1JOHAN 4:6 - Laibaibal Thiang (BSI)

⁶ Kannih cu Pathian ta kan si. Pathian a hngalmi nih kan bia an ngaih tawn, Pathian ta a si lomi nih cun kan bia an ngai duh lo. Hitihin biatak thlarau le palhnâk thlarau cu kan hngalh khawh.

Lai (Hakha) Common Language Bible 2006

⁶ Sihmanhsehlaw kannih cu Pathian mi kan si. Pathian a hngalmi paoh nih cun kan bia kha an ngaih, Pathian mi a si lomi paoh nih cun an ngai lo. Cucaah hihi biatak Thlarau le palhnak thlarau kan thleidan khawhnak lam cu a si.

1JOHAN 4:6 Խաչաձեւ Հղումներ

JOHAN 14:17

Cucu Biatak Thlarau, vawlei nih a ngeihkhawh lomi cu a si; Amah an hmuh lo i an hngalh lo caah; nannih nih Amah cu nan hngalh; zeitintiah nan sin i a um pengmi hi, nanmah zongah a um lai.

JOHAN 10:27

Ka tuu nih ka aw an theih, annih cu ka hngalh hna i an ka zulh.

JOHAN 15:26

Asinain Bawmtu, Pa sinin ka rak thlah hngami, biatak Thlarau- Pa i a chuakmi cu a rat tikah, ka bia a hngalhter lai.

1JOHAN 4:1

Dawtmi hna thlarau kip in va zum hlah u, asinain thlarau kha Pathian sin in an si le si lo kha hniksak hna u, zeicatiah vawlei ah hin profet deu tampi an chuah cang.

1JOHAN 4:4

Nau le hna, Pathian ta nan si i cuhna cu nan tei cang, zeicatiah nanmah i a ummi cu vawlei i a ummi nâk in a ngan deuh.

JOHAN 18:37

Pailat nih, “Cuti a si ahcun, Siangpahrang na si ko lo maw? tiah a ti. Jesuh nih, “A dikmi na chim. Siangpahrang ka si,” Biatak chim le hngalhter hi vawlei ka chuahchan le ka rat chan a si. Biatak i a ummi pauh nih ka aw hi a ngaih tawn” tiah a ti.

1 KORIN 14:37

Mi zeipauh nih profet ah maw, thlarau mi ngai ah maw â ruah ahcun, nan sin i ka ṭialmi hi Bawipa nawlpêk a si ti a hngalhpi awk a si.

2 THESALON 1:8

Pathian a hngal lomi le kan Bawipa Jesuh Krih thawngṭha a zum lomi hna cu mei alh he phu a hlam lai.

JOHAN 16:13

Asinain Amah, biatak Thlarau, a rak phâk tikah, biatak vialte chungah an kalpi hna lai; Amah nawl in zeihmanh a chim lai lo, a theihmi vialte a chim deuh lai, ara laimi thil tiangin an hngalhter hna lai.

1JOHAN 4:8

Dawtnâk a ngei lomi nih Pathian a hngal lo, zeitintiah Pathian cu dawtnâk a si.

1TIMOTE 4:1

Cân hmadung ahcun mi tampi nih zumhnâk hi an tluktâk lai i hlennâk thlarau le khuachia cawnpiaknâk lei ah an i mer lai tiah Thlarau nih fiang tein a chim,

JOHAN 13:20

Biataktein, biataktein, kan chimh hna, ka thlahmi a rak cohlangtu pauh cu keimah cohlangtu a si. Aka cohlangtu pauh cu aka thlahtu cohlangtu a si.” tiah a ti.

JOHAN 8:19

Annih nih, “Na Pa cu khuazeiahdah a um?” tiah an ti. Jesuh nih, “Nannih nih nanka hngal lo, Ka Pa zong nan hngal hlei lo. Ka hngal ulaw, ka Pa zong nan hngalh ko hnga,” tiah a leh hna.

LUKA 10:22

Ka Pa nih zeizong vialte ka kutah a chiahcang. Pa in dah tilo cun Fapa hi mizei a si kha ahohmanh nih an hngal lo. Pa zong cu mizei a si tiah, Fapa le an sin i Fapa nih a phuanduhnâk dah ti lo cun ahohmanh nih an hngal kho lo,” tiah a ti.

JUDAS 1:17

Asinain dawtmi hna, nannih nih kan Bawipa Jesuh Krih lamkaltu hna nih bia an chimchung mi hna kha philh hlah u:

2 PETER 3:2

Profet mithiang hna nih an rak chim cangmi le, kannih a lamkaltu hna hmangin Bawipa le khamhtu nawlpêkmi cu nan philh nâkhnga lo ka ṭialmi a si,

2 KORIN 10:7

Lenglei a langhning lawngin maw thil nan conh tawn? Mi zei pauh nih Krih ta ah â ruah ahcun amah cu Krih ta a si bangin kannih zong Krih ta kan si ve timi hi ruat ṭhân seh.

ROM 11:8

Hitihin ṭial a si. “Pathian nih nihin tiangin an sinah hngilhnâk thlarau a pêk hna i hmuhkhawh lonâk mit le, theihkhawh lonâk hnâ he”

ROM 1:1

Paul, Jesuh Krih ṭemmi sal, lamkaltu si dingin kawhmi, Pathian thawngṭha caah thleidanmi nih,

JOHAN 20:21

Jesuh nih, “Nan cungah daihnâk um ko seh,” Pa nih a ka thlah bantukin kei zong nih kan thlah ve hna.

JOHAN 10:16

Cun hi tuukawm chung ta a si lomi, tuu dang zong ka ngei, annih zong ka ratpi hna lai, ka aw zong an theih lai i tuukhal pakhat le bukhat in an um lai.

JOHAN 8:23

Anih nih, “Nannih cu tanglei in a chuakmi nan si i kei cu cunglei in a chuakmi ka si. Nannih cu vawlei mi nan sin i kei cu vawlei mi ka si lo.

JOHAN 10:3

Innkâ congtu nih a rak onpiak i tuu nih a aw an theih, a tuu kha an min in a auh hna i a kalpi tawn hna.

1JOHAN 5:19

Pathian ta kan si ti le, vawlei pumpi hi misuaksual pa kut ah a um ti kha kan hngalh.