1 PETER 2:12 - Laibaibal Thiang (BSI)

¹² Gentel mi hna sinah upat awktlâk in nung u, cuticun minih thil ṭha lo tuahtu bangin nan thang an chiat zongah, thil ṭha nan tuahmi an hmuhnâk thawngin Pathian nih a veh hna ni ah an thangṭhat ve lai.

Lai (Hakha) Common Language Bible 2006

¹² Nan ziaza kha lawkihmi hmanh nih a ṭha an timi si seh law, atu ah cun miṭhalo tiah an in ti ko hna lai nain, nuncan ṭha in nan nun kha anmah hrimhrim nih an hmuh lai i Pathian cu mi vialte biaceih awk i a rat Ni ah cun an thangṭhat lai.

1 PETER 2:12 Խաչաձեւ Հղումներ

1 PETER 3:16

Chia le ṭha hngalhnâk thiang ngei u, cuticun ṭhatlonâk tuahtu bangin puh an in timh mi hna cu, Krih i â dawhmi nun in nan umnâk nih an ning a zahter hna lai.

MATTHAI 5:16

Cubangin nan ceunâk cu mi hmaiah ceu seh law nan tuahmi ṭhatnâk kha an hmuh lai i van i a ummi nan Pa kha an thangṭhat lai.

2 KORIN 8:21

Bawipa hmuhnâk lawng si loin, minung hmuhnâk zongah â dawh le dawh lo kha kan zoh tawn.

1THESALON 4:12

cuticun lenglei mi hmuhnâk ah ningcang tein nan um lai i baumi zeihmanh nan ngei lai lo.

1TIMOTE 4:12

Mino nasi ruangah ahohmanh nih in zomhtaih hna hlah seh, bia in siseh, nuncan in siseh, dawtnâk ah siseh, thlarau ah siseh, zumhnâk ah siseh, thiannâk ah siseh zumtu hna zohchunh awktlâk in nun i zuam.

JEIM 3:13

Nanlakah ahodah a fim i a theithiam khomi a um? Â dawhmi nun in an tuahsernâk kha toidornâk in fimnâk i tuahmi a si kha langhter hna seh.

FILIPI 1:27

Zeiasihmanhah, nan nunning le Krih thawngṭha cu i rem ko seh, cuticun nan sin i ka rat i kan hmuh hna ah siseh, nan sin i ka um lo ah siseh, thlarau pakhat i nan umnâk kong le ruahnâk pakhat i thawngṭha bia ah ṭhahnem nan ngaihning kha kan theih khawh lai,

2 KORIN 1:12

Kan hmaihngalnâk cu hihi a si. Vawlei ah hin tluangtlam te le zumhtlâk in, minung fimnâk telhchih loin, Pathian zângfahnâk thawngin khua kan sa, nan sinah ṭha chinchin in kan um, ti hi kan chiaṭha hngalhnâk zong nih a pompi.

2 PETER 3:11

Cucaah thil vialte a loh dih lai caah, zeibantuk i thiang le Pathian ṭihzah i a um ding dah nan si?

ROM 13:13

Chun i um bangin dawh tein um u sih. Zuri le hnahnok i um loin, hor le pumsa duhnâk tuah loin, buaibai le i hnahchuah loin.

ROM 12:17

Sual kha sual in lehrul hlah u, mi vialte hmuhnâk i ṭhatnâk kha tuah u.

HEBRU 13:18

Kan caah thlacam u; a lamkip in hmaizahmi si hi kan i tim. Chiaṭha hngalhnâk ṭha in kan tuah tiah kan hngalh.

1TIMOTE 2:2

hnangam le dai te le Pathian upat le ṭihzah in khua kan sak khawh nâkhnga, bawi le nawlngeitu vialte caah thla cam u.

FILIPI 4:8

A donghnâk ah unau hna, a dikmi, hmaizah awk a tlâkmi, a thiangmi, duh a nungmi, a thangṭhami, ṭhatnâk a um i thangṭhat awktlâk a si ahcun, cucu ruat hna u.

EFESA 4:22

hlan lio nan nunning i minung hlun ziaza, hlen a duhmi kha i phoih u law,

SALM 50:23

Mizei pauh lomhnâk biachim raithawinâk a tuahtu nih anka thangṭhat, dik ngai in an nunning a hmangtu sinah Pathian khamhnâk ka hmuh sak lai.”

HEBRU 13:5

Nan nunning cu hakkauhnâk tello nun siseh, nan ngeihmi ah lungtling u. Zeitintiah Amah hrimhrim nih, “Zeitikhmanhah kan kaltâk hna lai lo i kan zohsawh hna lai lo,” tiah a ti.

