2 KORIN 10:18 - Laibaibal Thiang (BSI)

¹⁸ Zeitintiah mah le mah i thangṭhat cu conglomh an tong bal lo. Bawipa nih a thangṭhat ahcun conglomh a tong deuh lai.

Lai (Hakha) Common Language Bible 2006

¹⁸ Zeicahtiah mi cu amah le amah kha ka ṭha tiin aa ruah tikah hin Pathian nih a cohlan a si lo i Bawipa nih a ṭha ti in a ruah lawngah hin a cohlan a si.

2 KORIN 10:18 Խաչաձեւ Հղումներ

LUKA 16:15

Cun an sinah, “Mi hmuhnâk i â feltermi lawng nan si. Asinain Pathian nih nan lungthin a hngalh. Minung hna cawisanmi hi Pathian mit hmuh ah fihnung a si.

PHUNGTHLÛKBIA 21:2

Mahhmuhnâk ah kan umtuning hi a dik cio in kan ruah, asinain BAWIPA nih lungthin hi cuai ah a thlai tawn.

1 KORIN 4:5

Cucaah Bawipa a rat hlan i a cân a phâk hlanah hin zeihmanh hniksak hlah u. Amah nih khuamui i thuhmi hna kha khuaceu ah a langhter te lai. Lungchung i timhmi zong kha a langhter dih lai. Cucân ah kan co tawk cio thangṭhatnâk zong Pathian sinin kan hmuh cio lai.

ROM 2:29

chunglei i Judah mi a simi cu Judah mi taktak a si; cun cuarpartan cu ca chung bia si loin, Thlarau in Lungthin ah a si, cuhna cu minung sinin thangṭhat an co lo nain Pathian sin tuin thangṭhat an co.

2 KORIN 10:12

Zeitintiah mah le mah â thangṭhatmi hna sinah cun kâ telhchih ngam lo, anmah he kan i tahchunh ngam fawn lo. Annih cu anmah le anmah an i tahchunhtawn, an hrut ngai.

JOHAN 12:43

Zeitintiah Pathian thangṭhatmi sinâk in minung thangṭhatmi si kha an thaihchan deuh.

PHUNGTHLÛKBIA 27:2

Nangmah i thangṭhat loin, midang nih in thangṭhat seh, nangmah hmûrkâ si loin, hngalhlo mi hna hmûrkâ in in thangṭhat hna seh.

1 PETER 1:7

a taktak a simi nan zumhnâk cu, a rawk khomi sui mei in hniksak cangmi nâkin a sung lawi deuh, cucaah Jesuh Krih a rat tikah thangṭhat le upatnâk le sunparnâk he hmuh nan si khawh nâkhnga,

2 KORIN 13:7

Cubangin sualnâk zeihmanh nan tuah lonâk dingah Pathian sinah thla ka cam tawn, cohlanawktlâk khun i i langhter kan timhruangah a si lo, a tling lomi bangin ka langh hmanh ah, nannih nih cun dawh tein thil nan tuah kha ka duh.

2 KORIN 6:4

Pathian rianṭuantu sinâk he â tlakin zeithil pauh ah mi mit hmai kan zoh tawn. Thinfual te i teminnâk, harnâk, chamhbaunâk, vansannâk ah siseh,

ROM 14:18

Cubantukin Krih riantuantu hna cu Pathian lomhmi le minung zong nih an cohlanmi an si.

2TIMOTE 2:15

Pathian cohlan awktlâk si dingin i pe ko, biatak bia hmân tein ṭhen a thiammi rianṭuantu cu ningzah a herh lo.

2 KORIN 5:12

Zeitintiah nan sinah kan i thangṭhat ṭhân zong a si lo, lungthin i i biatak ṭung lo in, lenglei lawng i a porhlaw mi hna lakah kanmah thawngin hmaihngalnâk le a lehnâk cânrem serpiak kan duh ruang i ka chimmi a si.

2 KORIN 3:1

Mahle mah thangṭhat kan thawk ṭhan hawi maw? Asiloah cheu khat bantukin thangṭhatnâk câ ṭialpiak hna kan herh ve hnga maw?

1 KORIN 11:19

Nanlakah a taktak a simi an langhkhawh nâkhnga zumhnâk phundang a ngeimi zong an um awk a si.

ROM 16:10

Krih i cohlan awktlâk, Apelles kha a kut ka tlaih. Aristubulas chungkhar hna kha an kut ka tlaih hna.

LAMKALTU 2:22

“Nannih Israel mi hna, hi bia hi ngai u; Nazaret Jesuh kha, nan lakah a liannganmi thil le, khuaruahhar le hmelchunhnâk hna hmangin Pathian nih a dirkamh i a langhtermi a si kha nanmah hrimhrim nih nan hngalh.

PHUNGTHLÛKBIA 12:8

Mi an fimning cio in thangṭhat an si, asinain lungthin ngawimi cu zomhtaih a si lai.