1 PETER 2:9 - Laibaibal Thiang (BSI)

⁹ Asinain nannih cu thimmi miphun, siangpahrang tlângbawi, miphun thiang, a hleiin Amah mi nan si; cucu a mak ngaimi a ceunâk i lut dingah muihnâk chungin an kotu hna Amah cu nan phuan khawh nâkhnga;

Lai (Hakha) Common Language Bible 2006

⁹ Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

1 PETER 2:9 Խաչաձեւ Հղումներ

BIAPHUAN 1:6

A Pa le a Pathian caah siangpahrang le tlângbawi ah a kan sertu sinah, Amah sin hrimhrim ah cun sunparnâk le uknâk cu zungzal in zungzal tiang um ko seh. Amen.

BIAPHUAN 5:10

Kan Pathian caah siangpahrang le tlângbawi ah na canter hna. Leicung kha kan uk hna lai,” tiah an ti.

2TIMOTE 1:9

Amah nih kan tuahsernâk bang si loin Amah ruahning le zângfahnâk in a kan khamh i kawhnâk thiangin a kan kawh, cucu vawlei ser hlanin Krih Jesuh ah a kan pêk,

1 PETER 2:5

nannih zong a nungmi lung bangin, Jesuh Krih thawngin, Pathian cohlan awktlâk in thlarau lei raithawinâk kha pe in, a thiangmi tlângbawi, Pathian umnâk ding i sakmi nan si.

TITAS 2:14

Amah nih nawlbuarnâk vialte chungin a kan tlanh khawh nâkhnga, Amah caah thiantermi, a hlei khun in Amah mi si in, rianṭha ṭuan i â zuammi kan si khawh nâkhnga Amah hrimhrim kha kan caah â pe.

LAMKALTU 26:18

muinâk chungin ceunâk lei ah an i mer i Satan nawlngeihnâk mertâk in Pathian lei an hoihkhawh nâkhnga, keimah anka zumhnâk thawngin zumhnâk i thianter cangmi hna lakah ro an co khawh ve nâkhnga,” tiah a ti.

BIAPHUAN 20:6

Thawhṭhân a voikhatnâk i â telmi hna cu thluachuah an hmu i an thiang. Cu hna cungah cun thih voihnihnâk nih ṭhawnnâk a ngei ti lo, Pathian le Krih tlângbawi an si lai i Amah he kum 1000 an uk lai.

SALM 33:12

BAWIPA kha Pathian ah â ngeih i amah nih ro ca i a thimmi hna cu mithluachuak an si.

MATTHAI 5:16

Cubangin nan ceunâk cu mi hmaiah ceu seh law nan tuahmi ṭhatnâk kha an hmuh lai i van i a ummi nan Pa kha an thangṭhat lai.

KOLOSE 1:13

Amah nih khuamui nawlngeihnâk chungin a kan chuahter i a dawtmi Fapa pennâk chungah a kan luhpi;

1 KORIN 3:17

Mizei pauh nih Pathian ṭempal cu a thûrter ahcun, Pathian nih a hrawk ve lai. Zeitintiah Pathian ṭempal cu a thiang i nanmah kha cu ṭempal cu nan si.

LAMKALTU 20:28

Cucaah Pathian kawhhran, a thisen i a cawkmi hna tuukhal si nanmah chungin Thiang Thlarau nih hotu an sitermi ah hin nanmah le nan tuurun vialte hna kongah i ralring u.

FILIPI 3:14

Krih Jesuh ah Pathian nih cung leiin a ka kawh chan ṭuanman hmu dingin kawltung lei cu ka panh.

MATTHAI 4:16

Muihnâk chung i a ummi hna nih a liannganmi ceunâk an hmuh i thihnâk thladem tang i a ummi hna sinah ceunâk a chuak cang” timi a tlin nâkhnga caah a si.

1 PETER 1:2

Jesuh Krih thisen thehnâk pom dingin Thlarau i thiantermi hna le, Pa Pathian hngalh chungmi bangin thimmi hna sinah, zângfahnâk le daihnâk karhter in um ko seh.

LUKA 1:79

Muihnâk le thihnâk thladem tang i a ṭhumi hna ceuh awkah daihnâk lam i kan ke a kal khawh nâkhnga, cunglei ni ceu dawh nih a kan zuan hnawh.

SALM 106:5

Cuticun na thimmi hna vanṭhatnâk ka hmuh khawh lai i na miphun hna i lomhnâk cu kâ nuamhpi ve lai. Na ro kha ka hmaihngal pi khawh hna lai.

ROM 9:24

kannih zong hi a kawhmi kan si, Judah mi lawng si loin Gentel mi zong an si ve lo maw?

LAMKALTU 26:28

Agrippa nih, “Cân toite chungah Kristian ah canter khawh naka zum maw?” tiah a ti.

1 PETER 4:11

Jesuh Krih thawngin Pathian cu zeizong vialte ah thangṭhat i a um khawh nâkhnga, mi zei pauh nih phung a chim ahcun Pathian chimning tein chim seh, mizei pauh nih rian a ṭuan ahcun Pathian nih ti khawhnâk a pêk ning tein ṭuan seh, sunparnâk le biaceihnâk cu zungzal in zungzal tiang Amah ta a si. Amen.

EFESA 1:6

a sunglawimi a zângfahnâk thangṭhat dingin cu zângfahnâk ah cun dawtmi ah Amah nih a kan cohlân.

SALM 73:15

“Cuticun ka chim lai” ti ning law, ngaihmanh, tuchan nafa le cungah a dik lo ngaimi ka si hnga.

SALM 22:30

Chanthar hna nih an rianh lai i chanthar a um laimi sinah BAWIPA kong kha an chim lai.

EFESA 1:14

cucu a ta dingah cawkmi, tlanh an si hlan tiang a sunparnâk thangṭhat dingah, ro cotu kan sinâk ca i hamchungnâk a si.

JOHAN 17:19

Anmah ruangah kâ thianter tawn, annih zong biatak in thianter an si khawh nâkhnga.

EFESA 3:21

zungzal in chan vialte tiangin kawhhran le Krih ah sunparnâk um ko seh. Amen.

SALM 118:27

Pathian cu BAWIPA a si i amah nih ceunâk a kan pêk; raithawinâk ding cu hri in biakṭheng ki ah hreng u.

SALM 135:4

Zeitintiah BAWIPA nih Jakob cu amah caah a thim cang, Israel cu a hlei in a ro caah a thimmi a si.