1 PETER 2:22 - Laibaibal Thiang (BSI)

²² Amah cu sualnâk zeihmanh a tuah lo i Akâ ah hlennâk bia an hmu bal lo,

Lai (Hakha) Common Language Bible 2006

²² Sualnak zeihmanh a tuah lo, lih a chim bal lo.

1 PETER 2:22 Խաչաձեւ Հղումներ

HEBRU 4:15

Zeitintiah kan derthawmnâk a kan ruahpiak kho lotu Tlângbawi Ngan a ngeitu kan si lo, kanmah bangin a phun kipin tukforhnâk a rak tong nain, a sual lomi ngeitu kan si.

2 KORIN 5:21

Zeitintiah Amah ah Pathian dinnâk kan si khawh nâkhnga sualnâk zeihmanh a hngal lomi kha Pathian nih kanmah ruangah sualah a ser.

1JOHAN 3:5

Amah cu kan sualnâk latu dingah langhter a si cang ti kha nan hngalh, Amah ah sual a um lo.

BIAPHUAN 14:5

Cun ankâ chungin hlennâk a chuak bal lo, Pathian bawiṭhutdan hmai hmanhah sawi awk um lomi an si.

1JOHAN 2:1

Ka nau le hna, sualnâk nan tuah nâkhnga lo, hi thil hna hi nan sinah ka ṭial. Cun mi pakhat khat nih sualnâk a tuah ahcun, Pa sinah chimpitu, a dingmi Jesuh Krih kan ngei.

HEBRU 9:28

cubantukin Krih zong mi tampi sualnâk phor dingin voikhat pêkchanh in a rak um cang. Hngahhlang ngaiin Amah hngaktu hna caah, sual tel loin, khamhnâk caah a voi hnihnâk ah a ra ṭhân lai.

LUKA 23:41

Kan ca ahcun a dik taktak ko, zeitintiah kannih cu kan tuahmi he â tlâkin a man kan hmuh, asinain anih cu Ṭhatlonâk zeihmanh a tuah lo,” tiah a leh.

JOHAN 8:46

Nanlakah ahonihdah sual kongah thiamlo a ka coter kho lai? Cun biatak kan chimh hna ahcun, zeiruangahdah nan ka zumh lo?

JOHAN 1:47

Jesuh nih Amah a rak panhtu Nathanael cu a hmuh i a kong a rak chim, “Zohhmanh u, Israel mi taktak, hleithawinâk a ngeilo pa khi,” tiah a ti.

LUKA 23:47

Cuticun ralbawipa nih thil umtuning kha a hmuh i, “Hipa hi miding a si hrimhrim ko,” tiah Pathian a thangṭhat.

MATTHAI 27:19

Biaceihnâk ṭhutdanh i a ṭhut lioah a nupi nih, “Kha miding pa kha zeiti hmanh in rak ti hlah, nihin ah Amah ruangah ka mangin thil tampi ka tuar,” tiah bia a cah.

MATTHAI 27:4

“Sualnâk a ngei lomi thisen ka rak rawi kha ka sual,” tiah a ti. Annih nih, “Cucu kan zeidah poi, nangmah nawl pei a si ko cu,” tiah an rak ti.

SALM 34:13

Na lei cu sualnâk chungin kilveng law, na hmurkâ kha hlennâk bia chim lo dingin kilveng.