1 KORIN 8:7 - Laibaibal Thiang (BSI)

⁷ Asinain cubantuk hngalhnak cu mi vialte ah a um lo. micheukhat nih milem an hngalh ruangah milem biaknâk sa kha an ei peng i an chia ṭha hngalhnâk cu a ṭhawn lo caah thurter an si tawn.

Lai (Hakha) Common Language Bible 2006

⁷ Sihmanhsehlaw mi kip nih hi biatak hi hngalh a si lo. Mi a cheu cu siasal he an rak i ciahnak kha a sau tuk cang caah nihin ni tiang hrimhrim hin bawlnak sa an ei tikah cu sa cu siasal ta a si tiin an ruah; an chiaṭha thleidannak kha a der i sa nih cun a kan thurter tiin an ruah.

1 KORIN 8:7 Խաչաձեւ Հղումներ

ROM 14:14

Zeithil pauh hi amah te long ahcun thianglo a um lo tiah Bawipa Jesuh ah fiang tein ka hngalh, asinain thianglo i a ruattu caah a thiang lo a si ko.

LAMKALTU 15:20

Milem biaknâk sa ei le, nupa sualnâk tuah le hngawngdih sa ei le sathi ei kha i sûm hna seh, tiah an sinah ca ṭial u sih, tiah ka ruah bik ko,” tiah a ti.

ROM 15:14

Atu ah ka u le ka nau hna, hngalhnâk vial tein khahter nan si i ṭhatnâk zongin nan khat, pakhat le pakhat â chimhring kho in nan um ca ah, nan kongah keimah zong hnangam tein ka um.

1 KORIN 8:1

Milem biaknâk i pêkchanhmi kongah; kan dihlak in hngalhnâk kan ngei cio tiah kan hngalh. Hngalhnâk nih lung a puamter, asinain dawtnâk nih mi a ṭhatter.

1 KORIN 8:4

Cucaah milem biaknâk sa ei kongah, vawlei ah hin milem vialte cu zeihmanh lo a sinâk le Pathian dah tilo cu a dang a um lo ning kan hngalh.

1 KORIN 10:25

Chawdawr i an zuarmi sa pauh cu chiaṭha hngalhnâk i dot-hlat theng lo in ei ko u,

1THESALON 5:14

Cubangin ule nau hna ningcang loin khua a sami hna cu chimhring hna u, zakzummi kha an hna ngamter u law, thazâng dermi tungmer hna u, mi vialte lakah lungsau in um zungzal dingin kan forh hna.