1TIMOTE 1:5 - Laibaibal Thiang (BSI)

⁵ Nawlpêk nih a tinhmi cu, zumhnâk taktak le chiaṭha hngalhnâk ṭha le lung thin thiangin a chuakmi dawtnâk hi a si,

Lai (Hakha) Common Language Bible 2006

⁵ Hi bantukin bia kan cah tikah kaa tinhmi cu, a thiangmi lungthin le a thiangmi chiaṭha thleidannak le zumhnak taktak a simi chungin a chuakmi dawtnak kha a si.

1TIMOTE 1:5 Խաչաձեւ Հղումներ

1TIMOTE 1:19

Zumhnâk le chiaṭha hngalhnâk thiang kha i tlaih peng, ceukhat nih cucu an namnul i tilawng a kuaimi bangin an zumhnâk kha a kuai tawn.

GALATI 5:22

Thlarau theitlai tu cu, dawtnâk, lawmhnâk, daihnâk, lungsaunâk, zângfahnâk, ṭhatnâk, zumhawktlaksinâk,

2TIMOTE 2:22

Mino duhnâk kha zâmtâk law lungthin thiangin Bawipa kotu hna sinah felnâk zumhnâk dawtnâk le daihnâk kha dawi hna.

2TIMOTE 1:5

Zumhnâk taktak nangmah i a um kha ka philh lo, cucu napi Lois ah a um hmasa, nanu Zunis zongah a um i nangmah zongah a um kha fiang tein ka hngalh;

2TIMOTE 1:3

Ka pupa nih an rak ṭuan tawn bangin chia le ṭha hngalhnâk thiang ngei in a rian ka ṭuanmi Pathian sinah lawmhnâk bia ka chim i chun zan hlanin ngol loin thla ka camnâk ah kan philh lo,

1 PETER 3:21

Cu thil nih a langhter chungmi baptisma in Jesuh Krih thawhṭhannâk thawngin atu ah khamh kan si. Cu baptisma cu taksa thurhnawmmi thenh men hi si lo in chiaṭha hngalhnâk thiang he Pathian kan lehnâk hi a si.

1 PETER 3:16

Chia le ṭha hngalhnâk thiang ngei u, cuticun ṭhatlonâk tuahtu bangin puh an in timh mi hna cu, Krih i â dawhmi nun in nan umnâk nih an ning a zahter hna lai.

1 PETER 1:22

Unau dawtnâk taktak kha ngei in, Thlarau thawngin biatak zum in, nan thlarau nan thianter cang caah, lungthin thiang te le biatak tein pakhat le pakhat i daw u,

2 PETER 1:7

Pathian ṭihnâk ah khan unau zawnruahnâk telhchih u, cun unau zawnruahnâk ah khan dawtnâk telhchih u.

ROM 10:4

Zeitintiah zumtu vialte nih dinnâk an hmuhkhawh nâkhnga Krih cu nawlbia donghnâk a si.

TITAS 1:15

Mithiang caah thil vialte a thiang, asinain mithûrhnawm le zumlotu caah a thiangmi zeihmanh a um lo, an ruahnâk le an chiaṭha-hngalhnâk tiangin a thûr cang.

1TIMOTE 3:9

zumhnâk biathli chiaṭha hngalhnâk thiangin a tlaitu an si awk a si.

2 KORIN 1:12

Kan hmaihngalnâk cu hihi a si. Vawlei ah hin tluangtlam te le zumhtlâk in, minung fimnâk telhchih loin, Pathian zângfahnâk thawngin khua kan sa, nan sinah ṭha chinchin in kan um, ti hi kan chiaṭha hngalhnâk zong nih a pompi.

SALM 51:10

Maw Pathian, ka chungah lungthin thiang ser ṭhân law, keimah ah hin a fekmi thlarau kha tharchuah hrâm ko.

1 PETER 4:8

Cun thildang vialte nâk in pakhat le pakhat i dawt hi rak uar bik ko u, zeitintiah dawtnâk nih sualnâk tampi a khuh tawn.

