2 KORIN 10:12 - Laibaibal Thiang (BSI)

¹² Zeitintiah mah le mah â thangṭhatmi hna sinah cun kâ telhchih ngam lo, anmah he kan i tahchunh ngam fawn lo. Annih cu anmah le anmah an i tahchunhtawn, an hrut ngai.

Lai (Hakha) Common Language Bible 2006

¹² Cu tluk sang i aa chiami hna he cun kan i tahchunh ngam in kan i rel chih ngam taktak lai lo! An va hrut thiam dah. Anmah tahnak dingah khan anmah lila nih pei tahnak tlangrel cu an i ser ko cu.

2 KORIN 10:12 Խաչաձեւ Հղումներ

PHUNGTHLÛKBIA 27:2

Nangmah i thangṭhat loin, midang nih in thangṭhat seh, nangmah hmûrkâ si loin, hngalhlo mi hna hmûrkâ in in thangṭhat hna seh.

PHUNGTHLÛKBIA 26:12

Mah le mah mifim ah â ruatmi na hmu cang hna maw? cu hna sin nakin mihrut sinin ruahchannâk a sang deuh.

LUKA 18:11

Farasih cu a dir i amah kongah hitihin thla a cam. ‘Pathian, midang bangin ningcang lo i lakhmang le, a diklo le, ṭangdang kaimi ka si lo caah le, hi ngunkhuai khawltu bantuk zong ka si lo caah lawmhnâk bia kan chimh.

2 KORIN 10:18

Zeitintiah mah le mah i thangṭhat cu conglomh an tong bal lo. Bawipa nih a thangṭhat ahcun conglomh a tong deuh lai.

ROM 15:18

Zeitintiah Gentel mi hna zumhter dingin Krih nih keimah ah a lîmcangmi dah ti lo cu bia in siseh tuahsernâk in siseh ka phuang ngam lo,

2 KORIN 3:1

Mahle mah thangṭhat kan thawk ṭhan hawi maw? Asiloah cheu khat bantukin thangṭhatnâk câ ṭialpiak hna kan herh ve hnga maw?

PHUNGTHLÛKBIA 25:27

Khuaihliti tamtuk ei hi a ṭha lo, cubantuk in mi nih amah sunparnâk a kawlmi hi sunparnâk a si lo.

2 KORIN 5:12

Zeitintiah nan sinah kan i thangṭhat ṭhân zong a si lo, lungthin i i biatak ṭung lo in, lenglei lawng i a porhlaw mi hna lakah kanmah thawngin hmaihngalnâk le a lehnâk cânrem serpiak kan duh ruang i ka chimmi a si.

2 KORIN 10:11

Cubantuk mi nih cun hihi ruat seh, nan sin kan rat hlan i kan ca kuat ningte khan kan rat tik zongah kan tuah lai.