1TIMOTE 1:9 - Laibaibal Thiang (BSI)

⁹ hihi hngal hna seh, nawlbia hi miṭha caah ser a si lo, nawlbia zeiah a rel lomi, nawlbia ral chanh i a nungmi, Pathian-zeiaharellomi, misual, a thiang lomi, biaknâk zeiaharellomi, nu le pa thattu, lainawng,

Lai (Hakha) Common Language Bible 2006

⁹ Sihmanhsehlaw kan hngalh awk cu, nawlbia cu miṭha mi hna caah ser a si lo i nawlbia a buarmi hna le bia ngai duh lomi hna le Pathian zei i a rel lomi hna le misual mi hna le biaknak zei i a rel lomi hna le thlarau lei thil zei i a rel lomi hna le an nu an pa a nawngmi hna le

1TIMOTE 1:9 Խաչաձեւ Հղումներ

GALATI 3:19

Cutiasiahcun nawlbia hi zeidah a um chan? Nawlbuarnâk ruangah tefa a rak langh hlan i biakammi chaptu ah pêk a si; cucu vanmi remnâk lamkaltu hna hmangin pêk a si.

1 PETER 4:18

Cubangin “Miding hmanh khamh fangfang a si ahcun, Pathian-zeiah a rel lomi le misual cu khuazeiahdah a si kun lai?”

ROM 5:20

Cu hlei ah, nawlbia a um tikah sualnâk a tam chin. Asinain sualnâk a tam pauh le zângfahnâk a tam chinchin ve,

GALATI 5:23

toidornâk le i sumkhawhnâk an si, cu thil hna ralchanh in nawlbia zeihmanh a um lo.

TITAS 3:3

Zeitintiah kanmah zong hlan ah mihrut, nawlngailo, hlenmi, nomhhnaihnâk le duhnâk phunkip tuahmi, mi hnachuah le huat tlai ngai le pakhat le pakhat â huami kan rak si.

ROM 6:14

Zeitintiah sual nih nan cungah nawl a ngei ti lai lo, zeicatiah nawlbia tangah nan um ti lo i zângfahnâk tangah nan um cang.

ROM 1:30

kongceih hmang, Pathian a huatu, mipuarthau, miporhlaw, miruamkai, sualnâk thar chuahtertu, nu le pa nawl a ngai lomi,

BIAPHUAN 22:15

Asinain lênglei ah uico hna le, doihthiam hna, nupa sualnâk a tuahtu hna le, lainawngmi hna le siasal biami hna le lih a tlaihchantu hna le a hmangtu kha an um lai.

BIAPHUAN 21:8

Asinain miralchia, zumlotu, fihnungmi, lainawngmi, horduh cuaimi, doihthiammi, milem biami hna le lih chimmi vialte umnâk ding cu mei le kât mei tili, thih voihnihnâk cu a si.

TITAS 1:16

Pathian a hngal ngaimi in an i phuang nain tuahsernâk in an hlawt tawn, fih a nungmi, nawl a ngai lomi le thilṭha tuahnâk ah a tling lomi an si.

1 PETER 3:20

cuhna cu Noa nunlio i tilawng a sak chung vialte Pathian nih lungsau in a hngahmi hna zumduh lotu kha an si, cu tilawng ah cun mi tlawm te, mi pariat lawng kha ti khan khamh an si.

HEBRU 11:31

Zumhnâk in Rahab hlawhhlâng nu kha ngiathlaitu hna ṭha tein a rak zohkhenh hna caah zumlotu hna lakah a thi ve lo.

2 THESALON 2:8

A dawntu cu lak a si hnuah phunglo-umpa cu a lang cang lai, Bawipa â langhnâk i a liannganmi ceunâk nih a hrawh lai i a kâ i thaw in amah cu a khangh lai.

ROM 4:13

Zeitintiah Abraham le a tefa hna sin i vawlei ro co lainâk biakam kha nawlbia thawngin a si lo i zumhnâk thawng i dinnâk in a si.

MATTHAI 10:21

Thah awkah unau an i leirawl lai, pa le fa zong an i rawi lai i fa le zong nih annu le anpa thih tiangin an doh hna lai.

PHUNGTHLÛKBIA 30:17

Apa a zomhtaih i anu bia zei i a rel lomi hna mit cu lakngak nih a coih lai i mufa le nih an ei lai.

PHUNGTHLÛKBIA 30:11

Anpa chiat a serh i annu le thluachuah a pe duh lomi chan an um.

PHUNGTHLÛKBIA 28:24

Anu siseh, Apa siseh a rok i, “Nawlbuarnâk a si lo,” titu cu Hrawktu hawikawm a si.

PHUNGTHLÛKBIA 28:17

Thisen a chuahtu cu khor chungah a tla lai, ahohmanh nih bawm hna hlah seh.

PHUNGTHLÛKBIA 20:20

Anu siseh a pa siseh chiat a serhtu cu, khuamui lakah a meiin hmihpiak a si lai.

1 PETER 2:7

Cucaah nannih a zumtu ca ah a sunglawimi a si, asinain a zumlotu caah cun a sunglawi lo. “Insatu hna nih an hlawtmi lung kha a biapi bikmi lung a rak si,”

HEBRU 12:16

culoahcun, nupa sualnâk tuah hmangmi le Esau bangin Pathian upat lomi a um sual lai. Anih nih a fater sinâk kha rawl voikhat eiah a zuar.

GALATI 5:21

hnahchuahnâk, lainawnnâk, zuritnâk, zuhmun nuamtinâk hna an si. Cubantuk thil tuah a hmangmi hna nih Pathian pennâk an co lai lo, tiah kan chimh chung hna bang khan, atu zongah ka chim ṭhân.

GALATI 5:18

Asinain Thlarau hruai i nan um ahcun, nawlbia tangah nan um ti lo.

1TIMOTE 4:7

Asinain Pathian-zeirellonâk le pitar hna tuanbia kha hlaw hna law Pathian-ṭihzahtu si dingin cawlcang.

1TIMOTE 6:20

Aw Timote! nakut i chiahmi cu ṭha tein kilveng, Pathian-ṭihzahlonâk bia chim le ralchanhmi biafang hngalhnâk tiah silo ngaiin min an bunhmi kha hrial i zuam.

2TIMOTE 2:16

Pathian ṭihzahlo bia vaivuan a chim tawntu kha hrial hna, zeitintiah Pathian-zeirellonâk ah an zual chin chin lai.

2TIMOTE 3:2

Minung cu mah le mah â dawmi, phaisa a dawmi, tluangkhawn a hmangmi, miruamkai, Pathian thangchiattu, nu le pa nawl ngai lo, lawmh a hngal lomi le a tluangtlam lomi,

TITAS 1:6

mi pakhat khat kha sawiawk umlo, nupi pakhat ngei, zumhtlâk, fale nomhhnaihnâk le ningcang loin khua a sami an si lo ahcun upa rian ṭuan hna seh.

TITAS 1:10

Zeitintiah nawlngai lomi duhpauh in biachim hmang le hlengtu tampi an um, a hlei in cuarpartanmi hna chungin an si,

JUDAS 1:15

“Zohhmanh u, mi vialte cungah biaceih ding le, Pathian bia a zum duh lomi vialte nih, Pathian ṭihzahnâk um loin an tuahmi thil vialte le Pathian-zeiaharellomi hna nih Amah ralchanh in bia an chimmi vialte cung i biaceih ding le thiamlo coter dingin Bawipa cu a mithiang thong hra he an ra lai.”