1TIMOTE 6:9 - Laibaibal Thiang (BSI)

⁹ Asinain rum a duh tukmi hna cu tukforh nâk rap chungah an lut i duhnâk sual le hruhnâk thil nih mi a hrawh i chiatnâk le rawhralnâk sual ah mi a pilter tawn;

Lai (Hakha) Common Language Bible 2006

⁹ Sihmanhsehlaw rum a duhmi hna cu tukforhnak chungah khan an tla i ṭih a nungmi le ṭhat lonak a chuahter khotu duhnak nih khan rap foih in a foih hna i cu nih cun rawhralnak ah khan a kalpi hna.

1TIMOTE 6:9 Խաչաձեւ Հղումներ

PHUNGTHLÛKBIA 15:27

Hakkaumi nih amah chungkhar tiangin a buaiter tawn, asinain ziknawh a huatu cu a nung lai.

1TIMOTE 3:7

Cuhleiah lênglei mi hna hmuhnâk zongah minṭhatnâk a ngeimi a si awk a si, culoahcun minchiatnâk ah tlu in Satan rap nih a foih sual lai.

LAMKALTU 8:20

Asinain Peter nih, “Pathian thilpêk phaisa i cawk na timh ruangah na phaisa hi nangmah he lotlau ve seh!

MATTHAI 13:22

Hling lak i a tlami cu, bia cu a theih ko. Asinain hi vawlei thil le rum duhnâk nih bia cu a khuh caah theitlai a chuah kho lo.

JUDAS 1:11

Zeitluk ngaihchia dah an si! Kain lam kha an zulh i hlawh hmu dingah Balaam lamah hakkau ngai in an tli i Kora ralthawhnâk bangin an lo tlau dih te lai.

2 PETER 2:3

Hakkauh ruangah hlennâk bia hmangin hlawknâk caah an in hman hna lai, zeitintiah hlan liopi in an cungah biaceihnâk cu a hmun i an rawhralnâk ding zong â hngilh lo.

EFESA 4:22

hlan lio nan nunning i minung hlun ziaza, hlen a duhmi kha i phoih u law,

MARKA 4:19

cun vawlei thil kongah, rum duhnâk le, thil dangdang duhnâk kha a rak lut tikah, bia cu theitlai chuah kho loin an dih chih tawn.

MATTHAI 26:15

“Amah cu in tlaihter hna ning law, zeidah nan ka pêk lai,” tiah a va ti hna. Cuticun phaisa sawmthum pêk an timh.

MATTHAI 19:22

Tlangval pa nih cu bia a theih tikah hmaichia ngaiin a kal, zeitintiah chawva tampi a ngeimi a si.

PHUNGTHLÛKBIA 22:16

Hlawknâk dawiin misifak hna dihchih i mirum hna tlawnhtlamhtu cu a si a fakchin lengmang lai.

PHUNGTHLÛKBIA 21:6

Lihchim i hmuhmi chawva cu thihnâk kawltu hna rauthla a zuangmi bantuk a si.

PHUNGTHLÛKBIA 20:21

A hramthawkah rang tukin chawva lak hi, a donghnâk ah thluachuahnâk ah a cang bal lo.

2TIMOTE 2:26

Cun Satan nih a duhnâk tuah awkah sal i a rak tlaihhna nâk chungin an lung a fim lai i rap in a foih hna nâk chungin an chuak ṭhân kho ko.

1TIMOTE 1:9

hihi hngal hna seh, nawlbia hi miṭha caah ser a si lo, nawlbia zeiah a rel lomi, nawlbia ral chanh i a nungmi, Pathian-zeiaharellomi, misual, a thiang lomi, biaknâk zeiaharellomi, nu le pa thattu, lainawng,

LUKA 21:35

Zeitintiah lei cung i a ummi vialte hna sinah rapfoih bantukin a phân dih lai.

PHUNGTHLÛKBIA 23:4

Rum i timtuk hlah; nangmah theithiamnâk ruangah i sûm deuh.

SALM 11:6

Misuaksual hna cungah meiṭil a surter lai i mei le kât le mei thli hna cu an co hngami hrai a si lai.

MATTHAI 6:19

“Lei i rungrul le cirik nih an ei khawh i mifir nih an bauh i an fir khawhnâk ah hin nan ro va khong hlah u;

LUKA 12:21

Cuticun mahca lawng i chaw khon luaimai i Pathian ca i khon ṭung lo cu cubantuk cu an si, tiah a ti.

1TIMOTE 6:10

Zeitintiah phaisa duhtuk hi sualnâk vialte hram a si, cheukhat nih cucu an duh i zumhnâk an kaltak i anmah le anmah ngaihchiatnâk tam piin an i chunh tawn.

1TIMOTE 6:17

Tuchan mirum hna nih an rumnâk kha porhlawtnâk i hmanglo ding le bochan awk a tlâk lomi chawva an i bochan nâkhnga lo le thil vialte kan i lawmhnâk dingah a kan petu Pathian kha i bochan dingin chimhring hna.

TITAS 2:12

cu nih cun vawlei-lei duhnâk, Pathian-zeirellonâk hi hlawt in atu lio cân ah nunning thiam in felfai tele Pathian-ṭihzah in kan nun nâkhnga a kan cawnpiak.