1 KORIN 2:13 - Laibaibal Thiang (BSI)

¹³ Cuthil hna cu minung cawnpiak mi fimnâk si loin, Thiang Thlarau cawnpiakning tuin, thlarau kong cu thlarau in kan chim tawn.

Lai (Hakha) Common Language Bible 2006

¹³ Cucaah Thlarau a ngeimi hna sinah thlarau lei biatak kha a sullam kan chim tikah minung cawnpiakmi bia kha hmang loin Thlarau cawnpiakmi bia tu kha kan hman.

1 KORIN 2:13 Խաչաձեւ Հղումներ

1 KORIN 2:4

Cun ka biachim le phungchimnâk ah, minung fimnâk i biachimthiamnâk hmangin tei kan tim bal hna lo, Thlarau le ṭhawnnâk tu in langhter a si,

1 KORIN 2:14

Vawlei mi nih cun Pathian Thlarau thil kha an cohlang duh lo, zeitintiah a nih caah cun hruhbia an si, thlarau leiin hngalh fian a si caah an hngal kho hrimhrim lo.

1 KORIN 1:17

Zeitintiah Krih nih baptisma pêk awkah a ka thlah lo, thawngṭha bia chim dingah a ka thlah, fimnâk bia hmang i chim lo in, culoahcun Krih vailamtahnâk bia hi zeihmanh lo ah an canter sual lai.

1 KORIN 2:1

Ule nau hna, Pathian hngalhternâk bia phuang dingin nan sin i ka rat ah khan biachimthiamnâk le a thûkmi fimthiamnâk he ka ra lo.

1 PETER 1:12

Cuhna nih anmah ca si loin, kanmah ca tu ah rian an rak ṭuan, Van in thlahmi Thiang Thlarau thawngin nan sinah thawngṭha a chimtu hna nih khan cucu an in chimh hna. Cucu vanmi hna hmanh nih hmuh an duhmi cu a si.

KOLOSE 3:16

Krih bia cu fimnâk phunkip he nanmah ah khat ko seh, biazâi le hla, thlarau lei hla hna in i cawm changin i cawnpiak u law, Bawipa sinah nan lungthin in zângfahnâk he hla sa u.

2 PETER 1:16

Zeitintiah zer ngai i `awnchawmmi tuanbia zulin, kan Bawipa Jesuh Krih rat`hannâk le a ṭhawnnâk kong hi kan chimmi a si lo, a sunparnâk mit hrimhrim i hmutu kan si.

EFESA 5:19

Biazâi le hla in, thlarau lei hla hna he pakhat le pakhat i chawnbia u law, hlasak pah in Bawipa cu nan lungthin ah ring-awn tum piak u.

1 KORIN 14:2

Zeitintiah holh dangin bia a chimtu nih minung sinah chim loin Pathian sinah a chim, zeitintiah ahohmanh nih a chimmi cu an hngal lo nain thlarau ah biathli a chim.

1 KORIN 9:11

Kannih nih thlarau lei thil nan sinah kan tuh i nan sinin vawlei thil kan zûn ah hin thil ngan ngai a si hnga maw?

LUKA 12:12

Zeitintiah Thiang Thlarau nih chimding an chimh ko hna lai.” tiah a ti.

LAMKALTU 2:4

An dihlak in Thiang Thlarau in an khat i Thlarau nih a chimter hna ningin holh dang dangin an chim cio.