2TIMOTE 3:14 - Laibaibal Thiang (BSI)

¹⁴ Asinain nang tu cu ahosinahdah na cawn kha hngal law, na cawnmi le na hngalhmi kha i nunpi,

Lai (Hakha) Common Language Bible 2006

¹⁴ Sihmanhsehlaw nang cu biatak kan cawnpiakmi ah khan dir law fek tein zum peng ko. Nangmah cawnpiaktu saya cu ahodah kan si kha na kan hngalh i

2TIMOTE 3:14 Խաչաձեւ Հղումներ

1THESALON 2:13

Hiruangah hin ngol loin Pathian sinah lawmhnâk bia kan chim, zeicatiah kan sin in nan theihmi Pathian bia nan cohlan tikah minung bia bangin nan cohlang lo, i biatak ngaiin Pathian bia bangin nan cohlan, cucu a zumtu sinah santlai ngaiin rian a ṭuntu hi a si.

2TIMOTE 2:2

Cun hngalhpitu tampi hna le keimah sinin na theihmi hna kha midang a cawnpiak chin khotu zumhawktlâk sinah pe chin hna.

2TIMOTE 1:13

Krih Jesuh i a ummi zumhnâk le dawtnâk in, a ngandammi cawnpiaknâk ka sin in na theihmi kha fek tein i tlaih.

1THESALON 1:5

Zeitintiah kan thawngṭha hi bia lawngin nan sinah a phân lo i ṭhawnnâk le Thiang thlarau he, hngalhfiannâk tampi he a phânmi a si, nanmah zawn ruahah nan sin kan um lio ah zeibantuk minung ah dah kan i can ti kha nan hngalh bangin.

HEBRU 10:22

lung taktak le zumhnâk i hngalhfiannâk ngeiin, kan lungthin i a thûrmi chiaṭha hngalhnâk hna kha thian terin kan taksa zong a thiangmi ti ah i kholh in Amah cu naih u sih.

HEBRU 6:11

Cun nan i ruahchanmi hi a taktak i a phâk khawh nâkhnga, a dongh tiangin taihmâk chuah in pehzulh u, ti hi kan duh hringhran ko,

1TIMOTE 4:16

Nangmah lei le na cawnpiakning ah i ral ring, cucu i nunpi peng law, cu nih cun nangmah le na bia ngaitu kha na khamh hna lai.

2TIMOTE 3:15

zeitintiah Krih Jesuh zumhnâk thawngin khamhnâk hmu lakin an fimter khotu Cathiang kha, na ngakchiat lio tein na hngalh cang.

ROM 14:5

Mi pakhat nih nikhat hi nidang nâkin sunglawi khun in a ruah. Midang pakhat nih ni vialte hi â khat dih ah a ruah. Cucaah mikip nih mah le ruahnâk cio ah ṭha tein ruat seh.

KOLOSE 2:2

Pathian, Pa le Krih biathli hngalhnâk kongah an lungthin cu thazâng pêkmi a si i dawtnâk ah i funtom in a fekmi theihthiamnâk tling le rumnâk vialte kha an co khawh lai,

LAMKALTU 17:31

Dinnâk in vawlei hi bia a ceih lainâk ni kha a khiah cang i biaceihtu ding zong a ruah cang. Cucu mi vialte nih an hngalhfian khawh nâkhnga thihnâk in a thawhter,” tiah a ti.

TITAS 1:9

cawnpiak a rak si cang bangin zumhtlâk bia fek tein â tlaihmi a si lai, cuticun a dikmi cawnpiaknâk in mi a chimhhrin khawh lai i elhnialtu kha an lung a pemter khawh lai.