2 KORIN 11:12 - Laibaibal Thiang (BSI)

¹² Asinain mi cheukhat cu kanmah bantukin langh an i tim i an hmai a hngal tawn, asinain cubantuk mi hna nih cânrem an ngeih nâkhnga lo ka tuah tawnmi hi ka tuah peng lai.

Lai (Hakha) Common Language Bible 2006

¹² Lamkaltu kan si ve, aa timi hna nih khan, anmah bantukin kan ṭuan ve, an ti khawh nakhnga lo, atu i ka tuahmi hi ka tuah lengmang ko lai

2 KORIN 11:12 Խաչաձեւ Հղումներ

1 KORIN 9:12

Midang zong nih nan sinah nawlngeihnâk an co ahcun kannih zong co chin chin awk kan si ko. Asinain kannih nih, cu nawlngeihnâk cu kan hmang ve lo. Krih thawngṭha kan phenh sual nâkhnga lo zeithil pauh hi kan in ko.

1TIMOTE 5:14

Cucaah a no deuhmi nuhmei hna cu vâ ngei ṭhân ko seh, fale ngeiin, chungkhar zohkhenh sehlaw, a kan ralchanhtu hna sawinâk cân rem tuah hna hlah seh law ka duh.

GALATI 1:7

Cucu Thawngṭha a si lo; nanmah buai terin Krih Thawngṭha merh a timmi an si.

2 KORIN 11:18

Mi tampi nih thisa in an hmai a hngal bangin kei zong ka hmaihngal ve lai.

2 KORIN 11:9

Cun nan sin i ka um lio i chambau i ka um ah khan ahohmanh thilrit ka khinh hna lo; Masidonia ram i a rami unau hna nih ka herhmi anka rin dih. Cun nan caah thilrit ka si lonâk dingah thilvialte ah keimah te kâ zohkhenh tawn. Cubantukin kâ zohkhenh lengmang ko lai.

2 KORIN 10:17

Sihmanhsehlaw, “Hmaihngal a duhmi pauh nih Bawipa kha i hmaihngal pi seh.”

2 KORIN 5:12

Zeitintiah nan sinah kan i thangṭhat ṭhân zong a si lo, lungthin i i biatak ṭung lo in, lenglei lawng i a porhlaw mi hna lakah kanmah thawngin hmaihngalnâk le a lehnâk cânrem serpiak kan duh ruang i ka chimmi a si.

2 KORIN 1:17

Cucaah cubantuk thil ka timh lio ah khan foi tein ka timh lamhmi a si maw? Asilo ah hi ka timhmi hi thisa duhnâk men i ka timhmi; ‘Asi, asi, ka timi cu, A silo a silo, a ti ṭhanmi maw ka si?

1 KORIN 5:6

Nan i porhlawtpi mi hi a ṭha lo taktak, thilnu tlawmte nih changreu cu a ning piin a thawhter tawn ti nan hngal lo maw?

MATTHAI 26:16

Cucân thawk in tlaihternâk cân rem lawng a ngiat cang.