1 KORIN 13:1 - Laibaibal Thiang (BSI)

¹ Minung holh le vanmi holhhmanh in bia chim hmanh ning law, dawtnâk ka ngeih lo ahcun, darkhuang le sumsel thawng bantuk men ka si hnga.

Lai (Hakha) Common Language Bible 2006

¹ Minung holh a phunphun in ka hei holh kho ko hnga i vanmi holh hmanh ka hei thiam ko hnga, sihmanhsehlaw dawtnak ka ngeih lo ahcun ka holh cu darkhuang hnachet thawng le sumsel tum thawng bantuk men a si ko.

1 KORIN 13:1 Խաչաձեւ Հղումներ

1TIMOTE 1:5

Nawlpêk nih a tinhmi cu, zumhnâk taktak le chiaṭha hngalhnâk ṭha le lung thin thiangin a chuakmi dawtnâk hi a si,

1 PETER 4:8

Cun thildang vialte nâk in pakhat le pakhat i dawt hi rak uar bik ko u, zeitintiah dawtnâk nih sualnâk tampi a khuh tawn.

GALATI 5:22

Thlarau theitlai tu cu, dawtnâk, lawmhnâk, daihnâk, lungsaunâk, zângfahnâk, ṭhatnâk, zumhawktlaksinâk,

1 KORIN 13:8

Dawtnâk cu a dongh bal lo. Chimchung bia a um ko lai nain an dongh lai, holh dangdang i holh a um ko lai nain an ngol lai, hngalhnâk hi um hmanhsehlaw lohter a si lai.

GALATI 5:6

Zeitintiah Krih Jesuh ah cun cuarpartan hi zeihmanh a ṭhahnem lo, cuarpar tanlo zong zeihmanh a ṭhahnem hlei lo. Zumhnâk, dawtnâk i ṭuan lawng kha a ṭhahnemmi cu a si.

1 KORIN 8:1

Milem biaknâk i pêkchanhmi kongah; kan dihlak in hngalhnâk kan ngei cio tiah kan hngalh. Hngalhnâk nih lung a puamter, asinain dawtnâk nih mi a ṭhatter.

2 PETER 2:18

Zeitintiah, pakpalawng bia lianngan ngai in an chim tikah a palhmi nunnâk chungin a chuak cangmi hna kha, taksaduhnâk le hornâk chungah an luhpi ṭhân hna.

ROM 14:15

Na eidin ruang i na unau a lung a fah ahcun dawtnâk lam na zul ti lo, tinâk a si. Krih nih a ca i a thihpiakmi kha na eidin nih hrawhpiak hlah seh.

MATTHAI 25:45

Anih nih, ‘Biataktein kan chimh hna, hi mi hna lak i a hme bik cungah nan tuah lomi hi, ka cungah a tuah lomi bantuk nan si,’ tiah a leh hna lai.

1 KORIN 12:8

Mi pakhat sinah Thlarau in fimnâk bia pêk a si, midang sinah cu Thlarau ṭhiamṭhiam ah hngalhnâk pêk a si.

1 KORIN 12:16

Cun hnâ nih mit ka si lo ruangah taksa ah kâ tello ti sehlaw, cuthil ruangah taksa i â tellomi a si kho hlei lo.

2 KORIN 12:4

Paradis i lakchoh i a um ning le, bia in chim khawh lomi le minung caah chimthian lo mi hna a hngalh.

SALM 150:5

A aw a thangmi sumsel in amah cu thangṭhat u, a aw ṭhiami sumsel in amah cu thangṭhat u.

MARKA 16:17

Cun hi hmelchunhnâk hna nih zumtu hna cu a zulh hna lai: Ka min in khuachia an ṭhawl lai I holhthar in an holh lai,

1 KORIN 12:10

midang sinah khuaruahhar tuahkhawhnâk pêk a si, midang sinah biaphuan khawhnâk pêk a si; midang sinah thlarau dik le dik lo thleidan khawhnâk pêk a si, midang sinah holh phundang dang i biachim khawhnâk pêk a si, midang sinah holh dangdang leh khawhnâk pêk a si.

1 KORIN 14:2

Zeitintiah holh dangin bia a chimtu nih minung sinah chim loin Pathian sinah a chim, zeitintiah ahohmanh nih a chimmi cu an hngal lo nain thlarau ah biathli a chim.

1 KORIN 14:4

Holh dangin biachimtu nih cun amah ṭhathnemnâk caah a chimmi a si, asinain biaphuanmi cu kawhhran ṭhathnemnâk caah a si.

1 KORIN 14:5

Nan dihlak in holh dangin bia nan chim hi kan duhpiak hna, bia nanphuan khawhnâk hi kan duhpiak chinchin hna. biaphuangtu cu holh dangdang chimtunâk in a ngan deuh, kawhhran ṭhathnemnâk dingah cun lehpiak a herh tawn.

BIAPHUAN 14:2

Cun vancung in thawng, ti tampi a luangmi thawng le khuari thawng ka theih i tingtang tumtu hna nih tingtang an tum thawng bantuk zong a si.