1JOHAN 5:20 - Laibaibal Thiang (BSI)

²⁰ Pathian Fapa cu a ra i a dikmi Amah kha kan hngalh khawhnâk dingah hngalhthiamnâk a kan pêk cang ti kha kan hngalh. Kannih cu a Fapa Jesuh Krih a dikmi Amah ah khan kan um. Hihi Pathian dik le zungzal nunnâk a si.

Lai (Hakha) Common Language Bible 2006

²⁰ Pathian Fapa cu a ra cang i hngalhnak a kan pek caah Pathian taktak kha kan hngalh. Kan nunnak cu Pathian taktak a simi a Fapa Jesuh Khrih chungah khan a um; amah cu Pathian taktak le zungzal nunnak cu a si.

1JOHAN 5:20 Խաչաձեւ Հղումներ

JOHAN 17:3

Hihi zungzal nunnâk a si, nang Pathian taktak hngalh le, na thlahmi Jesuh Krih hngalh hi.

LUKA 24:45

Cun Cathiang an hngalh khawh nâkhnga an lungthin kha a on piak hna.

JOHAN 14:9

Jesuh nih, “Filip, hitluk sau nan sinah ka um nain nanka hngal lo maw? A ka hmumi pauh Pa a hmumi a si, zeitindah Pa kan hmuhter na ti khawh?

1TIMOTE 3:16

Pathianmisinâk biathli liannganning cu elkhawh a si lo. Pathian cu thisa ah â cang i Thlarau ah thiamcoter a si, vanmi nih an hmuh i Gentel mi hna sinah aupi le vawlei mi nih an zumh i sunparnâk ah kaipimi a si.

1JOHAN 5:1

Jesuh hi Krih a si tiah zumtu cu Pathian hrin a si; a hringtu a dawmi pauh nih, a hrinmi zong a dawt tawn.

JOHAN 20:28

Thomas nih a leh i, “Ka Bawipa le ka Pathian na si,” tiah a ti.

BIAPHUAN 3:7

“Cun Filadelfia kawhhran vancungmi sinah hitihin ṭial, Mithiang, Mi taktak, David tawh ngeitu, ahohmanh khar lo dingin a hung i ahohmanh hun lo dingin a khartu nih khan hi bia hi a chim.”

1JOHAN 4:16

Pathian nih kan ca i a ngeihmi dawtnâk cu kan hngalh i kan zumh. Pathian cu dawtnâk a si, cun dawtnâk i a hmunmi cu Pathian ah a hmun i Pathian zong a sinah a hmun.

ROM 9:5

hringtu hna kha an ta a si rih, thisa leiin ti ah Krih cu an chung i a chuakmi a si, Amah cu thil vialte cung i ummi, zungzal in thangṭhat awktlâk Pathian a si. Amen.

JOHAN 10:30

Kei le ka Pa cu pumkhat kan si.

1JOHAN 4:2

Hitihin Pathian Thlarau cu nan hngalh lai.Thlarau zei pauh Jesuh Krih cu thisa ah â cang tiah a ṭanhtu cu Pathian sin in a si,

1JOHAN 2:6

Amah ah ka um titu cu, Amah nun ningin a nun ve awk a si.

HEBRU 1:8

Asinain Fapa sinah hitinhin a chim, “Maw Pathian na bawi`hunhdanh cu, zungzal in zungzal ca a si. Dinnâk ṭhiangṭhunh zong na pennâk ṭhiangṭhunh a si.

TITAS 2:13

Ruahchannâk duhnung, a lianngan mi kan Pathian le kan Khamhtu Jesuh Krih sunparnâk he â langhnâk kha kan cuan.

LAMKALTU 20:28

Cucaah Pathian kawhhran, a thisen i a cawkmi hna tuukhal si nanmah chungin Thiang Thlarau nih hotu an sitermi ah hin nanmah le nan tuurun vialte hna kongah i ralring u.

JOHAN 17:14

Na bia cu an sinah ka pêk cang; keicu vawlei mi ka si lo bantukin annih zong vawlei mi an si lo caah vawlei nih a huat hna.

BIAPHUAN 19:11

Cubangin van â ongmi ah, zohhmanh, rang râng ka hmuh. Cun a cungah a ṭhumi cu Zumhtlâk le Biatak tiah kawhmi a si i dinnâk in bia a ceih i ral a doh tawn.

BIAPHUAN 15:3

Pathian sal Moses hla le Tuufano hla kha an sa: “Bawipa Pathian Zeizongtuahkho, Na rianṭuanmi hna cu a Lianngan in khuaruahhar an si! Aw mithiang hna Siangpahrang, Na lam hna cu a ding i a dik.

