1 KORIN 13:12 - Laibaibal Thiang (BSI)

¹² Zeitintiah atu ah cun thlalang ah fiang setsai loin kan hmuh, khi cân ah cun hmaitonh tein a si lai. Atu ah cun a cheuchum in ka hngalh, khi tikah cun hngalh ka si bantukin ka hngalh ve lai.

Lai (Hakha) Common Language Bible 2006

¹² Atu i kan hmuhmi hi cu, thlalang fiang lo chung i kan mui maw chialchual in kan hmuhmi bantuk khi a si, sihmanhsehlaw cu tikah cun hmaitonh tein kan hmuh lai. Atu i ka hngalhmi hi cu a cheuchum lawnglawng a si, sihmanhsehlaw cu tikah cun Pathian nih a ka hngalhnak a tlin bantukin ka hngalhnak zong a tling ve lai.

1 KORIN 13:12 Խաչաձեւ Հղումներ

1JOHAN 3:2

Ka dawt le hna atu ah Pathian fa le kan si i zeidah kan si telai ti tu cu langhter a si rih lo, asinain Amah a langh tikah, Amah bang kan si lai ti kha kan hngalh, zeitintiah Amah cu a sining tein kan hmuh lai.

2 KORIN 3:18

Asi kan nih cu hmaikhuh loin Bawipa sunparnâk cu thlalang i kan hmuh bangin kan zoh, Amah muisam keng dingin, Bawipa Thlarau nih sunparnâk in sunpar chinchin nâkah thlen in kan um cuahmah lio a si.

FILIPI 3:12

Tlâm ka tling cang ka ti lo i co awk ka co dihcang zong ka ti lo. Asinain Krih nih aka tlaihchan hi ka tlai kho ve hnga maw tiin a dawiin ka dawi.

BIAPHUAN 22:4

A hmai an hmuh lai i Amin kha anchal ah a um lai.

JEIM 1:23

Zeitintiah biangaitu lawng si i a nunpi lomi cu thlalang i ṭha tein a mui â zohmi bantuk a si,

2 KORIN 5:7

Zeitintiah hmuh khawhmi si loin, zumhnâk in kan kal.

MATTHAI 5:8

Lungthin a thiangmi cu mithluachuak an si, zeitintiah Pathian an hmuh te lai.

1 KORIN 8:3

Asinain mizei pauh nih Pathian a dawt ahcun, Amah nih a hngalhmi a si.

ROM 8:18

Zeitintiah atu cân i temtuarnâk hna hi hmailei i langhter ding sunparnâk he cun tahchunh tlâk ah ka ruat lo.

MATTHAI 18:10

Hi mi hme bik hna hi zomhtaih lo dingin i ral ring u; zeitintiah an vancungmi hna nih van i Ka Pa mit hmai cu an hmuh tawn, tiah kan chimh hna.

JOHAN 10:15

Pa nih aka hngalh bangin, kei zong nih Pa ka hngalh i tuu caah ka nunnâk ka pêk.

1 KORIN 13:11

Ka ngakchiat lio ah ngakchia holh in ka holh, ngakchia hngalh in ka hngalh, ngakchia ruah in ka ruah tawn, atu ka upat hnu ah ngakchia thil hna cu ka hlawt cang.