2TIMOTE 1:12 - Laibaibal Thiang (BSI)

¹² Hiruangah dahkaw hi thil hna hi katuar cu, asinain ka ning a zak lo, zeitintiah ka zumhmi kha ka hngalh, A sin i ka chhiahmi kha cu Ni tiangin him tein a umter khawh ti kha ka hngalh.

Lai (Hakha) Common Language Bible 2006

¹² hi bantukin sifahnak ka inmi vialte hna hi, hi ruangah hin a si. Asinain ka lung a dong naisai lo, zeicahtiah kaa bochanmi cu ahodah a si kha ka hngalh i ka kut chungah a ka pekmi thil kha khi Ni tiang him tein a ken khawh ti kha fiang tein ka zumh.

2TIMOTE 1:12 Խաչաձեւ Հղումներ

2TIMOTE 1:8

Cucaah kan Bawipa kong hngalhpinâk hi zahpi hlah, asiloah Amah ruangah thongah a tlami keimah zong hi ka zahpi hlah, thawngṭha ruang i temtuarnâk hi Pathian ṭhawnnâk bangin ka hrawmpi ve,

JUDAS 1:24

Cubangin nan tlûk nâkhnga lo an kilveng khotu le a sunparnâk hmai ah lawmhnâk taktak he thûrhnawm lo in an chia khotu,

1 PETER 4:19

Cucaah Pathian remti ningin a tuarmi hna caah thilṭha tuah in an thlarau kha zumh a tlâkmi Sertu sinah chân seh.

2TIMOTE 4:8

Ahnubik ah dinnâk luchin cu ka caah chiah a si, cucu biaceihtu fel, Bawipa nih cu Ni ah aka pêk lai, kasin lawngah a si lai lo, Â langhnâk â ngaihmi vialte sin zongah a pêk lai.

HEBRU 7:25

Cucaah Amah lan in Pathian sinah a rami hna cu a dongh tiangin a khamh khawh hna, zeicatiah an ca i nawlpiak dingin zungzal i a nun peng caah.

1TIMOTE 6:20

Aw Timote! nakut i chiahmi cu ṭha tein kilveng, Pathian-ṭihzahlonâk bia chim le ralchanhmi biafang hngalhnâk tiah silo ngaiin min an bunhmi kha hrial i zuam.

ROM 1:16

Krih thawngṭha cu ka zahpi lo, zeitintiah a zummi vialte caah khamhnâk dingah Pathian ṭhawnnâk a si; a hmasa in Judah mi caah a si i Grik mi ca zongah a si.

MATTHAI 24:36

Asinain cu ni le suimilam cân cu, ahohmanh nih an hngal lo. Pa dah ti lo cun, van i vancungmi hmanh nih an hngal lo.

1 PETER 1:5

zumhnâk thawngin khamhnâk, cân hmadung i langhter awkah timh ciami cu co dingin Pathian ṭhawnnâk in kilven nan si.

SALM 25:2

Maw ka Pathian, nangmah cu kan bochan; ningzak in ka umter hlah; ka ral hna hi ka cungah teinâk ngei hna hlah seh.

2TIMOTE 1:18

Efesa khua i rian ka ṭuannâk ah a lam kip in a ka bomhning cu nang zong nih na hngalhfian, cu Ni caah Bawipa sin in vêl a hmuh khawh nâkhnga Bawipa nih pe ko seh.

FILIPI 3:21

Zeizong vialte Amah nawl i a umter khotu rianṭuannâk bangin a niam ngaimi kan pum hi a sunglawimi Amah pum bantukah a thlen te lai.

SALM 9:10

Na min hngaltu hna nih nangmah an in bochan lai; zeitintiah BAWIPA nangmah kawltu hna cu na kaltâk bal hna lo.

2TIMOTE 2:9

zeitintiah cuthil ruangah sualnâk tuahtu bangin cikcin ṭembawh tiangin ka tuar, asinain Pathian bia tu cu ṭemkhawh a si lo.

FILIPI 3:10

A thihnâk ah thiin, a tuarnâk kâ hrawm ve ahcun, a thawhṭhannâk ṭhawnnâk zong ka co ve ko lai.

FILIPI 3:8

Asi taktak ko, a liannganmi ka Bawipa Jesuh Krih hngalhnâk ruangah thil vialte hi sungh cikcek ah ka ruah dih, asi zeizong vialte hi ka sung cikcek ko. Krih kha ka miakmi a si khawh ahcun thildang vialte cu hmunthûr ah ka rel hna.

1 KORIN 3:13

mikip rianṭuan cu a fiang cang lai; zeitintiah cu Ni nih cun a fianter lai, zeicatiah mei in a langh lai caah, mei nih cun mikip rianṭuan cu zei a si kha a hniksak lai.

JOHAN 17:15

Vawlei in nalâk awkah kan nawl lo, mi ṭhalo pa chungin na kilven hna awkah kan nawl.

