1 PETER 1:15 - Laibaibal Thiang (BSI)

¹⁵ an kotu hna a thian bantukin nannih zong nan cawlcanghnâk vialte ah thiang tein um u.

Lai (Hakha) Common Language Bible 2006

¹⁵ Nannih an kotu hna Pathian cu a thian bantukin nannih zong thiang ve u.

1 PETER 1:15 Խաչաձեւ Հղումներ

MATTHAI 5:48

Cucaah van i nan Pa a tlin bantukin nannih zong nan tlin ve awk a si.

2 KORIN 7:1

Cucaah ka dawtmi hna, cubantuk biakam cu kan ngeih caah taksa le thlarau thûrtertu vialte chungin i thianter usih law, Pathian ṭih bu tein thianhlimnâk hi tlinter u sih.

HEBRU 12:14

Mi vialte he i remnâk le thiannâk kha dawi u, cu thiannâk loin ahohmanh nih Bawipa an hmu lai lo.

JEIM 3:13

Nanlakah ahodah a fim i a theithiam khomi a um? Â dawhmi nun in an tuahsernâk kha toidornâk in fimnâk i tuahmi a si kha langhter hna seh.

1JOHAN 3:3

Amah cungah cubantuk ruahchannâk a ngeimi pauh nih, Amah a thian bangin â thianter tawn.

1 PETER 2:12

Gentel mi hna sinah upat awktlâk in nung u, cuticun minih thil ṭha lo tuahtu bangin nan thang an chiat zongah, thil ṭha nan tuahmi an hmuhnâk thawngin Pathian nih a veh hna ni ah an thangṭhat ve lai.

FILIPI 1:27

Zeiasihmanhah, nan nunning le Krih thawngṭha cu i rem ko seh, cuticun nan sin i ka rat i kan hmuh hna ah siseh, nan sin i ka um lo ah siseh, thlarau pakhat i nan umnâk kong le ruahnâk pakhat i thawngṭha bia ah ṭhahnem nan ngaihning kha kan theih khawh lai,

1 PETER 2:9

Asinain nannih cu thimmi miphun, siangpahrang tlângbawi, miphun thiang, a hleiin Amah mi nan si; cucu a mak ngaimi a ceunâk i lut dingah muihnâk chungin an kotu hna Amah cu nan phuan khawh nâkhnga;

HEBRU 13:5

Nan nunning cu hakkauhnâk tello nun siseh, nan ngeihmi ah lungtling u. Zeitintiah Amah hrimhrim nih, “Zeitikhmanhah kan kaltâk hna lai lo i kan zohsawh hna lai lo,” tiah a ti.

TITAS 3:14

Cun kanmi le hna zong theipar chauh loin an um nâkhnga lo an herhnâk zawn i hman awk an ngeih khawh nâkhnga rianṭha ṭuan pengin um hna seh.

BIAPHUAN 3:7

“Cun Filadelfia kawhhran vancungmi sinah hitihin ṭial, Mithiang, Mi taktak, David tawh ngeitu, ahohmanh khar lo dingin a hung i ahohmanh hun lo dingin a khartu nih khan hi bia hi a chim.”

2TIMOTE 1:9

Amah nih kan tuahsernâk bang si loin Amah ruahning le zângfahnâk in a kan khamh i kawhnâk thiangin a kan kawh, cucu vawlei ser hlanin Krih Jesuh ah a kan pêk,

1TIMOTE 4:12

Mino nasi ruangah ahohmanh nih in zomhtaih hna hlah seh, bia in siseh, nuncan in siseh, dawtnâk ah siseh, thlarau ah siseh, zumhnâk ah siseh, thiannâk ah siseh zumtu hna zohchunh awktlâk in nun i zuam.

FILIPI 3:20

Zeitintiah kannih cu vancung rammi kan si, van in a ra dingmi, khamhtu Jesuh Krih cu hngahhlang ngaiin kan cuan ko.

FILIPI 3:14

Krih Jesuh ah Pathian nih cung leiin a ka kawh chan ṭuanman hmu dingin kawltung lei cu ka panh.

BIAPHUAN 6:10

Annih nih awthang ngai in “Maw, Bawipa a thiangmi le a dikmi vawlei mi hna cungah kan thisen an chuahtermi phu hlam loin zeicandah na um lai?” tiah an ti.

1 PETER 5:10

Zângfahnâk vialte Pathian, zungzal a sunparnâk co dingin an kotu hna Krih Jesuh nih, cân tawite nan tuar hnu ah, tlam tlinter le fehter in, ṭhawnter le fek tein in dirter ko hna seh.

1 PETER 3:16

Chia le ṭha hngalhnâk thiang ngei u, cuticun ṭhatlonâk tuahtu bangin puh an in timh mi hna cu, Krih i â dawhmi nun in nan umnâk nih an ning a zahter hna lai.

TITAS 3:8

Hihi zumhawk a tlâkmi bia, nangmah zongnih na fehter lengmang awkah ka duh, Pathian a zum cangmi hna nih thilṭha tuah peng dingin ṭha tein ruat hna seh. Hi thil hna hi minung caah a ṭha i san a tlai.

1THESALON 2:12

cucu a pennâk le sunparnâk chungah an kotu hna Pathian mi si awktlâk in nan nun khawh nâkhnga caah a si.

BIAPHUAN 4:8

Thilnung pali hna nih thla paruk cio an ngei i mit lawngte in a chunglei he a lenglei he a khat. Cun chun le zan din loin, “Zeizongtuahkho Bawipa Pathian, a um cangmi le a um liomi le a um laimi cu, a thiang, a thiang, a thiang,” tiah an ti.

ROM 9:24

kannih zong hi a kawhmi kan si, Judah mi lawng si loin Gentel mi zong an si ve lo maw?