1 KORIN 15:52 - Laibaibal Thiang (BSI)

⁵² muko hmadung bik an tumtikah, chikkhat teah, mitṭhep kar ah thlen kan si dih lai. Zeitintiah muko cu an tum hrimhrim lai. Cuticun mithi hna cu thu kho tilo dingin thawhter an si lai i kan nih zong thlen kan si lai.

Lai (Hakha) Common Language Bible 2006

⁵² muko hmanung bik tum caan ah cun mit ṭhep ah kan i thleng dih lai. Zeicahtiah cu muko cu a hung than tikah a thimi hna cu a thi kho ti lomi ah thawhter an si lai i kan dihlak in kan i thleng dih lai.

1 KORIN 15:52 Խաչաձեւ Հղումներ

MATTHAI 24:31

A vanmi kha a liannammi muko thawng he a thlah hna lai i vawlei killi in vanhram deng khat te leiin khatte lei tiang thimmi kha an pumh hna lai.

JOHAN 5:25

Biataktein biataktein, kan chimh hna, mithi hna nih Pathian Fapa aw an theih cân a phân lai, atu hi a phân ko cang, a theimi pauh an nung lai.

JOHAN 5:28

Hihi nan khuaruah har hlah seh, thlân i a ummi vialte nih a aw an theih cân a phân lai,

2 PETER 3:10

Asinain Bawipa ni cu zan i mifir bangin a ra lai, cuni ah van khi fak piin an awn lai i an tlau lai, thil hram hna cu mei nih lo lakin a emh hna lai, vawlei le a chung i a ummi rian vialte hi a kâng dih lai.

1 KORIN 15:42

Cubangin mithi thawhṭhannâk zong a si. Thu kho i tuh in a um i thu kho loin thawhter a si.

BIAPHUAN 8:13

Cun ka hun zoh i mupi van i a zuangmi nih awthang ngaiin lei i a ummi hna caah ngaihchia a si, ngaihchia a si, ngaihchia a si, zeicatiah a tângmi vanmi pathum hna nih muko an tum`hân rih lai caah tiah, a ti kha ka theih.

1 KORIN 15:50

U le nau hna, thisa le thisen nih hin Pathian pennâk cu a co kho lai lo, thut hmangmi nih thuthmang lo cu a thleng kho lai lo, tiah ka chim.

BIAPHUAN 8:2

Cun Pathian hmai i vanmi pasarih kha ka hmuh, an sinah muko pasarih an pêk hna.

SALM 73:19

Aize, zeitindah mitṭhep kar ah an rawh dih kun! ṭih a nung ngaimi thil nih a ei dih kun hna.

1 KORIN 15:23

Asinain mah le cân cio ah Krih cu theipar hmasa a si, a rat ṭhân tikah a thoṭhân dingmi cu Krih ta an si te lai.

1THESALON 4:15

Zeitintiah hihi Bawipa bia in nan sinah kan chim, kannih Bawipa rat tiang i a nungmi hna nih â hngilhmi kha kan chawhkanh hna lai lo.