1 KORIN 4:11 - Laibaibal Thiang (BSI)

¹¹ Atu tiangin kan rawl a ṭam i kan ti a hâl, hnipuan kan ngei lo i tukvelh kan si, in le lo zong kan ngei lo.

Lai (Hakha) Common Language Bible 2006

¹¹ Nihin tiang hrimhrim hin rawlṭam le tihal in kan vak; hni le puan tlek fiamfuam in kan um; an kan tuk an kan velh; khua khat hnu khua khat kan vak lengmang;

1 KORIN 4:11 Խաչաձեւ Հղումներ

ROM 8:35

Krih dawtnâk chungin zeinihdah a ka ṭhen khawh lai? Harnâk nih maw, ngaihchiatnâk nih maw, serhsatnâk nih maw, pâmnâk nih maw, taklawng umnâk nih maw, ṭihnung nih maw, vainam nih maw a kan ṭhen hnga maw?

FILIPI 4:12

Niamte i um ka thiam i rum zong ka thiam. Khuazei pauh ah, zeizong vialte ah pawkhim le rawlṭâm i um le rum le chamhbau i umning biathli cu ka hngalh cang.

2TIMOTE 3:11

serhsatnâk le harnâk inter ka sinâk kha na hngalh ko, Antiok le Ikonion le Lustra ah khan zeibantuk serhsatnâk dah ka ton kha na philh lo. Cu vialte chungin Bawipa nih a ka khamh.

MATTHAI 8:20

Jesuh nih, “Cinghngia nih kua an ngei, vate nih bu an ngei, Mi Fapa nih luchiahnâk hmanh a ngei lo,” tiah a ti.

2 KORIN 4:8

Kapkip in dihchih kan si nain, kan kuai lo, a ruah awk kan hngal lo nain kan lung a dong lo.

1 KORIN 9:4

Ei le ding dingin nawl kan ngei lo maw?

LAMKALTU 23:2

Tlângbawi nganbik Ananias nih Paul pawng i a dirmi hna sinah, a kâ benghpiak dingin nawl a pêk.

LAMKALTU 16:23

Bechia ngai i an tuk hnuah thongah an thlak hna i thongin bawi kha ṭha te i vengding in nawl an pêk.

LAMKALTU 14:19

Cuticun Antiok khua le Ikonion khua Judah mi mizeimaw an ra i mizapi kha anmah leiah an ṭanter khawh hna, Paul cu lung in an cheh, khuachung in an chuah i a thi cang tiah an ruah.

2 KORIN 11:20

Zeitintiah minih salah in chia hna sehlaw, in ei dih hna seh, inhleng hna seh, amah le amah i hlawrhseh, nan hmai ah in beng hna seh, nan in ko rih hna lai.