1 KORIN 4:5 - Laibaibal Thiang (BSI)

⁵ Cucaah Bawipa a rat hlan i a cân a phâk hlanah hin zeihmanh hniksak hlah u. Amah nih khuamui i thuhmi hna kha khuaceu ah a langhter te lai. Lungchung i timhmi zong kha a langhter dih lai. Cucân ah kan co tawk cio thangṭhatnâk zong Pathian sinin kan hmuh cio lai.

Lai (Hakha) Common Language Bible 2006

⁵ Cu a si caah a caan a phak hlanah ahohmanh na sual, na thiam va ti hna hlah u. Donghnak biaceihnak cu Bawipa a rat tik lawnglawng ah a si te lai, zeicahtiah mi nih an lungthli tein an rak i tinhmi le a muihnak ah an thuhmi an biathliruk vialte kha amah nih cun a phuan dih hna lai i cu tikah cun mi vialte nih hmuh awk an i tlakmi thangṭhatnak kha Pathian sinin an hmuh cio te lai.

1 KORIN 4:5 Խաչաձեւ Հղումներ

JEIM 5:7

Cucaah unau hna, Bawipa a rat hlan lo, lungsau in um ko u. Zohhmanh u, longeitu nih, ruah ti a tla hmasa le a hmadung kha a hmuh hlantiang lungsau in vulei theipar kha a hngah tawn.

2 KORIN 5:10

Zeitintiah mikip nih taksa in a chia a ṭha an tuahmi vialte an hmuh ṭhân dih nâkhnga, Krih biaceihnâk ṭhutdanh hmai ah langhter kan si dih lai.

1 KORIN 3:13

mikip rianṭuan cu a fiang cang lai; zeitintiah cu Ni nih cun a fianter lai, zeicatiah mei in a langh lai caah, mei nih cun mikip rianṭuan cu zei a si kha a hniksak lai.

HEBRU 4:13

Sermi thil a mithmuh ah thuhmi zeihmanh a um lo, kan kong kan chimnâk ding Pa mithmuh ah zeizong vialte taklawng le oncia in a um dih.

2 KORIN 10:18

Zeitintiah mah le mah i thangṭhat cu conglomh an tong bal lo. Bawipa nih a thangṭhat ahcun conglomh a tong deuh lai.

ROM 2:16

thawngṭha ka chimmi ningin Pathian nih minung hna biathli cu Jesuh Krih in a ceih te lai.

ROM 2:1

Cucaah maw minung, midang biaceihtu na si zongah, sawnhtarhnâk na ngei lo, zeitintiah midang bia na ceihnâk ah nangmah le nangmah bia â ceihmi na si, zeitintiah nang midang biaceihtu nangmah zong nih cubantuk thil kha na tuah ve ko.

BIAPHUAN 20:12

Cubangin mithi a hme le a ngan Pathian hmaiah an dir kha ka hmuh, cauk kha kau an si. Cun cauk dang, Nunnâk Cauk kha kau a si. Cun mithi hna cu cauk chung i ṭialmi an rak tuahning cio in biaceih an si.

1 PETER 1:7

a taktak a simi nan zumhnâk cu, a rawk khomi sui mei in hniksak cangmi nâkin a sung lawi deuh, cucaah Jesuh Krih a rat tikah thangṭhat le upatnâk le sunparnâk he hmuh nan si khawh nâkhnga,

ROM 2:29

chunglei i Judah mi a simi cu Judah mi taktak a si; cun cuarpartan cu ca chung bia si loin, Thlarau in Lungthin ah a si, cuhna cu minung sinin thangṭhat an co lo nain Pathian sin tuin thangṭhat an co.

2 KORIN 4:2

Ningzah awktlak thuhmi thil hna kha kan hlawt hna, zernâk in kan nung lo, asiloah Pathian bia hi zatlâng hlennâk ah kan hmang fawn lo, Pathian hmai ah biatak cu phuangin mikip chiaṭha hngalhnâk le mit hmuh ah zoh a dawh maw ti hi kan conhmi a si.

ROM 14:4

Midang sin-um a sawitu cu ahodah na si? A dirah siseh, a tlukah siseh, amah uktu sinah a si. Asinain amah cu dirter a si ko lai, zeitintiah Pathian nih a dirter khawh ko.

JOHAN 5:44

Nannih mah le mah â conglawmmi hna. Pathian in a chuakmi conglomhnâk kawl loin zeitindah nan zumh khawh lai?

JEIM 4:11

Unau hna, pakhat le pakhat nan kong i ceihhlah u. A ho pauh nih a unau kong a ceih tikah siseh, a unau a sawi ah siseh, nawlbia a thangchiat i nawlbia a sawi a si. Nawlbia na sawi ah cun nawlbia zultu na si lo i a sawitu na si.

