2 KORIN 1:12 - Laibaibal Thiang (BSI)

¹² Kan hmaihngalnâk cu hihi a si. Vawlei ah hin tluangtlam te le zumhtlâk in, minung fimnâk telhchih loin, Pathian zângfahnâk thawngin khua kan sa, nan sinah ṭha chinchin in kan um, ti hi kan chiaṭha hngalhnâk zong nih a pompi.

Lai (Hakha) Common Language Bible 2006

¹² Kan i uanmi cu hihi a si: hi vawlei cung kan nunning ah hin le nanmah he kan i pehtlaihnak ning ah hin kan umtu ziaza cu vawlei cung fimnak nih si loin Pathian vel a ṭhawnnak nih a uk i hlangfang le lungthin tak tein nan sinah khua kan sa, hihi kan chiaṭha thleidannak nih fiang tein a kan hngalhpimi a si.

2 KORIN 1:12 Խաչաձեւ Հղումներ

1 KORIN 2:13

Cuthil hna cu minung cawnpiak mi fimnâk si loin, Thiang Thlarau cawnpiakning tuin, thlarau kong cu thlarau in kan chim tawn.

2 KORIN 2:17

Zeitintiah mi tampi nih Pathian bia hi chawlehnâk i an hman bangin kannih nih cun kan hmang ve lo; biatak tein; Pathian thlahmi kan si bangin Pathian mithmuh ah Krih ah bia kan chim tawn.

1THESALON 2:10

Nan lak i zumtu hna sinah sawiawk um loin dik ngai le i pumpe dih in kan umning kha a kan hngalhpitu nan si i Pathian zong nih a kan hngalhpi;

1 PETER 3:21

Cu thil nih a langhter chungmi baptisma in Jesuh Krih thawhṭhannâk thawngin atu ah khamh kan si. Cu baptisma cu taksa thurhnawmmi thenh men hi si lo in chiaṭha hngalhnâk thiang he Pathian kan lehnâk hi a si.

HEBRU 13:18

Kan caah thlacam u; a lamkip in hmaizahmi si hi kan i tim. Chiaṭha hngalhnâk ṭha in kan tuah tiah kan hngalh.

2 KORIN 8:8

Nawlpêk bantukin ka chim lo, asinain midang an i biataknâk he cuaithlai in nan dawtnâk hi a tak maw a deu ti hniksaknâk in ka ṭialmi a si.

2 KORIN 4:2

Ningzah awktlak thuhmi thil hna kha kan hlawt hna, zernâk in kan nung lo, asiloah Pathian bia hi zatlâng hlennâk ah kan hmang fawn lo, Pathian hmai ah biatak cu phuangin mikip chiaṭha hngalhnâk le mit hmuh ah zoh a dawh maw ti hi kan conhmi a si.

1 KORIN 15:10

Asinain Pathian zângfahnâk ruangah atu ka sining hi ka rak si, ka cung i a zângfahnâk cu a sawhsawh a si lo. Cucaah annih vialte nâkin thaba deuh in ka ṭuan, asinain keimah ṭuanmi cu a si lo. Pathian zângfahnâk keimah i a ummi nih a ṭuanmi a si.

LAMKALTU 24:16

Cucaah chia le ṭha hngalhnâk thiang ngeih peng i Pathian le minung hmai i sawi awk um lomi si kâ tim peng.

LAMKALTU 23:1

Cuticun Paul nih biaceihtu hna cu ṭha tein a zoh peng hna i, “Ule nau hna, nihin tiangin Pathian hmai ah, a dihumnâkin chiaṭha hngalhnâk ṭha he ka nung tawn,” tiah a ti.

1 PETER 3:16

Chia le ṭha hngalhnâk thiang ngei u, cuticun ṭhatlonâk tuahtu bangin puh an in timh mi hna cu, Krih i â dawhmi nun in nan umnâk nih an ning a zahter hna lai.

1TIMOTE 1:5

Nawlpêk nih a tinhmi cu, zumhnâk taktak le chiaṭha hngalhnâk ṭha le lung thin thiangin a chuakmi dawtnâk hi a si,

FILIPI 1:10

Cuticun Krih ni a phâk tiangin zumhtlâk le dotla nan si khawh nâkhnga, thilṭha sunlawinâk kha nan hngalh khawh lai i

EFESA 6:14

Cucaah fek tein dir u law, nan taiah biatak in i sawm u, dinnâk ṭangphaw i benh u,

GALATI 6:4

Asinain mikip nih mahle rian cio zohfiang hna sehlaw hawi he um loin, amah lawng a um zongah â lawm peng ko lai.

2 KORIN 11:3

Asinain rulnih a fimzernâk in Evi a hlen bantukin Krih i tluangtlam te i nan umnâk chungin nan ruahnâk kha a hrawh sual lai ti kha ka phang.

2 KORIN 1:17

Cucaah cubantuk thil ka timh lio ah khan foi tein ka timh lamhmi a si maw? Asilo ah hi ka timhmi hi thisa duhnâk men i ka timhmi; ‘Asi, asi, ka timi cu, A silo a silo, a ti ṭhanmi maw ka si?

1 KORIN 5:8

Cucaah Thô cu tuah usih, thilnu hlun i tuah loin, ruahnâk ṭhalo le rawhralnâk thô kha tuah lo in, zumhawktlâk le diknâk changreu, thilnu cawh loin thô cu tuah u sih.

1 KORIN 4:4

Zeitintiah keimah lila nih i sawi awk zeihmanh kâ hngal lo, asinain cu nih cun thiam a ka co ter hlei lo, a ka hneksak tu taktak cu Bawipa a si.

ROM 9:1

Krih ah biatak ka chim i ka lih lo, Thiang Thlarau ah ka chiaṭha hngalhnâk zong nih a ka hngalhpi,

JEIM 4:6

Asinain zângfahnâk tamchin chin a pêk tawn. Cucaah Cathiang nih, “Pathian nih miporhlaw a doh hna i toidormi kha zângfahnâk a pêk tawn,” tiah a ti.

TITAS 2:7

thilṭha tuahnâk ah a lamkip in mi zohchunh awkin um law, cawnpiaknâk ah nâ biataknâk, hmaizahmi sinâk le hrawhkhawh lomi na sinâk kha langhter,

1 KORIN 1:17

Zeitintiah Krih nih baptisma pêk awkah a ka thlah lo, thawngṭha bia chim dingah a ka thlah, fimnâk bia hmang i chim lo in, culoahcun Krih vailamtahnâk bia hi zeihmanh lo ah an canter sual lai.

1 KORIN 12:8

Mi pakhat sinah Thlarau in fimnâk bia pêk a si, midang sinah cu Thlarau ṭhiamṭhiam ah hngalhnâk pêk a si.