2 KORIN 1:1 - Laibaibal Thiang (BSI)

¹ Paul, Pathian duh ningin Jesuh Krih lamkaltu le kan unau Timote nih Korin khua i a ummi Pathian kawhhran le Akai ram pumpi i mithiang vialte sinah:

Lai (Hakha) Common Language Bible 2006

¹ Pathian duhnak in Khrih lamkaltu a simi keimah Paul le kan nau Timote nih, Korinth khua chung i a ummi Pathian Khrihfabu le Grik ram chung i a ummi Pathian mi vialte nan sinah ca kan in kuat hna.

2 KORIN 1:1 Խաչաձեւ Հղումներ

2TIMOTE 1:1

Paul Krih Jesuh ah a ummi nunnâk biakam ningin Pathian duhning i Krih Jesuh lamkaltu nih,

FILIPI 1:1

Paul le Timote, Krih Jesuh ah ṭemmi-sal hna nih, Filipi khua ah a ummi Krih Jesuh ah mithiang vialte le hotu le upa hna sinah;

EFESA 1:1

Paul Pathian duhning i Jesuh Krih Lamkaltu nih, Efesa khua i mithiang hna le Jesuh Krih ah zumhtlâk a simi hna sinah:

TITAS 1:1

Paul, Pathian thimmi hna zumhnâk ning le Pathian-ṭihzahnâk in biatak hngalhpinâk tlamtling he Pathian caah ṭemmi sal le Jesuh Krih Lamkaltu ka si.

1TIMOTE 1:1

Paul, Pathian a kan khamhtu le kan i ruahchanmi Jesuh Krih nawlpêk bangin Jesuh Krih lamkaltu nih.

GALATI 1:1

Paul, Lamkaltu (minung hna thlahmi si loin, minung thawng zong si loin, Jesuh Krih le thihnâk in a thawhtertu, Pathian thawngin) le,

1 KORIN 16:10

Timote a rat tikah ṭihphang lo tein rak umter u. Keimah nih ka ṭuan bantukin Bawipa rian ṭuntu a si.

1 KORIN 6:11

Nan lakah cheu khat cu cubantuk tuah a hmangmi nan rak si. Asinain Bawipa Jesuh min le kan Pathian Thlarau ah `awlthian nan si cang, thianter nan si cang, thiamcoter nan si cang.

LAMKALTU 16:1

Derbe le Lustra khua ah an kal i ngaihmanh, cuka ah zultu pakhat, a min Timote a um, amah cu Judah zumtu nu pakhat fapa a si i a pa tu cu Grik mi a si.

HEBRU 13:23

Kan unau pa Timote kha zalong tein an chuahter cang ti kha rak hngal ulaw, a rat zau ding a si ahcun amah he kan in hmuh hna lai.

2 THESALON 1:1

Paul, Silvanas le Timote nih, Pathian kan Pa le Bawipa Jesuh Krih i Thesalon kawhhran hna sinah.

1THESALON 1:1

Paul, Silvanas le Timote nih Pa Pathian le Bawipa Jesuh Krih ah Thesalon kawhhran hna sinah: Pa Pathian le Bawipa Jesuh Krih sinin zângfahnâk le daihnâk nan sinah um ko seh.

2 KORIN 11:10

Krih biatak keimah i a um bangin Akai ram in ka hmaihngalnâk chungin ahohmanh nih anka thlauh kho lai lo.

2 KORIN 9:2

zeitintiah nan nunsianning kan hngalh ko, Masidonia mi hna sinah, “Akai rammi hna nih kumkhat a liam cangmi ah an timh dih cang,” ti in ka ti hna i kan in hmaihngalpi ngaingai hna. Nan lungthawhnâk nih anmah chung i mi tampi lung zong a thawhter hna.

1 KORIN 16:15

Ule nau hna Stefenas chung le cu Akai ram i zumtu hmasa bik an si i mithiang hna rianṭuan piak awkah an i pêk ning nan hngalh;

1 KORIN 10:32

Judah siseh, Grik siseh, Pathian kawhhran siseh, an tluknâk dingah zeihmanh tuah hlah u,

ROM 16:21

Kan rianṭuan hawi Timote le, ka phunhawi Lusias, Joson le Sosipater hna nih nan kut an in tlaih hna.

ROM 16:5

Cuhleiah an innah â pummi kawhhran kha an kut ka tlaih hna i ka dawtmi Epenetas, Asia ram i Krih ah theitlai hmasa bik kha a kut ka tlaih.

ROM 15:26

Zeitintiah Mesidonia le Akai rammi hna nih lunglawm ngaiin Jerusalem khua i misifâk hna caah chawva an pêk cang.

1 KORIN 16:24

Krih Jesuh ah ka dawtnâk cu nan dihlak cungah um ko seh. Amen.

2 KORIN 1:19

Zeitintiah Pathian Fapa Jesuh Krih kong kei le Silvanas le Timote nih nan sin i kan chim tawnmi hi, “Asi ti le A silo, tiah cawhmi a si hrimhrim lo, Asi ti cu Amah ah a um.

2 KORIN 1:23

Cuhleiah fahnâk kan pêk sual hna nâkhnga lo Korin khua i ka rat tilo kha a si tiah ka thlarau hngalh pitu ah Pathian kha ka kawh.

GALATI 3:26

Zeitintiah Krih Jesuh zumhnâk thawngin Pathian fale nan si dih cang.

1THESALON 3:2

cun Timote kan unau pa le Pathian rianṭuantu, Krih thawngṭha i kan ṭuanpimi hi zumhnâk kongah nanmah fehter ding le hnangamter awkah kan rak thlah,

FILEMON 1:1

Paul Krih Jesuh ah thong a tlami le kan unauTimote nih kan dawtmi le kan ṭuanpi hawi Filemon sin ah le,