1TIMOTE 5:8 - Laibaibal Thiang (BSI)

⁸ Asinain ahohmanh mah le sahlawh rualchan zeiah a rel lo i a umpimi chungkhar hmanh zei ah a rel lomi nih zumhnâk kha a hlawt i zum lotu nâkin a sual deuh.

Lai (Hakha) Common Language Bible 2006

⁸ Mi pakhatkhat nih a rualchan kha a zohkhenh hna lo ahcun, cun cu nak hmanh in biapi deuh a simi cu, a innchungkhar kha a zohkhenh hna lo ahcun, amah cu zumhnak a hlawmi, Pathian a zum lomi nak hmanh in a ṭha lo deuhmi a si.

1TIMOTE 5:8 Խաչաձեւ Հղումներ

GALATI 6:10

Cucaah cân rem kan ngeih ning cio in, mi vialte cungah thilṭha tuah u sih, a hleiin zumhnâk i kan chung le sinah tuah u sih.

2 KORIN 12:14

Atu hi nansin rat awk ah timhcia in ka um a voi thumnâk a si. Cun thilrit kan serpiak hna lai lo, zeitintiah nan thil si loin, nanmah kha kan kawlmi hna cu nan si. Zeitintiah fale nih nu le pa caah an chiah piak ballo i nu le pa tu nih fa le caah an chiahpiak tawn hna.

TITAS 1:16

Pathian a hngal ngaimi in an i phuang nain tuahsernâk in an hlawt tawn, fih a nungmi, nawl a ngai lomi le thilṭha tuahnâk ah a tling lomi an si.

MATTHAI 7:11

Nanmah misual hmanh nih nan fale thilṭha pêk nan hngalh ahcun; van i nan Pa nih cun a haltu sinah thilṭha cu a pe chinchin hnga lo maw?

2TIMOTE 3:5

Pathian duh ngaimi an i lawhter lai, asinain a ṭhawnnâk an zum lai lo. Cubantuk mi hna cu hrial hna.

BIAPHUAN 3:8

“Na tuahmi kha ka hngalh. Zohhmanh, ahohmanhnih khar khawh lomi inkâ on cia nahmai ah ka chiah, zeitintiah ṭhawnnâk tlawmte lawng na ngei nain ka bia fek tein nâ tlaih i ka min zong na hlaw lo.

BIAPHUAN 2:13

“Na tuahmi kha ka hngalh, na umnâk zong Satan bawiṭhutdan umnâk hmun a si kha ka hngalh. Ka min fek tein nâ tlaih i nan lak i ka biahngalhtu zumhtlâk Antipas, Satan umnâk hmun i thah a si lio hmanh ah ka zumhnâk kha na hlaw lo.

2 PETER 2:1

Asinain mi hna sinah profet deu kha an rak um bantukin nanmah lak zongah cawnpiaktu deu an um ve te lai, anmah a tlanhtu Bawipa tiangin an hlawt lai, rawhralnâk ah phâk tertu lam a pialmi cawnpiaknâk cu a thli tein an luhpi lai i cunih cun anmah kha rawhralnâk ah khulrangin a hruai hna lai.

JOHAN 15:22

Kei ra in an sinah bia chim hlah ninglaw sual an ngei hnga lo. Atu cu an sualnâk chungin sawlhphelhnâk an ngei kho ti lo.

JUDAS 1:4

Zeitintiah mizei maw a thliin an lut, cu hna cu Pathian-zeiaharellomi an si, Pathian zângfahnâk hi hornâk caah an hman i kan ngeih chun, Bawipa Pathian le kan Bawipa Jesuh Krih zong an hlawt, cubantuk mi hna cu hlan lio pi khan thiamlo co ding ah ruah ciami an si.

2 KORIN 6:15

Krih le khuachia nih zeitindah lungkhahnâk an ngei khawh lai? Asiloah zumtu le zumlo tu nih zeidah an coṭi khawh mi a um?

MATTHAI 18:17

Cun an bia zong a ngaih duh lo ahcun kawhhran sinah na kalpi lai. Kawhhran bia zong a ngaih duh lo ahcun, amah cu zumh lotu ngunkhuai khawltu bantuk a si cang lai.

1 KORIN 6:6

Unau nih a unau cu biaceihtu sinah a chuahpi, cuzong cu zumlotu hmai ah hei si kaw!

2TIMOTE 2:12

Kan tuar ahcun Amah he bia kan ceih lai. Amah kan hlawt ahcun Amah zong nih a kan hlawt ve lai.