1 KORIN 1:18 - Laibaibal Thiang (BSI)

¹⁸ Zeitintiah vailamtah biacah hi a tlau lio lengmang mi hna caah hruhbia men a si, asinain khamhlio lengmang mi hna kan nih caah cun Pathian ṭhawnnâk a si.

Lai (Hakha) Common Language Bible 2006

¹⁸ Vailamtahnak i Khrih a thihnak kong hi a tlau lio lengmangmi hna caah cun pakpalawng bia a si ko, sihmanhsehlaw khamh lio lengmangmi hna kannih caah cun Pathian hmual a si.

1 KORIN 1:18 Խաչաձեւ Հղումներ

1 KORIN 2:14

Vawlei mi nih cun Pathian Thlarau thil kha an cohlang duh lo, zeitintiah a nih caah cun hruhbia an si, thlarau leiin hngalh fian a si caah an hngal kho hrimhrim lo.

ROM 1:16

Krih thawngṭha cu ka zahpi lo, zeitintiah a zummi vialte caah khamhnâk dingah Pathian ṭhawnnâk a si; a hmasa in Judah mi caah a si i Grik mi ca zongah a si.

2 THESALON 2:10

cun a lotlau ding a simi hna cu, dinlonâk vialte in hlen an si lai, zeicatiah khamh an si khawh nâkhnga dawtnâk biatak kha an cohlang duh lo.

2 KORIN 4:3

Asinain kan thawngṭha hi khuh in a um ahcun, a tlau cuahmah mi caah khuh in a um tawn.

1 KORIN 1:21

Zeitintiah vawlei fimnâk nih Pathian a hngalh khawhlo hnu ah, Pathian fimnâk hmangin, hruhbia hmang i phungchimnâk a zumtu hna khamh an si kha Pathian â lawm deuh.

1 KORIN 3:19

Zeitintiah hi vawlei fimnâk hi Pathian ruahnâk ah hruh a si. “Mifim hna cu, an fim zernâk nih a foih hna,” tiah ṭial a si;

1THESALON 1:5

Zeitintiah kan thawngṭha hi bia lawngin nan sinah a phân lo i ṭhawnnâk le Thiang thlarau he, hngalhfiannâk tampi he a phânmi a si, nanmah zawn ruahah nan sin kan um lio ah zeibantuk minung ah dah kan i can ti kha nan hngalh bangin.

1 KORIN 2:2

Jesuh Krih le khenchih a sinâk kong dah tilo cu nanlakah zeihmanh hngalh ka tim lo.

LAMKALTU 13:41

Zomhtaihtu hna, zoh u, mak ti ulaw, lotlau dih u, zeitintiah nan nun chungah thil pakhat ka tuahmi hi, cu thil cu mi nih an in chimh hna zongah nan zum lai lo,’ timi hi,” tiah a ti.

HEBRU 4:12

Zeitintiah Pathian bia cu a nung i a ṭhawng, kaphnih har vainam nâkin a har deuh, nunnâk le thlarau, hliahhlok le thlik tiangin hlang lakin a cheu khawh, lungthin in timhmi le ruahnâk kha a hngalh dih.

2 KORIN 10:4

Kannih ral dohnâk ralthuam hna cu taksa thil an si lo, a fekmi ralhruang chimkhotu Pathian ṭhawnnâk tu a si,

1 KORIN 15:2

kan chimhmi hna bia kha nan zumh mênmên si loin fek tein nan i tlaih ahcun, cucu khamh nan sinâk cu a si.

LAMKALTU 17:32

Mithi thawhṭhânnâk kong an theih tikah, cheukhat nih an nihsawh, cheukhat nih, “Hi bia hi na sinin kan ngaih ṭhân te lai,” tiah an ti.

LAMKALTU 17:18

Epikorian le Stoik mifim cheukhat zong nih amah cu an rak el tawn. Cheukhat nih, “Hi biaduh pa nih hin zeidah chim a timh?” tiah an ti. Jesuh kong le thawhṭhannâk kong a chim caah cheukhat nih, “Ramdang pathian kong chimtu a si ko rua,” tiah an ti.

LAMKALTU 2:47

Pathian an thangṭhat i mi vialte lawmhnâk in an um. Cun khamh a si cuahmahmi hna cu Bawipa nih kawhhran ah nichiar tein a chapchin lengmang hna.

1 KORIN 4:10

Krih ruangah mihrut kan si i nannih cu Krih ah mifim nan si. Kannih kan derthawm i nannih tu nan ṭhawng! Nannih cu nan ropi ngai i kan nih cu zeihmanh lo kan si.

HEBRU 12:2

Jesuh kan zumhnâk hrampi le tlintertu lei khi zoh in tli u sih, Anih nih cun a hmai lei i chiahmi lawmhnâk ruangah ningzahnâk zeirel loin vailamtahnâk kha tuar in Pathian ṭhutdanh orhlei kamah a ṭhu.