1 KORIN 7:19 - Laibaibal Thiang (BSI)

¹⁹ Cuarpar tan hi zeihmanh a si lo i cuarpar tanlo zong hi zeihmanh a si hlei lo. A biapi bik cu Pathian nawlpêk zulh hi a si.

Lai (Hakha) Common Language Bible 2006

¹⁹ Zeicahtiah cuarpartan le tan lo cu zeihmanh an si lo. Biapi a simi cu Pathian nawl zulh kha a si.

1 KORIN 7:19 Խաչաձեւ Հղումներ

GALATI 6:15

Krih Jesuh ah cun cuarpartan hi zeihmanh san a tlai lo i cuarpartan lo zong zeihmanh san a tlai hlei lo. San a tlaimi cu sertharnâk hi a si.

GALATI 5:6

Zeitintiah Krih Jesuh ah cun cuarpartan hi zeihmanh a ṭhahnem lo, cuarpar tanlo zong zeihmanh a ṭhahnem hlei lo. Zumhnâk, dawtnâk i ṭuan lawng kha a ṭhahnemmi cu a si.

BIAPHUAN 22:14

Khualipi kutkâ ah an luh i nunnâk thing cungah nawl an ngeih khawh nâkhnga a nawlpêk hna a tuahtu cu mithluachuak an si.

KOLOSE 3:11

Cukaah cun Grik mi le Judah mi, cuarpartan le tanlo, miphun niam, Skuthia mi, sal le miluat zong um khawh a si lo, Krih cu zeizong ah zeizong a si.

GALATI 3:28

Cuka ah Judah siseh, Grik siseh um khawh a si lo. Cuka ah sal siseh, miluat siseh um khawh a si lo, pa le nu zong an um kho hlei lo. Krih Jesuh ah nan dik lakin pumkhat nan si.

1 KORIN 8:8

Asinain eiding nih hin Pathian lung a kan tonter lai lo, kan ei lo tikah kan ṭhadeuh hlei lai lo, kan ei zongah kan ṭha deuh hlei lai lo.

ROM 3:30

Pathian pakhat lawnglawng a um i zumhnâk thawngin cuarpar tanmi hna le, zumhnâk in cuarpartan lomi hna thiamcotertu a si.

JOHAN 15:14

Nawl kan pêkmi kha nan tuah ahcun ka hawi le nan si lai.

MATTHAI 5:19

Cucaah hi Nawlpêkmi lak i a hmebik hmanh a buar i midang zong a buartertu pauh cu vanbawi pennâk ah mi hme bik an ti lai; asinain mizei pauh zulin, midang a cawnpiaktu cu vanbawi pennâk ah mingan an ti lai.