1 KORIN 3:6 - Laibaibal Thiang (BSI)

⁶ Kei nih ka bunh, Apollo nih ti a toih i Pathian nih a ṭhanter.

Lai (Hakha) Common Language Bible 2006

⁶ Kei nih a ci ka tuh, Apollo nih a kung kha ti a toih, sihmanhsehlaw a ṭhantertu cu Pathian a si.

1 KORIN 3:6 Խաչաձեւ Հղումներ

PHUNGTHLÛKBIA 11:25

Nun a siangmi hna nun cu rumter a si lai, ti a toihtu nih amah zong â toih ve.

1 KORIN 1:30

Nannih tu cu Amah thawngin Krih Jesuh ah nan um, Amah cu Pathian sinin kan ca fimnâk, dinnâk, thiannâk le tlanhnâk a si,

1 KORIN 9:1

Lamkaltu ka si lo maw? Miluat ka si lo maw? Kan Bawipa Jesuh zong ka hmu cang lo maw? Nannih hna hi Bawipa rian ka ṭuanmi theitlai nan si lo maw?

LAMKALTU 19:1

Korin khua i Apollo a câm chungah Paul nih a sannâk ram hna ṭol in, Efesa a rak phân. Zultu cheukhat a hmuh hna i

LAMKALTU 11:18

Cu bia cu an theih tikah an dai i, “Cutiasiahcun Pathian nih Gentel mi zong nung dingin ngaihchih a sian ve hna a si cu,” tiah Pathian an thangṭhat.

1THESALON 1:5

Zeitintiah kan thawngṭha hi bia lawngin nan sinah a phân lo i ṭhawnnâk le Thiang thlarau he, hngalhfiannâk tampi he a phânmi a si, nanmah zawn ruahah nan sin kan um lio ah zeibantuk minung ah dah kan i can ti kha nan hngalh bangin.

ROM 15:18

Zeitintiah Gentel mi hna zumhter dingin Krih nih keimah ah a lîmcangmi dah ti lo cu bia in siseh tuahsernâk in siseh ka phuang ngam lo,

LAMKALTU 21:19

Paul nih an kut a tlaih dih in a rianòuannâk i Pathian nih Gentel mi hna cungah a tuahmi kha a dih umnâk in a chim.

LAMKALTU 18:24

Cubangin Judah mi pakhat, a min Apollo, Aleksandria khawchuak, ṭhahnem a ngai tak takmi, biachim a thiam i Cathiang zong a hngal tak takmi kha Efesa a phân.

LAMKALTU 16:14

Cuticun nu pakhat, a min Lidia nih kan bia a ngai. Amah cu maimaw puansen zuartu, Thiatira khua mi, Pathian a biami a si. Paul nih a chimmi bia ṭha te i ngai dingin Bawipa nih a lungthin a onpiak.

SALM 127:1

BAWIPA nih inn a sak lo ahcun, a satu hna thabâtnâk cu pakpalawng a si. BAWIPA nih khualipi a kilven lo ahcun a kilvengtu hna mitkuh hrio cu pakpalawng a si.

SALM 62:11

Pathian nih voikhat a chim i hihi voihnih ka theih; cucu ṭhawnnâk hi Pathian ta a si.

SALM 62:9

Dirhmun a niammi cu minmei bantuk an si taktak i dirhmun sâng hna zong lih an si; cuai ah thlai siseh law minmei nâk in an zâng deuh lai.

LAMKALTU 14:27

An phâk hnu ah kawhhran kha an kawh hna i Pathian nih anmah hmangin a tuahmi vialte le Gentel mi hna caah zumhnâk lam Bawipa nih a onpiaknâk kong kha an chim hna.

1 KORIN 1:12

Hihi ka chim lai, nan i thawh i kei cu Paul bu ka si, kei cu Apollo bu ka si, kei cu Peter bu ka si, kei cu Krih bu ka si, nan ti ciomi hi.

1 KORIN 3:7

A ṭhan tertu Pathian dah ti lo cu, a bunhtu cu zeihmanh a si lo i ti a toihtu zong zeihmanh a si hlei lo.

1 KORIN 3:22

Paul maw, Apollo maw, Peter maw, vawlei maw, nunnâk maw, thihnâk maw, thil um lio mi maw, thil um lai ding maw, a dih lakin nan ta an si.

EFESA 3:17

cun zumhnâk thawngin Krih cu nan lungthin ah khua a sak khawhnâk hnga le dawtnâk ah hram nan bunh i hngatchan miah nan i ngeih khawh nâkhnga,