh kan herh cân ah vel le zângfahnâk kan co khawh nâkhnga zângfahnâk ṭhutdanh cu ralṭha in panh u sih.

2 KORIN 12:5

Cubantuk mi cu dah kaw ka hmaihngal pimi cu, asinain ka derthawmnâk dah ti lo cu ka hmai hngalpi lai lo.

1 KORIN 15:10

Asinain Pathian zângfahnâk ruangah atu ka sining hi ka rak si, ka cung i a zângfahnâk cu a sawhsawh a si lo. Cucaah annih vialte nâkin thaba deuh in ka ṭuan, asinain keimah ṭuanmi cu a si lo. Pathian zângfahnâk keimah i a ummi nih a ṭuanmi a si.

1 KORIN 2:5

cucu nan zumhnâk kha minung fimnâk ah si loin Pathian ṭhawnnâk ah a si nâkhnga.

KOLOSE 1:11

lungsaunâk le inkhawhnâk le lomhnâk in nan um khawh nâkhnga a liannganmi a ṭhawnnâk nih thazâng pein an ṭhawnter hna lai,

LUKA 21:15

zeitintiah nan ral hna nih an leh khawh lo tiangin fimnâk le kâ kan pêk hna lai.

2 KORIN 11:30

Hmaihngal ding ka si ahcun, ka thazâng dernâk tu hi ka hmaihngal pi hna lai.

1TIMOTE 1:14

Cun kan Bawipa zângfahnâk tamzia cu Krih Jesuh ah a ummi zumhnâk le dawtnâk thawngin tamtuk in a liam in a liam.

HEBRU 11:34

ṭih a nungmi mei alh an mihter i a hârmi vainam in an luat, derthawm nâkin ṭhawnter an si, raldohnâk ah mi ralṭha an si i ramdang ralkap kha an zâmter hna.

SALM 8:2

Bawhte hna le hnuk ding lio hmurkâ in a chuakmi in ṭhawnnâk na fehter, zeicatiah na ral hna ruangah phuhlamtu le ral na daihter khawh nâkhnga.

MATTHAI 28:20

nawl kan pekmi vialte an zulh nâkhnga cawnpiak hna u; cun zohhmanh u, Kei, a zungzal in, vawlei dongh tiangin nan sinah ka um peng lai,” tiah a ti. Amen.

MATTHAI 28:18

Cun Jesuh cu an sinah rain bia a chimh hna, “Lei le van i nawlngeihnâk vialte ka sinah pêk a si cang.

2 KORIN 12:15

Cun kei cu lunglawm in nan thlarau caah kâ hmang dih lai, a dihumnâk in ka hman lai. Kan dawtnâk hna a ngan deuh pauh le nanka dawtnâk a zawr deuh lai maw?

1 KORIN 2:3

Thazângder le ṭihphân bu he, ther thluahmah in nan lakah ka um kha.

2 KORIN 12:1

Hmaihngal hi ka caah hlawknâk a um hrimhrim lo. Bawipa sinin langhnâk le phuannâk kong ka chim rih lai.