1 KORIN 8:6 - Laibaibal Thiang (BSI)

⁶ asinain kan caah Pathian pakhat lawnglawng Pa cu a um, Amah sin in zeizong vialte hi a chuak i kan nih zong Amah caah a ummi kan si, cun Bawipa pakhat Jesuh Krih lawnglawng a um, Amah thawngin zeizong vialte a um i Amah thawgin a nungmi kan si.

Lai (Hakha) Common Language Bible 2006

⁶ sihmanhsehlaw kannih caah cun Pathian cu pakhat lawnglawng a um i amah cu kan Pa, zeizong vialte Sertu kha a si i kannih hi amah ca i a nungmi kan si; cun Bawipa cu pakhat lawnglawng a um i cucu Jesuh Khrih kha a si i amah thawng cun zeizong vialte kha ser an si i amah thawng cun kannih zong hi kan nung.

1 KORIN 8:6 Խաչաձեւ Հղումներ

ROM 11:36

Amah sin le Amah thawng le Amah caah thil vialte hi an um i Amah sinah sunparnâk cu zungzal in um ko seh. Amen.

JOHAN 1:3

Zeizong vialte hi Amah in ser a si, sermi vialte hi Amah lo in sermi zeihmanh a um lo.

1 KORIN 8:4

Cucaah milem biaknâk sa ei kongah, vawlei ah hin milem vialte cu zeihmanh lo a sinâk le Pathian dah tilo cu a dang a um lo ning kan hngalh.

LAMKALTU 17:28

Zeitintiah Amah ah, kan nung, kan cawl, kan câng i khua kan sa, nan hlaphuah thiam hna zong nih, “Kannih zong a tefa kan si ve,” an rak ti bang khan.

JOHAN 14:20

Cuniah cun kei Pa i ka um le, nannih keimah i nan um le, kei nanmah i ka um kha nan hngalh lai.

1 KORIN 12:3

Cucaah hihi kan theihter hna Pathian Thlarau in bia an chim tikah Jesuh cu chiatserhmi an ti bal lo, cun Thiang Thlarau dah tilo cun ahohmanh nih Jesuh cu Bawi a si an ti kho lo.

LAMKALTU 2:36

Cucaah Jesuh nan khenhchihmi kha Pathian nih Bawi le Krih ah a canter ti hi Israel miphun vialte nih hngal ko seh,” tiah a ti.

JOHAN 20:17

Jesuh nih, “Ka tlai peng hlah, atu tiangin Pa sinah ka kai rih lo; ka u nau hna sinah va kal law, an sinah, “Ka pa, nan Pa, ka Pathian, nan Pathian sinah ka kai lai, a ti tiah, va ti,” tiah a ti.

JOHAN 13:13

Nannih nih Cawnpiaktu le Bawipa nan ka ti, a ṭha ko, zeitintiah ka si taktak ko.

MATTHAI 28:18

Cun Jesuh cu an sinah rain bia a chimh hna, “Lei le van i nawlngeihnâk vialte ka sinah pêk a si cang.

MATTHAI 11:27

Ka Pa nih thil vialte ka kut ah a chiah cang, Pa dah ti lo cun ahohmanh nih Fa hi an hngal lo. Pa zong cu Fa le an sin i Fa nih a hngalhter duhmi dah ti lo cun ahohmanh nih an hngal kho lo.

JOHAN 17:3

Hihi zungzal nunnâk a si, nang Pathian taktak hngalh le, na thlahmi Jesuh Krih hngalh hi.

JOHAN 10:30

Kei le ka Pa cu pumkhat kan si.

BIAPHUAN 1:18

Keimah cu a nungmi ka si, ka rak thi cang, cun zohhmanh zungzal ca in ka nung cang. Amen. Thihnâk le Mithikhua tawh kha ka ngeih hna.

EFESA 3:14

Hi ruangah hin kan Bawipa Jesuh Krih i a Pa hmaiah khuk bilin ka kun tawn,

1 KORIN 1:2

Korin khua i Pathian kawhhran, Krih Jesuh ah thleidanmi, mithiang si ding i kawhmi hna sinah le ramkip i kan Bawipa Jesuh Krih min kotu vialte sinah le, annih le kan nih sin zongah:

LAMKALTU 5:31

Amah kha Pathian nih Bawi le Khamhtu si dingin a orhlei kutah a thangṭhat, cucu Israel mi caah ngaihchihnâk le sual ngaihthiamnâk caah a si.

KOLOSE 1:6

cucu vawlei vialte ah a phân i theitlai a chuah bantukin nan sin zongah a rak phân, Pathian zângfahnâk biatak nan ngaih i nan hngalh hnuah nanmah lak zongah theitlai a chuah cuahmah lio a si;

EFESA 1:3

Thlarau lei thluachuahnâk phunkip Krih in vancung ramah thlua a kan chuahtu Kan Bawipa Jesuh Krih i a Pa le a Pathian cu thangṭhat in um ko seh;

1 KORIN 6:13

Eiding cu paw caah a si, paw zong eiding caah a si, asinain Pathian nih a hrawh ve ve lai. Taksa hi nupa sual tuahnâk caah a si lo i Bawipa caah a si. Bawipa zong cu taksa caah a si.

1 PETER 1:21

Thihnâk in a thawh tertu le sunparnâk petu Pathian cu nan zumh i nan zumhnâk le ruahchannâk cu Pathian ah a um.

JOHAN 1:10

Amah cu vawlei ah a um cang i vawlei hi Amah in ser a si, vawlei nih Amah cu a hngallo.