1JOHAN 3:21 - Laibaibal Thiang (BSI)

²¹ Dawtmi hna kan lungthin nih sual akan phawt lo ahcun, Pathian hmai ah kan ral a ṭha.

Lai (Hakha) Common Language Bible 2006

²¹ Cucaah cun ka fale hna, kan lung nih sual a kan phawt lo ahcun, Pathian cu lungphanglo tein kan fuh ngam i

1JOHAN 3:21 Խաչաձեւ Հղումներ

1JOHAN 2:28

Atu ah hin nau le hna, Amah ah hmun ko u; cuticun Amah a langh i a rat tik ah Ahmai ah ralṭha le ningzak loin kan um kho lai.

HEBRU 4:16

Cucaah bomh kan herh cân ah vel le zângfahnâk kan co khawh nâkhnga zângfahnâk ṭhutdanh cu ralṭha in panh u sih.

2 KORIN 1:12

Kan hmaihngalnâk cu hihi a si. Vawlei ah hin tluangtlam te le zumhtlâk in, minung fimnâk telhchih loin, Pathian zângfahnâk thawngin khua kan sa, nan sinah ṭha chinchin in kan um, ti hi kan chiaṭha hngalhnâk zong nih a pompi.

1JOHAN 5:14

Cubangin hihi Amah cung i kan ralṭhatnâk cu a si, Amah duh ningin kan halmi pauh, a kan ngaihpiakmi hi.

SALM 101:2

Tlâm a tlingmi lamah fim ngaiin ka nung lai, aw zeitikahdah ka sinah na rat lai? Ka inn chungah a tlingmi lungthin he ka um lai.

1JOHAN 4:17

Dawtnâk cu kan sinah hitihin tlinter a si: biaceih ni ah ṭihlo tein kan um khawhnâk ah hin, zeicatiah vawlei ah hin Amah bangin kan um.

HEBRU 10:22

lung taktak le zumhnâk i hngalhfiannâk ngeiin, kan lungthin i a thûrmi chiaṭha hngalhnâk hna kha thian terin kan taksa zong a thiangmi ti ah i kholh in Amah cu naih u sih.

1 KORIN 4:4

Zeitintiah keimah lila nih i sawi awk zeihmanh kâ hngal lo, asinain cu nih cun thiam a ka co ter hlei lo, a ka hneksak tu taktak cu Bawipa a si.

1TIMOTE 2:8

Cucaah pa nih ka kip ah a thiangmi ankut thlir in thinhung lo le lunghring loin thla cam hna seh law ka duh,

ROM 14:22

Zumhnâk na ngei maw? Pathian hmai ah ngei ko. A pommi kongah mah le mah sual â phaw lomi cu mi lunglawm an si.

EFESA 3:12

Amah i zumhnâk thawngin amah lila ah khan ralṭha le ngamh ngaiin luh khawhnâk kan ngei.

1JOHAN 2:7

Unau hna nan sinah nawlpêk thar ka ṭial lo; nawlpêk hlun, a hramthawk in nan ngeih cangmi kha ka ṭial. Nawlpêk hlun cu a hramthawk in nan rak theih cangmi bia kha a si.

1JOHAN 3:2

Ka dawt le hna atu ah Pathian fa le kan si i zeidah kan si telai ti tu cu langhter a si rih lo, asinain Amah a langh tikah, Amah bang kan si lai ti kha kan hngalh, zeitintiah Amah cu a sining tein kan hmuh lai.

1JOHAN 3:20

Zeitintiah kan lung nih thiamlo a kan coh ahcun, Pathian cu kan lungthin nâk in a ngan deuh i zeizong vialte hngaltu a si.