1 KORIN 2:10 - Laibaibal Thiang (BSI)

¹⁰ Asinain cucu Pathian nih kan sinah a Thlarau in a kan hngalhter. Thlarau nih cun zeizong vialte a dahhriah dih, asi, a thûkmi Pathian bia zong.

Lai (Hakha) Common Language Bible 2006

¹⁰ Cu biathli cu Pathian nih a Thlarau in kannih sinah khan a phuan. Thlarau nih cun zeizong vialte kha a dah a hriah dih, Pathian nih aa tinhmi a thukmi hmanh kha a coih dih hna.

1 KORIN 2:10 Խաչաձեւ Հղումներ

JOHAN 14:26

Sihmanhsehlaw Bawmtu, Thiang Thlarau Pa nih ka min i a thlah laimi nih zeizong vialte an cawnpiak hna lai, nan sin i ka chimmi vialte an hngalhter ṭhân hna lai.

EFESA 3:5

Thiang Thlarau nih atu lio i a thiangmi a lamkaltu hna le profet hna sinah a langhter bantukin, cuhlan ah minung fale hna sinah hngalhter a rak si lo:

LUKA 10:21

Cu cân ah Jesuh cu Thlarau ah â lawm tuk i, “Ka Pa, lei le van Bawipa, na cungah kâ lawm. Nang nih mifim le mithiam hna sinah hi thil hi na thuh i ngakchia sem sintu ah na phuan. Asi, Ka Pa, cubantuk thil cu na mithmuh ah a ṭha.

EFESA 3:3

zeitindah cu biathli cu langhnâk i hngalhter ka si kha (hlan ah tawi tein ka ṭial cangmi kha,

GALATI 1:12

Zeitintiah minung sinin ka hmuhmi a si lo i mi nih anka cawnpiakmi zong a si lo. Jesuh Krih â langhnâk in ka hmuhmi a si.

MATTHAI 16:17

Jesuh nih a sinah, Jonah fapa Simon, mithluachuak na si, titsa le thisen nih an hngalhtermi a si lo, van i ka Pa nih an hngalhtermi na si.

MATTHAI 13:11

Anih nih, “Vanbawi pennâk biathli hi nan hngalh dingah pêk nan si, asinain annih cu pêk an si ve lo ruangah a si,” tiah a ti.

JOHAN 16:13

Asinain Amah, biatak Thlarau, a rak phâk tikah, biatak vialte chungah an kalpi hna lai; Amah nawl in zeihmanh a chim lai lo, a theihmi vialte a chim deuh lai, ara laimi thil tiangin an hngalhter hna lai.

1 PETER 1:12

Cuhna nih anmah ca si loin, kanmah ca tu ah rian an rak ṭuan, Van in thlahmi Thiang Thlarau thawngin nan sinah thawngṭha a chimtu hna nih khan cucu an in chimh hna. Cucu vanmi hna hmanh nih hmuh an duhmi cu a si.

1JOHAN 2:27

Asinain Amah sin in nan comi sathau thuhnâk kha nan chungah a hmun i aho cawnpiak hmanh nan herh lo; sathau thuhnâk lila nih khan thil vialte an cawnpiak hna, cun lih si loin a dikmi a si, cawnpiak nan sining te khan Amah ah hmun ko u.

1 KORIN 2:11

Zeitintiah minung kong cu amah i a ummi minung thlarau dah tilo ahonihdah an hngalh bal? Cubantuk ṭhiam ṭhiamin Pathian kong zong Pathian Thlarau dah ti lo cun ahohmanh nih an hngal kho lo.

1JOHAN 2:20

Asinain nan nih cu Mi Thiang nih chiti an thuh hna i zeizong vialte nan hngalh.

1 KORIN 14:30

Asinain a pawng i a ṭhumi mi dang sinah langhnâk a um ahcun, a hmasa cu dai tein um seh.

LUKA 2:26

Bawipa Krih a hmuh hlan pauh cu a thi lai lo tiah Thiang Thlarau nih a hngalhter cang.

BIAPHUAN 1:1

Jesuh Krih Biaphuan, a rauh hlanah a phân hrimhrim laimi Pathian nih a sal le hmangin hngalhter a timhmi cu hihi an si. A vancungmi thlah in a sinum Johan sinah a hngalhter;

1TIMOTE 4:1

Cân hmadung ahcun mi tampi nih zumhnâk hi an tluktâk lai i hlennâk thlarau le khuachia cawnpiaknâk lei ah an i mer lai tiah Thlarau nih fiang tein a chim,

BIAPHUAN 2:24

“Cubangin nanmah le Thiatira khua i a ummi hna, cu cawnpiaknâk a pomlo i Satan biathûk an timi a hngal lomi hna sinah thilrit dang kan khinh hna lai lo, tiah kan chimh hna;