ROM 15:9

cucu a vel thawngin Gentel mi hna nih Pathian an thangṭhat khawh nâkhnga caah a si. “Hi ruangah hin Gentel hna sinah na min ka thangṭhat lai i na min in hla ka sa lai” tiah ṭial a si.

LUKA 19:44

Na chung i a ummi, na fa hna le nangmah he an in hlawnh hna lai, na chung i lungrual vialte an chimh dih lai. An in ngiatmi nâ hngalh lo caah cubantuk cân cu na cungah a tlung lai.

MATTHAI 10:25

Zultu nih zulhmi a lawh cu ai za ko, sinum nih a bawi a lawh zong ai za ve ko. Inn ngeitu pa hmanh Beelzebul an ti ahcun, a chung le hna cu an ti chinchin hna lai.

MATTHAI 5:11

Keimah ruang i lih le thilṭha lo phunkip an in puh hna i serhsat le sikvelh nan tuar tikah mithluachuak nan si te lai.

1 PETER 4:11

Jesuh Krih thawngin Pathian cu zeizong vialte ah thangṭhat i a um khawh nâkhnga, mi zei pauh nih phung a chim ahcun Pathian chimning tein chim seh, mizei pauh nih rian a ṭuan ahcun Pathian nih ti khawhnâk a pêk ning tein ṭuan seh, sunparnâk le biaceihnâk cu zungzal in zungzal tiang Amah ta a si. Amen.

SALM 37:14

Misuaksual nih vainam an zuh i an likuk kha mi sifak le chambaumi hna tlukter ding le dik ngaiin a nungmi hna thahnâk ah an i kuaih cia.

EFESA 2:3

kannih zong hlanah cun kan thisa duhnâk zulin anmah bantukin kan rak um ve, thisa ruahnâk le duhnâk zulh in kan rak nung i midang bantukin kan kokek in thinhunnâk fa kan rak si.

2 KORIN 13:7

Cubangin sualnâk zeihmanh nan tuah lonâk dingah Pathian sinah thla ka cam tawn, cohlanawktlâk khun i i langhter kan timhruangah a si lo, a tling lomi bangin ka langh hmanh ah, nannih nih cun dawh tein thil nan tuah kha ka duh.

1 KORIN 14:25

Cun a lungchung i biathli hna cu langhter dih a si lai, cuticun bawhbu in Pathian a biak lai i nan lakah Pathian a um tak tak tiah a ti khawh lai.

LAMKALTU 24:13

Asiloah atu i sual phawt anka timhnâk zong hi a dik le dik lo an fianter kho lai lo.

LAMKALTU 15:14

Simon nih Pathian nih Gentel mi a veh hramthawknâk le Amah min putu dingah an lak i mi a lâknâk kong a chim.

LUKA 6:22

Mi Fapa ruangah mi huat nan ton i an in hlawnh thlet hna i sik nan ton i minchiatnâk nan ton tikah, mithluachuak nan si lai,

LUKA 1:68

Bawipa Israel Pathian cu thangṭhat in um ko seh, zeitintiah a mile a veh i a tlanh hna.

MATTHAI 9:8

Mizapi nih an hmuh tikah, an khuaruah a har i minung sinah cubantuk thiltikhawhnâk a petu Pathian kha an thangṭhat.

LAMKALTU 25:7

Anih cu a rak phâk tikah Jerusalem in a rami Judah mi hna cu a pawngah an dir i Paul cungah sual puhnâk a phunphun an chuan nain a dik hrimhrim tiah fiantermi pakhat hmanh an ngei lo.

JOHAN 13:31

A chuah hnu ah Jesuh nih, “Atu ah Mi Fapa hi thangṭhat in a um, Amah ah hin Pathian zong thangṭhat in a um.

LAMKALTU 28:22

Asinain hi bu hna hi ramkip ah thangchiat an si. Na ruahnâk nangmah hmurkâ hrim hrim i theih cu kan duh ngaingai,” tiah an ti.

ROM 14:18

Cubantukin Krih riantuantu hna cu Pathian lomhmi le minung zong nih an cohlanmi an si.

1TIMOTE 5:10

ṭhatnâk tuahnâk kongah thangṭhatmi, fale zong tlamtling in a rak bawmtu le, thilṭha kip ṭhahnem ngai i tuahtu a si ahcun nuhmei ah ṭial khawh a si.

1 PETER 2:15

Zeitintiah thilṭha nan tuahmi nih hngalh lo ruang i mihrut bangin a ummi hna dai tein a umter hna kha Pathian duhmi a si,