MATTHAI 12:21

Cun Gentel mi nih a min an i bochan lai,” timi a tlin nâkhnga caah a si.

SALM 31:5

Maw BAWIPA, biatak Pathian, na kutah ka thlarau ka chiah.

ROM 9:33

Hitihin ṭial a si, “Zohhmanh, Zion ah tluknâk le rilhnâk lungpi ka chiah, amah zummi pauh cu an mualpho lai lo.”

1 PETER 4:16

Mizei pauh Kristian a si ruangah a tuar a si ahcun, ningzak hlah seh, Pathian thangṭhatnâk tu ah hmang deuh seh.

HEBRU 12:2

Jesuh kan zumhnâk hrampi le tlintertu lei khi zoh in tli u sih, Anih nih cun a hmai lei i chiahmi lawmhnâk ruangah ningzahnâk zeirel loin vailamtahnâk kha tuar in Pathian ṭhutdanh orhlei kamah a ṭhu.

HEBRU 2:18

Zeitintiah Amah hrimhrim nih turforhnâk tongin a rak tuar cang caah tukforhnâk a tongmi kha a bomh khawh hna.

1THESALON 2:16

Gentel mi hna khamh an si khawh nâkhnga an sin i phungchim an kan thlauh, an sualnâk nih a donghnâk a phân, asinain a donghnâk ahcun thinhunnâk cu anmah cung li la ah a phân.

FILIPI 1:20

Hi ka taksa ah hin thihnâk in siseh nunnâk in siseh Krih cu thangṭhat in a um hrimhrim ko lai, zei thil pauh ah mualpho in ka um lai lo ti kha ralṭha in kâ ruahchanmi a si.

LAMKALTU 21:13

Paul nih, zeiruangahdah nan ṭah i ka lung nan ka hnoter? Zeitintiah Bawipa Jesuh ruangah cun Jerusalem i ṭemchih lawng si loin thih hmanh ka huam ko,” tiah a ti.

LAMKALTU 13:50

Asinain Judah mi nih Pathian ṭanhtu mirum hna le nu minthang deuh kha an forh hna i Paul le Barnabas serhsat dingin an thawhter hna i an ram in an ṭhawl hna.

LAMKALTU 13:46

Paul le Barnabas cu an ral a ṭha chinchin i, “Pathian bia hi nanmah sin i chim hmasat awk a si hrimhrim. Asinain nan duh lo i zungzal in nung dingah nan ruah lo hnuah, zohhmanh u, Gentel lei kan hoih ve cang lai.

LAMKALTU 9:16

Zeitintiah ka min ruangah zeibantuk harnâk dah a temtuar te lai, amah ka hngalhter te lai,” tiah a ti.

LAMKALTU 7:59

Steven nih, “Bawipa Jesuh ka thlarau rak cohlang ko, tiah Pathian a auh lioah lungin an cheh.

JOHAN 6:44

Aka thlahtu Pa nih a hnuh hna dah tilo ahcun, ahohmanh ka sinah a ra kho lo. Cun ni hmadungbik ah ka thawhter lai.

LUKA 23:46

Jesuh cu aw thang pi in a au i, “Ka Pa, nakut chungah ka thlarau ka chiah cang,” tiah a ti. A chim dih in a thaw a dongh.

SALM 56:9

Nangmah kan auh tikah, ka ral an zâm dih lai; Pathian cu kata a si caah, cucu ka hngalh.

1THESALON 5:4

Asinain ule nau hna, cu ni a rak phâk tikah mifir bangin poh nan si nâkhnga lo nannih cu muihnâk ah a ummi nan si lo.

LUKA 10:12

Kan chimh hna, cu Ni ahcun cu hna khua tuar ding nâkin Sodom khua tuarmi hmanh kha â ning deuh lai.

MATTHAI 7:22

Cuniah cun mi tampi nih, Bawipa, Bawipa, na min in phung kan chim, na min in khuachia kan ṭhawl hna; na min in khuaruahhar thil tampi kan tuah a si lo mei,’ an ti te lai.

1 KORIN 1:8

Amah nih kan Bawipa Jesuh Krih ni ah sawiawk um lo in nan um nâkhnga a dongh tiangin an fehter hna lai.

2TIMOTE 1:14

Thilṭha na sin i chiahmi kha kanmah i a ummi Thiang thlarau in kilveng.

2TIMOTE 1:16

Bawipa nih Onesifaras chungkhar sinah vêl a pêk, zeitintiah amah nih thazâng thar a ka pêk i ka cikcin zong a zahpi lo;

TITAS 3:8

Hihi zumhawk a tlâkmi bia, nangmah zongnih na fehter lengmang awkah ka duh, Pathian a zum cangmi hna nih thilṭha tuah peng dingin ṭha tein ruat hna seh. Hi thil hna hi minung caah a ṭha i san a tlai.