1JOHAN 3:12 - Laibaibal Thiang (BSI)

¹² Kain, misuaksual pa ta a simi, mah unau a thattu bangin nan um awk a si lo. Zeicadah a thah? A tuahmi kha a ṭhalo i a naupa tuahmi kha a din caah a si.

Lai (Hakha) Common Language Bible 2006

¹² Miṭhalopa ta a simi Kain, a nau a thattu bantuk kha kan si awk a si lo. Zeicahdah Kain nih khan a thah? Amah tuahmi thil kha a ding lo i a nau tuahmi thil kha a din caah a si.

1JOHAN 3:12 Խաչաձեւ Հղումներ

HEBRU 11:4

Zumhnâk in Âbel nih Kain nâkin raithawinâk ṭha deuh Pathian sinah a pêk, cunihcun miding a sinâk a langhter, a pêkmi cu Pathian nih a hngalhpi i cu thil nih a thih hnu tiangin bia a chim.

PHUNGTHLÛKBIA 29:27

Midiklo cu miding caah fihnung an si i dik ngaiin a nungmi hna hi misuaksual caah finung an si ve.

JUDAS 1:11

Zeitluk ngaihchia dah an si! Kain lam kha an zulh i hlawh hmu dingah Balaam lamah hakkau ngai in an tli i Kora ralthawhnâk bangin an lo tlau dih te lai.

LUKA 11:51

Abel thisen an chuah ri in, ṭempal le biakṭheng karlak i Zakariah an thahmi thisen tiangin, a mawh cu atu chanthar hna sinah phorhter a si lai.

MATTHAI 23:35

Abel midingpa thisen thawkin ṭempal le biakṭheng karlak i Barakiah fapa zekariah nan thahmi thisen tiang khan, miding nan thahmi thisen vialte kha nanmah cungah a tla te lai.

PHUNGTHLÛKBIA 29:10

Thisen chuah a hmangmi nih sawiawk um lomi kha an huat hna, asinain midik hna nih an thlavâng an hauh tawn hna.

1 PETER 4:4

Cubantuk nomhhnaihnâk i nan i tel duh lomi hi mak an ti i nan thang tu an in chiat hna.

HEBRU 12:24

Jesuh biakam thar lamkaltu, thisen theh, Abel thisen nâk in bia ṭha deuh chimtu hna sinah a phânmi nan si.

SALM 38:20

Ṭhatnâk sualnâk in a lehrultu ka ral hna nih, ṭhatnâk ka zulh ruangah anka ralchanh.

SALM 37:12

Misuaksual nih midik a ngiar i a hacang a rialhnawh tawn.

1JOHAN 3:8

Sualnâk tuahtu cu khuachia ta a si, zeitintiah a hramthawk in khuachia nih sualnâk a rak tuah cang. Pathian Fapa a langhchan cu khuachia rianṭuannâk a hrawh nâkhnga caah a si.

LAMKALTU 7:52

Nan pupa hna nih an sersat lomi profet an um maw? A ra dingmi Mifel kong chimchungtu kha an thah hna, nannih hi cu Mifel tlaitu le thattu nan si,

JOHAN 10:32

Jesuh nih, “Ka Pa sinin rianṭha tampi kan hmuhsak cang hna. Zeiruang bik ah dah lungin cheh nan ka timh?” tiah a ti hna.

MATTHAI 27:23

Mangki pa nih, “Zeiruangah, zei sualnâkdah a tuah?” tiah a ti. Annih nih, “Khenhchih ko” tiah an au.

MATTHAI 13:38

Lo cu vawlei hi a si. ciṭha cu pennâk fale hi an si. cideu cu misual fale an si.

MATTHAI 13:19

Mizei pauh nih pennâk Thawngṭha hi a theih i a sullam a hngalh lo ahcun, mi ṭhalopa cu ara i a lungthin i a tlami thlaici cu a lâkpiak tawn. Cucu lamlak i a tlami cu a si.

BIAPHUAN 17:6

Cu nu cu mithiang hna thisen le Jesuh ca i martar hna thisen in a rît kha ka hmuh. Cun cunu ka hmuh tikah, ka khuaruah a har tuk i ka ar ko.

1THESALON 2:14

Zeitintiah nannih ule nau hna, Judia ram i Pathian kawhhran hna, Krih Jesuh i a ummi hna zohchunhmi nan si. Zeitintiah annih nih Judah mi hna sinin an tuar bantukin nannih zong nih â tluk bakin nan rammi hna sinin nan tuar ve,

PHUNGTHLÛKBIA 27:4

Thinhunnâk hi azia a chia i thinhânnâk hi a tlawk hluahmah; asinain hnahchuahnâk hi ahonihdah a tuar khawh lai?

MATTHAI 5:37

Na chimmi bia cu a simi kha ‘asi’ ti law, a silomi kha ‘a silo’ ti ko. Cupin lei pauhpauh cu Misual pa sinin a rami a si.

JOHAN 8:40

Asinain Pathian sinin biatak a hngal i an chimtu hi, atu thah nan timh fawn. Abraham nih hi bantuk thil a tuah bal lo.

JOHAN 8:41

Nannih nih nanpa tuahmi nan tuah tawn,” tiah a ti. Annih nih, “Lakfa kan si lo; Pa pakhat Pathian kan ngei,” tiah an ti.