1 KORIN 2:9 - Laibaibal Thiang (BSI)

⁹ “Mit in hmuh bal lomi, hna zongin theih bal lomi, Pathian nih Amah dawtu hna ca i a timhlamh mi kha,” tiah ṭialmi bangin.

Lai (Hakha) Common Language Bible 2006

⁹ Sihmanhsehlaw Cathiang nih, “Ahohmanh nih an hmuh bal lomi le an theih bal lomi, A si kho lai, tiah ahohmanh nih a ruah in an ruah bal lomi, Kha thengte kha Pathian nih amah a dawtu hna ca i a timhmi cu a si,” a ti bang khan a si taktak.

1 KORIN 2:9 Խաչաձեւ Հղումներ

SALM 31:19

Maw na ṭhatnâk hi zeitlukindah a lianngan, nangmah ṭihtu hna ca i na pumhmi cu, minung fale hna mithmuh i nangmah bochantu hna ca i na timhlamhmi hna kha.

JEIM 1:12

Tukforhnâk lungsau in a tuartu cu mi vanṭha a si, zeitintiah hngalhpiak a si tikah nunnâk luchin, Bawipa nih Amah dawtu hna ca i a timhpiakmi kha a co lai.

ROM 8:28

Cun Pathian a dawtu amah nih a duhning i a kawhmi hna caah zeizong vialte hi a ṭha leiah a tuahpiak hna, ti kha kan hngalh.

JEIM 2:5

Ka dawtmi unau hna, zohhmanh u, Pathian nih hi vawlei thil i misifak hna hi zumhnâk ah rumding le Amah dawtu hna sinah a kamhmi pennâk kha co cawk ah a thimmi an si lo maw?

HEBRU 11:16

Asinain an duhmi cu ram ṭha deuhmi a si i cucu vanram a si. Cucaah Pathian nih an Pathian si a ning a zak lo i an caah khualipi a rak timhtuah piak hna.

MATTHAI 25:34

“Cuticun Siangpahrang nih a orh leimi hna sinah, ‘Ka Pa, thluachuahmi hna, ra u law, vawlei ser lio i nan ca i timhmi pennâk cu co u:

1JOHAN 4:19

Akan dawt hmasat caah kan dawt ve.

JOHAN 3:16

Zeitintiah Pathian nih vawlei hi a dawt tuk hringhran i a Fapa ngeihchun kha a pêk, Amah a zummi pauh cu lotlau loin zungzal nunnâk an ngei lai.

1 PETER 1:12

Cuhna nih anmah ca si loin, kanmah ca tu ah rian an rak ṭuan, Van in thlahmi Thiang Thlarau thawngin nan sinah thawngṭha a chimtu hna nih khan cucu an in chimh hna. Cucu vanmi hna hmanh nih hmuh an duhmi cu a si.

MATTHAI 20:23

Cuticun an sinah, “Ka hrai cu nan din ko lai, ka in hngami baptisma zong nan in ve ko lai, asinain ka orh le keh i ṭhutnâk nawl cu Keimah pek awk a si lo, ka Pa nih a timhhlamh piakmi hna caah a si,” tiah a ti.