BIAPHUAN 6:10

Annih nih awthang ngai in “Maw, Bawipa a thiangmi le a dikmi vawlei mi hna cungah kan thisen an chuahtermi phu hlam loin zeicandah na um lai?” tiah an ti.

BIAPHUAN 3:14

“Cun Loadisia kawhhran vancungmi sinah hitihin ṭial, ‘Amen, Zumhtâk le Hngalhpitu Taktak, Pathian sermi thil hna Hrampi nih hitihin a chim.

1JOHAN 4:14

Pa nih Fapa cu vawlei khamhtu bangin a thlah tiah kan hmuh i kan hngalhter fawn.

FILIPI 3:9

Amah i ummi ka si khawh nâkhnga, nawlbia zulh ruang i dinnâk si loin, Krih zumhnâk thawngin dinnâk, zumhnâk thawngin Pathian sinin dinnâk cu ka ngeihmi a si.

2 KORIN 4:6

Zeitintiah Jesuh Krih muihmaiah khan Pathian sunpar ning hngalhnâk ceu cu a kan pêk nâkhnga muihnâk chungin ceunâk pe ding i nawlpetu Pathian nih kan lungthin hi a ceuter.

JOHAN 15:4

Keimah ah umpeng u, kei zong nanmah ah ka um peng lai. Nge cu a kungah â pehpeng lo ahcun, amah te in thei tlai a chuah khawh lo bantukin nannih zong keimah ah nan umpeng lo ahcun thei tlai nan chuah kho lai lo.

JOHAN 14:23

Jesuh nih, “Minih aka dawt ahcun, ka bia â nunpi lai; ka Pa nih a dawt lai, a sinah kan ra lai i amah cu umnâk innah kan ser lai.

JOHAN 14:20

Cuniah cun kei Pa i ka um le, nannih keimah i nan um le, kei nanmah i ka um kha nan hngalh lai.

JOHAN 14:6

Jesuh nih, “Keimah hi lam le, biatak le, nunnâk ka si. Keimah in dah ti lo cun ahohmanh Pa sin ah an phân bal lo.

JOHAN 1:18

Zeitikhmanh ah Pathian cu ahohmanh nih an hmu ballo. Fapa ngeihchun, Pa `angchungah a ummi nih Amah cu a phuan cang.

LUKA 21:15

zeitintiah nan ral hna nih an leh khawh lo tiangin fimnâk le kâ kan pêk hna lai.

MATTHAI 13:11

Anih nih, “Vanbawi pennâk biathli hi nan hngalh dingah pêk nan si, asinain annih cu pêk an si ve lo ruangah a si,” tiah a ti.

1JOHAN 2:24

Cucaah a hramthawk in nan theihmi kha nanmah ah hmunhter u. A hramthawk i nan theihmi nanmah ah a hmunh ahcun, nanmah zong Fapa le Pa ah nan hmun peng lai.

EFESA 3:18

mithiang vialte hna he, a kauhning, a sauning, a thuhning le a sanning hna hngal kho ding le,

2 KORIN 5:17

Cucaah mizei pauh Krih ah a um ahcun sertharmi a si, thilhlun cu an lo i ngaihmanh u, zeizong vialte a thar cang.

1 KORIN 1:30

Nannih tu cu Amah thawngin Krih Jesuh ah nan um, Amah cu Pathian sinin kan ca fimnâk, dinnâk, thiannâk le tlanhnâk a si,

JOHAN 17:25

Maw, a dingmi ka Pa, vawlei nih an hngal lo i keinih cun kan hngalh, hi hna zong nih naka thlah tihi an hngalh ve cang.

JOHAN 8:42

Jesuh nih, “Pathian nan pa a si ahcun, nan ka dawt lai. Zeitintiah Pathian sin i a chuakmi le, a sinin a rami ka si. Keimah nawlin ka ra lo, Amah nih a ka thlah.

1JOHAN 2:23

Fapa a hlawtu pauh nih Pa zong a ngei hlei lo; Fapa a cohlângtu pauh nih Pa zong a ngeih.

1JOHAN 5:5

Jesuh hi Pathian Fapa a si tiah a zumtu dah ti lo cu ahonihdah vawlei hi an tei bal?

1JOHAN 5:15

Cun kan halmi pauh a kan ngaihpiak tiah kan hngalh ahcun, a sin i kan halmi cu kan hmuh cang ti zong kan hngalh.

1JOHAN 5:18

Mizei pauh Pathian hrin a simi nih sualnâk an tuah peng lo ti kan hngalh. Pathian Hrin nih khan amah cu a kilven i misual pa nih cun a tongh hmanh a tawng kho lo.