LUKA 6:37

“Sawi hlah, sawi na si ve lai lo.Thiamlo coter hlah, thiam lo coter na si ve lai lo. Ngaithiam, ngaihthiam na si ve lai.

MATTHAI 24:46

Apu a rat cân i cubantuk i a rak ummi sinum kha a si hrim hrim lai.

BIAPHUAN 1:7

Zohhmanh, khuadawm lakah ara lai, mit vialte nih an hmuh lai, Amah a chunhtu hrimhrim nih khan an hmuh lai. Cun lei i miphun vialte cu Amah ruangah an ṭap lai, cubantuk cu si ko seh. Amen.

1 PETER 5:4

cun tuukhal hna Bawibik kha a langh tikah sunparnâk luchin a ziamkho lomi nan hmuh lai.

1THESALON 5:2

Zeitintiah Bawipa ni cu zanah mifir bangin a rak phân lai tiah nanmah lila nih tling tein nan hngalh ko.

JOHAN 21:22

Jesuh nih, “Duh ning law, ka rat ṭhân hlan tiang a nung ko lai, cucu zeiahdah nâ hman lai? ka zul ko,” tiah a ti.

2 PETER 3:4

“A ratṭhannâk ding biakam cu khuazeiahdah a um kun? Serhramthawk le pupa hna an i hngilh ri thawk in, zeizong vialte amah ning a si ko rih hi ta,” an ti lai.

MATTHAI 25:23

Apu nih a sinah, zumh awktlâk sinum ṭha na si, tlawm te cung i zumhtlâk na si caah tampi cungah kan umter lai, napu lawmhnâk chungah lut tuah, tiah a ti.

JUDAS 1:14

Cubangin Enok Adam in pasarihnâk nih khan, cubantuk mi hna sinah a rak chimchung cang,

2 PETER 3:12

A phân hngami Pathian ni hi rianrang ngai le hngahhlang ngaiin cuan u, zeicatiah cu cân ah van khi mei nih a kangh lai i an lo lai, thil hram vialte hna zong a sa tukmi mei nih ti lak in a emh hna lai.

1 KORIN 15:23

Asinain mah le cân cio ah Krih cu theipar hmasa a si, a rat ṭhân tikah a thoṭhân dingmi cu Krih ta an si te lai.

1 KORIN 11:26

Zeitintiah cu changreu cu nan ei i hrai zong cu nan din fate, A rat ṭhân hlan tiang Bawipa thihnâk cu nan phuan a si.

1 KORIN 1:7

cuticun kan Bawipa Jesuh Krih â langhnâk kha hngak in, thilpêk lei ah chambau in nan um lo,

ROM 2:7

Ṭhatnâk a tuah lengmang i sunparnâk le upatnâk le thihkhawhlonâk kawltu sinah zungzal nunnâk a pêk lai,

MATTHAI 24:30

Cucân ah Mi Fapa hmelchunhnâk cu vanah a lang lai i vawlei miphun vialte cu ngaihchia in an hrûm an ai lai. Mi Fapa hi thiltikhawhnâk le a lianngami sunparnâk he vanah khuadawm lak i a rat kha an hmuh lai.

1 KORIN 3:8

A bunhtu le ti toihtu cu pumkhat an si, an ṭuanning cio in ṭuanman zong hmu ding an si.

MATTHAI 25:21

Apu nih, zumhawktlâk le sinum ṭha na si, na ti ṭha ngaingai, tlawmte cung i zumh awk na tlâk caah tampi cungah kan umter lai, napu lawmhnâk chungah lut tuah, tiah a ti.

MATTHAI 10:26

Cucaah annih cu ṭih hna hlah u; lang lo dingin chinhmi zeihmanh a um lo, hngalh lo dingin thuhmi zeihmanh a um lo.

JOHAN 21:23

Cuticun cu bia ruangah hi lamkaltu hi a thi lai lo tiah unau hna sinah a thang. Asinain Jesuh nih a thi lai lo timi a chim lo. “Duh ning law, ka rat ṭhân tiang zong in a nung ko hnga, cucu zeiahdah nâ hman lai?” tiah a timi tu a si.

1 KORIN 3:14

Mizei ṭuanmi zong a cung i sakmi kha a hmunh ahcun, cunih cun ṭuanman a hmuh lai.

1 KORIN 11:16

Hi kongah hin a el hnialtu an um a si ahcun; hi hlei in phung zeihmanh kan ngei lo. Pathian kawhhran zong nih an ngei hlei lo.

JEIM 5:9

Unau hna, zailen hlah u, thiamlo nan co sual lai. Ngaihmanh u, biaceihtu cu innkâ hramah a dir cang.

PHUNGTHLÛKBIA 12:8

Mi an fimning cio in thangṭhat an si, asinain lungthin ngawimi cu zomhtaih a si lai.

2 KORIN 10:9

Culoahcun, cakuat in nanmah ṭhih â timmi ka lo sual lai.