2TIMOTE 2:14 - Laibaibal Thiang (BSI)

¹⁴ Hi thil hna hi hngalhter ṭhân hna, santlai lomi a ngaitu hna caah lohtlaunâk lawng a phâk pitu pakpalawng bia i el lengmang lo dingin Bawipa hmaiah chimhring hna.

Lai (Hakha) Common Language Bible 2006

¹⁴ Biafang i al lengmang kha ngol u, tiah Pathian hmaiah ralrinnak pe hna law, na mi pawl kha, cucu chim ṭhan lengmang hna. Cu nih cun ṭhatnak zeihmanh a chuahpi lo, a ngaitu kha a hrawh lam a hrawh men hna.

2TIMOTE 2:14 Խաչաձեւ Հղումներ

2TIMOTE 2:23

Cun hruhthil le elhnialnâk ah i tel hlah, buaibainâk lawng a chuahter kha hngal ko.

2TIMOTE 4:1

Pathian le Bawipa Jesuh Krih hmaiah a pennâk le mithi le minung hna biaceih awkah a lang laimi hmaiah nawl kan pêk:

ROM 14:1

Zumhnâk i zângdermi kha cohlang hna u, an lunghrinhmi thil kha al hna hlah u.

HEBRU 13:9

Cawnpiaknâk phunphun le zumhnâk phun dang dang i hruaiter hlah u. Lungthin hi zângfahnâk i fehter cu a ṭha, ei le din i fehter loin, cubantuk thil hna cu a buaipi tu hna zong nih an hlawkpi theng lo.

1TIMOTE 5:21

Pathian le Bawipa Jesuh Krih le vanmi thiang hna hmaiah hi bia hna hi ruahning ngei cia lo le thleidan ngei lo tein fekte i dirpi dingin nawl kan pêk.

LAMKALTU 15:24

Kan bu chungin mizeimaw biachim mi nih an buaiter hna tiah kan theih. “Cuarpar nan tan hrimhrim lai i nawlbia zong nan zulh hrimhrim lai, tiah an ti. Cubantuk chim dingin an sinah nawl zeihmanh kan pe hna lo.

2 PETER 1:13

Asi, hi thlâm chung i ka um chung pauh cu nan lung lawmhter lengmang hi a ṭha tiah ka ruah.

1TIMOTE 6:13

Zeizong vialte sinah nunnâk petu Pathian le Krih Jesuh, Pontius Pailat hmai i zumhnâk dik a ṭanhpengtu mithmuh ah nawl kan pêk,

2 THESALON 3:6

Asinain u le nau hna, kan sin in theihternâk an hmuhmi ningin um loin ningcang loin khua a sami hna chungin a dang te i um dingin kan Bawipa Jesuh min in nawl kan in pêk hna.

2TIMOTE 2:16

Pathian ṭihzahlo bia vaivuan a chim tawntu kha hrial hna, zeitintiah Pathian-zeirellonâk ah an zual chin chin lai.

1TIMOTE 4:8

Zeitintiah taksa zuam nâkin cawlcanghnâk zong hi san a tlai ve ko, asinain Pathian-ṭihzahtu sinâk i cawlcanghnâk nih cun atu nunchung le hmailei caah biakam a ngeih caah a lamkip in san a tlai.

EFESA 4:17

Cucaah hihi Bawipa ah kan hngalhter hna, santlai lomi ruahnâk ngeitu, Gentel mi bangin um ti hlah u.

GALATI 1:7

Cucu Thawngṭha a si lo; nanmah buai terin Krih Thawngṭha merh a timmi an si.

LAMKALTU 13:10

“Nang, hlennâk le zernâk in a khatmi pa, khuachia fapa, dinnâk a ralchanhtu pa Bawipa lam lamding hi merh na timh peng ko lai maw?

MATTHAI 16:26

Zeitintiah mi pakhat khat nih vawlei hi a dih lakin ngei sehlaw, a nunnâk a sungh ahcun san a tlai hnga maw? Asiloah mi nih a nunnâk caah zeidah a pêk kun hnga?

2TIMOTE 1:6

Cucaah ka kut chuannâk thawngin nangmah ah a ummi thilpêk kha alhter dingin kan hngalhter ṭhân.

1TIMOTE 1:6

cuthil hna cu kaltâk in mi cheukhat nih santlai lo bia sawhsawh an buaipi.

1TIMOTE 1:4

pupa hna min le tuanbia sawh sawh ruah le khah kha ngol hna seh, cu nih cun Pathian lei zumhnâkah ṭhathnemnâk zeihmanh a ngei lo, elhnialnâk men a chuahter.

1THESALON 4:1

Cuticun ule nau hna a donghnâk ah, Pathian lawmh terin nan nun khawh nâkhnga le kan sinin nan hmuhmi bantuk kha tam chinchin in nan ngeih nâkhnga Bawipa Jesuh ah tha pêk pah in kan nin nawl hna,

TITAS 3:1

Uktu hna le nawlngeitu hna tangah um in, an nawl ngaiding le, ṭhatnâk phunkip tuah awkah timhcia te i um ding le,