1 KORIN 6:8 - Laibaibal Thiang (BSI)

⁸ Cucu chim rih loin, nanmah tu kha palhnâk tuahtu le hlengtu siin hibantuk thil hna hi nan unau hna sinah nan tuah!

Lai (Hakha) Common Language Bible 2006

⁸ Cu ti si loin nannih cu, u le nau a si hrimhrim komi kha, pakhat le pakhat nan i tawng i pakhat le pakhat thil nan i chut.

1 KORIN 6:8 Խաչաձեւ Հղումներ

1THESALON 4:6

hi kongah ahohmanh nih a unau cungah hibantuk sualnâk hi tuah hlah seh, Bawipa cu cubantuk sualnâk a tuahtu hna cungah lehrultu a si caah, kannih zong nih a hlan kanin ralrinnâk pein kan in hngalhter hna.

KOLOSE 3:25

Asinain ṭhatlonâk tuahtu nih a tuahmi man cu a hmuh ko lai, zeitintiah thleidannâk zeihmanh a um lo.

JEIM 5:4

Asi, nan lo i facang ṭuan i â hlawhmi hna, nan hlen hna i nan lakpiakmi hna kha, an rak au, facang ṭuntu hna vansannâk aw thawng zong Ralkapbu Bawipa hnâ a phân cang.

MARKA 10:19

Nawlpêk kha na hngalh ko hna, ‘Ṭangdang kai hlah, lai nawng hlah, fir hlah, lih in sual kawl hlah, hleng hlah, nanu le napa upat hna’ timi hna hi,” tiah a ti.

MATTHAI 20:13

Anih nih an lak i mi pakhat sinah, ka kawi, na cungah diklonâk ka ngeih ṭung lo, ngamu hlawh dingin hnatlâknâk kan tuah a si lo mei?