JEIM 4:8

Pathian naih u law, Amah zong nih an naih hna lai. Nannih misual hna, nan kut ṭawl ulaw, ruahnâk set ngei lomi hna, nan lungthin thianter u.

LAMKALTU 23:1

Cuticun Paul nih biaceihtu hna cu ṭha tein a zoh peng hna i, “Ule nau hna, nihin tiangin Pathian hmai ah, a dihumnâkin chiaṭha hngalhnâk ṭha he ka nung tawn,” tiah a ti.

SALM 24:4

Kut thiang le lungthin thiang a ngei i milem leiah a lungthin a pe bal lo i lih in chiatserh a hmang bal lomi an si lai.

1JOHAN 3:3

Amah cungah cubantuk ruahchannâk a ngeimi pauh nih, Amah a thian bangin â thianter tawn.

HEBRU 10:22

lung taktak le zumhnâk i hngalhfiannâk ngeiin, kan lungthin i a thûrmi chiaṭha hngalhnâk hna kha thian terin kan taksa zong a thiangmi ti ah i kholh in Amah cu naih u sih.

1 KORIN 13:1

Minung holh le vanmi holhhmanh in bia chim hmanh ning law, dawtnâk ka ngeih lo ahcun, darkhuang le sumsel thawng bantuk men ka si hnga.

ROM 14:15

Na eidin ruang i na unau a lung a fah ahcun dawtnâk lam na zul ti lo, tinâk a si. Krih nih a ca i a thihpiakmi kha na eidin nih hrawhpiak hlah seh.

ROM 9:1

Krih ah biatak ka chim i ka lih lo, Thiang Thlarau ah ka chiaṭha hngalhnâk zong nih a ka hngalhpi,

LAMKALTU 24:16

Cucaah chia le ṭha hngalhnâk thiang ngeih peng i Pathian le minung hmai i sawi awk um lomi si kâ tim peng.

LAMKALTU 15:9

Kannih le annih thleidang loin zumhnâk in an lungthin a thianter hna.

MATTHAI 12:35

Miṭha nih cun a ro bawm chung i thilṭha a chuahter tawn i mi ṭhalo nih â khawnmi thilṭha lo kha a chuahter tawn.

MATTHAI 5:8

Lungthin a thiangmi cu mithluachuak an si, zeitintiah Pathian an hmuh te lai.

1JOHAN 3:23

A nawlpêkmi cu hihi a si, a Fapa Jesuh Krih min zumh i nawl a kan pêk bangin pakhat le pakhat kan i dawtmi hi.

HEBRU 13:18

Kan caah thlacam u; a lamkip in hmaizahmi si hi kan i tim. Chiaṭha hngalhnâk ṭha in kan tuah tiah kan hngalh.

HEBRU 9:14

Krih thisen, zungzal Thlarau thawngin Pathian sinah dotla in pekchanh mi nih, Pathian nung rianṭuan dingin, an chiaṭha hngalhnâk kha a thimi tuahsernâk chungin zeitlukindah a thianter chin chin lai!

GALATI 5:6

Zeitintiah Krih Jesuh ah cun cuarpartan hi zeihmanh a ṭhahnem lo, cuarpar tanlo zong zeihmanh a ṭhahnem hlei lo. Zumhnâk, dawtnâk i ṭuan lawng kha a ṭhahnemmi cu a si.

ROM 12:9

Dawtnâk cu zernâk tel loin si seh. Thil ṭhalo kha hua hna ulaw, thilṭha kha i tlaih peng u.

1TIMOTE 1:18

Ka fapa Timote, hlan i na kong an rak chim chungmi bangin um awkah raldohnâk ṭha kha na doh khawh nâkhnga, cu ṭuanvo cu na cungah ka chiah.

1JOHAN 3:10

Hitihin Pathian fa le khuachia fa cu langhter a si. Dinnâk a tuah lomi pauh cu Pathian ta an si lo, a unau a daw lotu zong Pathian ta an si lo.