1JOHAN 4:17 - Laibaibal Thiang (BSI)

¹⁷ Dawtnâk cu kan sinah hitihin tlinter a si: biaceih ni ah ṭihlo tein kan um khawhnâk ah hin, zeicatiah vawlei ah hin Amah bangin kan um.

Lai (Hakha) Common Language Bible 2006

¹⁷ Kannih kan chungah dawtnak kha tlinter a sinak cu, Biaceih Ni ah ṭihnak zeihmanh kan ngeihnak hnga lo caah a si; cun cu bantukin ṭihnak ngei loin kan um khawhnak ding cu hi vawlei cungah hin Khrih bantukin kan nun caah a si.

1JOHAN 4:17 Խաչաձեւ Հղումներ

1JOHAN 4:12

Ahohmanh nih zeitik hmanh ah Pathian an hmu ballo. Pakhat le pakhat kan i dawt ahcun, Pathian kan sinah a hmun, a dawtnâk zong kanmah ah tlam a tling.

1JOHAN 2:28

Atu ah hin nau le hna, Amah ah hmun ko u; cuticun Amah a langh i a rat tik ah Ahmai ah ralṭha le ningzak loin kan um kho lai.

1JOHAN 3:3

Amah cungah cubantuk ruahchannâk a ngeimi pauh nih, Amah a thian bangin â thianter tawn.

1JOHAN 2:5

Asinain a bia a nunpimi pauh cu, Amah ah Pathian dawtnâk a tling taktak cang. Cu nih cun Amah ah kan um ti kha kan hngalh.

ROM 8:29

Zeitintiah a fapa cu unau tampi lak i fater a si khawh nâkhnga, a hngalh chungmi hna cu, Amah fapa bantuk i um dingah a khaukhih diam cang hna.

JOHAN 15:20

Sinum a pu nâkin a ngan deuh lo, timi bia kan chimh cangmi hna kha philh hlah u. Kei anka serhsat ahcun, nannih zong serhsat nan si ve lai. Ka bia an zulh ahcun nan bia zong an zulh lai.

1JOHAN 3:1

Ngaihmanh u Pa nih a kan dawt ning hi zeitlukindah a ngan! Pathian fale tiah kawh kan si! Cucaah vawlei nih ankan hngalh lo, zeicatiah Amah kha an hngal lo.

2 PETER 3:7

Asinain cubia lila nih atu i van le vawlei hi a tlaih, Pathian zeiah a rel lomi hna cung i biaceihnâk le lohtlaunâk ni caah mei i khangh ding i zuahmi a si.

2 PETER 2:9

cuticun Bawipa nih Amah ṭhzahtu cu tukforhnâk chungin luatter ning le, miding lomi hna cu biaceih ni caah zuah ning a hngalh.

JEIM 2:22

Zumhnâk cu a tuahsernâk he an ṭangṭi, cuticun tuahsernâk nih zumhnâk cu tlam a tlinter a si lo maw?

MATTHAI 12:36

Kan chimh hna, “Mi nih an chimmi bia hna hi biaceih niah an chimfian ṭhân a herh te lai.

MATTHAI 11:24

Sihmanhsehlaw kan chimh, biaceih ni ah cun Sodom ram tuarmi nâk hmanh in na tuar ding cu a zualhma deuh lai.

MATTHAI 11:22

Hihi kan chimh hna, biaceih ni ah nan tuarding cu, Tair le Sidon khua tuar ding nâkin a zualhma deuh lai.

MATTHAI 10:25

Zultu nih zulhmi a lawh cu ai za ko, sinum nih a bawi a lawh zong ai za ve ko. Inn ngeitu pa hmanh Beelzebul an ti ahcun, a chung le hna cu an ti chinchin hna lai.

MATTHAI 10:15

Biataktein kan chimh hna, biaceih ni ah Sodom le Gomora khua temtuarmi nâkin cu hna khua temtuar hngami cu ṭih a nung deuh lai.

JEIM 2:13

Zeitintiah mi cungah zângfahnâk ngei lomi cu zângfahnâk tel loin biaceih an si lai. Biaceihnâk cu zângfahnâk nih a tei.

JOHAN 17:22

Sunparnâk naka pêkmi kha, an sinah ka pêk cang, kannih pumkhat kan si bangin annih zong pumkhat an si khawh nâkhnga.

HEBRU 9:27

Minung caah voi khat thih cu ruah cia a si, cuhnu ah biaceihnâk a um lai,

1JOHAN 2:6

Amah ah ka um titu cu, Amah nun ningin a nun ve awk a si.

1JOHAN 3:7

Nau le hna, ahohmanh i hlenter hna hlah u. Amah a din bantukin dinnâk a tuahtu cu a ding.