2TIMOTE 2:21 - Laibaibal Thiang (BSI)

²¹ Cucaah a hnu deuh chungin â thiantermi hna cu a thiangmi ûm, Bawipa hman awktlâk, rianṭha vialte caah timh ciain a ummi, sunh lawihmi ûm an si.

Lai (Hakha) Common Language Bible 2006

²¹ Ahohmanh a man a sungmi le a thiangmi thil lak i aa tel kho ve ding, inn Bawi nih a hman awkah aa tlakmi si ve dingah cun, cawnpiaktu ṭhalo vialte kha a kal tak hna awk a si; cun hmaizah awk tlak a simi rian zei rian paoh caah khan aa tlakmi a si lai.

2TIMOTE 2:21 Խաչաձեւ Հղումներ

2TIMOTE 3:17

Pathian-mi cu rianṭha vialte ṭuan awkah felfai tein tlamtlinter a si khawh nâkhnga.

EFESA 2:10

Thilṭha tuah dingah Krih Jesuh ah sermi kan si i Amah kutchuak kan si, cu thilṭha tuah cu kan umnâk dingah Pathian nih a rak timhlamh ciami a si.

2 KORIN 7:1

Cucaah ka dawtmi hna, cubantuk biakam cu kan ngeih caah taksa le thlarau thûrtertu vialte chungin i thianter usih law, Pathian ṭih bu tein thianhlimnâk hi tlinter u sih.

1 PETER 1:22

Unau dawtnâk taktak kha ngei in, Thlarau thawngin biatak zum in, nan thlarau nan thianter cang caah, lungthin thiang te le biatak tein pakhat le pakhat i daw u,

SALM 119:9

Mino nih zeitindah a nunning a thianter khawh lai? Na bia ṭha te i zulhnâk lawngin a thiang kho lai.

1JOHAN 3:3

Amah cungah cubantuk ruahchannâk a ngeimi pauh nih, Amah a thian bangin â thianter tawn.

2TIMOTE 2:20

Asinain a ropi ngaimi in ah sui le ngun i sermi thil lawng an um lo, thing le tlâk i sermi zong an um ve, a sunglawimi an um lio ah a sunglawi lomi zong an um.

TITAS 3:8

Hihi zumhawk a tlâkmi bia, nangmah zongnih na fehter lengmang awkah ka duh, Pathian a zum cangmi hna nih thilṭha tuah peng dingin ṭha tein ruat hna seh. Hi thil hna hi minung caah a ṭha i san a tlai.

LAMKALTU 9:15

Asinain Bawipa nih, “Kal ko, Jentel mi le, siangpahrang hna le, Israel mi hna sinah ka min luhpitu dingah ka thimmi ûm a si.

1 PETER 1:7

a taktak a simi nan zumhnâk cu, a rawk khomi sui mei in hniksak cangmi nâkin a sung lawi deuh, cucaah Jesuh Krih a rat tikah thangṭhat le upatnâk le sunparnâk he hmuh nan si khawh nâkhnga,

1 KORIN 5:7

Cucaah thilnu cawhlo mi nan si bantukin changreu tlangkhat nan si khawh nâkhnga thilnu hlun cu thenh u. Zeitintiah kan Lanhtâk Thô taktak, Krih cu thawinâk ah pêkchanh a si cang.

TITAS 3:14

Cun kanmi le hna zong theipar chauh loin an um nâkhnga lo an herhnâk zawn i hman awk an ngeih khawh nâkhnga rianṭha ṭuan pengin um hna seh.

TITAS 3:1

Uktu hna le nawlngeitu hna tangah um in, an nawl ngaiding le, ṭhatnâk phunkip tuah awkah timhcia te i um ding le,

2 KORIN 9:8

Cun rian ṭha kha tampi in nan ṭuan khawh nâkhnga le, zeizong vialte tling tein nan ngeih khawh nâkhnga, Pathian nih a zângfahnâk cu nan cungah tam piin an pêk hna lai.

1TIMOTE 6:11

Nang Pathian-mi cu thil hna cu zâmtâk, cuticun dinnâk le Pathian duhnâk, zumhnâk le dawtnâk, inkhawhnâk le nunmennâk kha dawi hna.

2TIMOTE 2:16

Pathian ṭihzahlo bia vaivuan a chim tawntu kha hrial hna, zeitintiah Pathian-zeirellonâk ah an zual chin chin lai.

2TIMOTE 4:11

Luka lawnglawng nih a ka umpi. Marka kha sawm law ratpi, zeitintiah amah cu hi rianṭuan nâkah ka caah san a tlai ngaingai.