1 KORIN 2:6 - Laibaibal Thiang (BSI)

⁶ Asinain puitling hna sinah fimnâk bia zong kan chim tawn, asinain hi vawlei fimnâk bia hi a si lo, zeihmanh lo i a cang hngami, hi vawlei biaceihtu hna fimnâk bia zong a si lo.

Lai (Hakha) Common Language Bible 2006

⁶ Asinain nutling patling a si cangmi hna sinah cun fimnak bia kha ka chim ko. Sihmanhsehlaw cu ka chimmi fimnak bia cu, hi a liam lio lengmangmi chan fimnak hi a si lo, hi a liam lio lengmangmi chan a uktu hna ṭhawnnak fimnak zong a si lo;

1 KORIN 2:6 Խաչաձեւ Հղումներ

HEBRU 5:14

Asinain rawlhâk cu puitling mi hna caah a si i an rak hman tawn cang bantukin a chia le a ṭha thleidang kho dingin an hngalhkhawhnâk kha hmang kho dingin cawlcanghter an si cang.

JEIM 3:15

Cubantuk fimnâk cu cung leiin a rami a si lo, vawlei thil, thisa le khuachia in a rami a si.

2 KORIN 4:4

Krih, Pathian muisam, a liannganmi thawngṭha ceunâk nih a ceuh khawh hna nâkhnga lo hi vawlei pathian nih zumlotu ruahnâk kha a cawtter.

1 PETER 5:10

Zângfahnâk vialte Pathian, zungzal a sunparnâk co dingin an kotu hna Krih Jesuh nih, cân tawite nan tuar hnu ah, tlam tlinter le fehter in, ṭhawnter le fek tein in dirter ko hna seh.

1 KORIN 2:8

cucu hi vawlei biaceihtu hna nih an rak hngal lo; rak hngal hna sehlaw, sunparnâk Bawi kha an khenhchih hnga lo.

1 KORIN 1:28

cun vawlei thil i santlai lo le zeihmanh lo hna le thil um lomi tiangin Pathian nih a thim i a um ciami thil hna zeihmanh lo i canter a duh caah a si,

KOLOSE 4:12

Epafaras nanmah chungmi, Krih Jesuh ah ṭemmi sal nih nan kut an tlaih hna. Pathian duhning in lamkip i nan um i tlam nan tlin khawh nâkhnga, fak piin nan caah thla camtu a si.

EFESA 2:2

hlanah hi vawlei phung ningin khua nan rak sa, vanrâng i ṭhawnnâk bawi, atu i nawlngai lomi hna chungah rian a ṭuntu thlarau duh ningin,

MATTHAI 5:48

Cucaah van i nan Pa a tlin bantukin nannih zong nan tlin ve awk a si.

2 KORIN 1:12

Kan hmaihngalnâk cu hihi a si. Vawlei ah hin tluangtlam te le zumhtlâk in, minung fimnâk telhchih loin, Pathian zângfahnâk thawngin khua kan sa, nan sinah ṭha chinchin in kan um, ti hi kan chiaṭha hngalhnâk zong nih a pompi.

SALM 33:10

BAWIPA nih miphun hna remruatnâk cu zeihmanhlo ah a canter i mikip remruatmi zong sullam ngei lo ah a canter.

JEIM 3:2

Zeitintiah kan dihlak in thil tampi ah sualnâk kan tuah tawn. Bia chim lei i a palh lomi cu mi tlamtling a si i a pum â uk khomi a si.

2 KORIN 13:11

A donghnâk ah ule nau hna, dam tein. Tlamtling tein um u. Hnangam tein um u, ruahnâk pakhat ngei ulaw, daihnâk he nung u, cun dawtnâk le daihnâk Pathian nih an umpi hna lai.

1 KORIN 14:20

Ule nau hna, hngalhnâk ah ngakchia si hlah u, asinain sualnâk lei tu ah bawh te si ulaw hngalhnâk ah upa si u.

1 KORIN 2:13

Cuthil hna cu minung cawnpiak mi fimnâk si loin, Thiang Thlarau cawnpiakning tuin, thlarau kong cu thlarau in kan chim tawn.

1 KORIN 2:1

Ule nau hna, Pathian hngalhternâk bia phuang dingin nan sin i ka rat ah khan biachimthiamnâk le a thûkmi fimthiamnâk he ka ra lo.

LUKA 16:8

Cuticun apu nih a ding lomi chawkengtu remruat thiamning kha a thangṭhat. Vawlei fale hna hi tu chan thil umtuning ah ceunâk fale nâkin an fim deuh, tiah a ti.

MATTHAI 19:21

Jesuh nih, “Tlamtlingmi si na duh ahcun, va kal law, na ngeihmi vialte zuar law, mi sifak va pe hna, cun vanah ro na ngei lai, cun ra law ka zul,” tiah a ti.

MATTHAI 13:22

Hling lak i a tlami cu, bia cu a theih ko. Asinain hi vawlei thil le rum duhnâk nih bia cu a khuh caah theitlai a chuah kho lo.

SALM 37:37

Sawiawk um lomi i chinchiah law, midik ngia hna; zeitintiah cu hna co ding cu daihnâk a si.

SALM 146:4

A thlarau nih a chuahtak i amah cu lei ah a kir ṭhân; cu ni lila ah â tinhmi thil kha an tlau lai.

1 KORIN 3:1

Cun unau hna, thlaraulei mi bangin nan sinah bia ka chim kho lo, thisa mi bangin, Krih ah ngakchia sem sin i bia chim bangin bia ka chim.

1 KORIN 12:8

Mi pakhat sinah Thlarau in fimnâk bia pêk a si, midang sinah cu Thlarau ṭhiamṭhiam ah hngalhnâk pêk a si.

2 KORIN 4:3

Asinain kan thawngṭha hi khuh in a um ahcun, a tlau cuahmah mi caah khuh in a um tawn.

KOLOSE 1:28

Kan chimmi cu Amah hi a si, mikip hi Krih Jesuh ah tlinter an si ti hi fimnâk vialte he cawnpiak in mi kip ralrin kan pêk hna.

HEBRU 6:1

Cucaah, Krih kong zumhnâk hramthawknâk hna kha kal takin tlamtlinnâk leiah hmai nawr u sih, a thimi tuahsernâk, i ngaihchihnâk, Pathian lei zumhnâk,